শেহতীয়া খবৰ
বঙাইগাঁৱত সৰ্বভাৰতীয় পৰ্যায়ৰ শৰীৰচৰ্চা প্ৰতিযোগিতা  •  এজাক বৰষুণতে বুৰ গ'ল স্মাৰ্ট চিটি গুৱাহাটী  •  দেৰগাঁৱৰ আফাজুৰ ৰহমানৰ প্ৰযুক্তিবিদ্যাৰে চমকঃ ঘন্টাত ৩৫ কিলোমিটাৰ বেগী সৌৰশক্তিত চালিত বাহন উদ্ভাৱন  •  দেৰগাঁৱৰ আফাজুৰ ৰহমানৰ প্ৰযুক্তিবিদ্যাৰে চমকঃ ঘন্টাত ৩৫ কিলোমিটাৰ বেগী সৌৰশক্তিত চালিত বাহন উদ্ভাৱন  •  অসমৰ আন এটা সশস্ত্ৰ সংগঠনৰ যুদ্ধবিৰতি ঘোষণা, ওদালগুৰিত ইউজিপিঅ'ই জমা দিলে অস্ত্ৰ-শস্ত্ৰ  •  চন্দ্ৰযান-২ সন্দৰ্ভত ইছৰ’ই কৰিলে টুইট...  •  কৃষি বিজ্ঞান কেন্দ্ৰ নগাঁৱৰ উদ্যোগত 'বৃহৎ পৰিসৰত গছ পুলি ৰোপণ' কাৰ্যসূচী  •  মডেল বিটিচিত জৰাজীৰ্ণ পথ, ক্ষুব্ধ এবিএমছুৰ কোকৰাঝাৰ-ফুটকিবাৰী পথ অৱৰোধ, ক্ষুৰধাৰ সমালোচনা হাগ্ৰামা-প্ৰমিলাক  •  বলিউডৰ আটাইতকৈ বিগ বাজেট ছবি, ‘ৰাৱণ’ৰ চৰিত্ৰত দেখা পাব পাৰে বাহুবলীক!  •  আমেথিবাসীলৈ কেন্দ্ৰীয় মন্ত্ৰী স্মৃতি ইৰাণীৰ উপহাৰ...

নতুন দিল্লীত ভাৰত চৰকাৰৰে নগা বিদ্ৰোহী এনএছচিএন (আই এম)ৰ যুদ্ধ বিৰতি পৰ্যালোচনা বৈঠক

327

ডিজিটেল সংবাদ, ৱাখাঃ ভাৰত চৰকাৰ আৰু নগা বিদ্ৰোহী সংগঠন এন এছ চি এন (আই এম)ৰ মাজত নতুন দিল্লীত মঙলবাৰে বাৰ্ষিক যুদ্ধ বিৰতি সমীক্ষাৰ বৈঠক অনুষ্ঠিত হয়। বৈঠকত দুয়োপক্ষৰ মাজত যুদ্ধ বিৰতি গ্ৰাউণ্ড ৰুলৰ সন্দৰ্ভত বিশেষভাৱে চৰ্চা হয়। কেন্দ্ৰীয় গৃহ মন্ট্ৰালয়ৰ যুটীয়া সচিব সত্যেন্দ্ৰ গাৰ্গে বুধবাৰে সদৰি কৰা মতে কেন্দ্ৰ আৰু এন এছ চি এনৰ (আই এম) মাজৰ এই বৈঠক সৌহাদ্যপূৰ্ণ আছিল।

বৈঠকত এন এছ চি এনৰ ফালৰ পৰা উত্থাপন কৰা বিষয়সমূহৰ ওপৰত আলোচনা কৰা হয় যদিও যুদ্ধ বিৰতি সমিতিৰ অধ্যক্ষ তথা উত্তৰ পূৰ্বাঞ্চলৰ সেনাৰ প্ৰধান লেফটেনেণ্ট জেনেৰেল ছকিন চৌহান উপস্থিত নথকাৰ বাবে কেতবোৰ বিষয় বাদ দিয়া হয়। এই বৈঠকত এন এছ চি এনৰ (আই এম)ৰ দহজনীয়া প্ৰতিনিধি দলৰ সৈতে অংশগ্ৰহণ কৰে নগা আৰ্মিৰ সেনাধ্যক্ষ ফুটিঙ ছিমৰাঙে।

তেওঁ যুদ্ধ বিৰতি পৰ্যালোচনা বৈঠকৰ সন্দৰ্ভত কয় যে, আলোচনা সৌহাদ্যপূৰ্ণ আছিল। দুয়োপক্ষৰ মাজত যিবোৰ আলোচনা হ’ল ই ভাৰত চৰকাৰ আৰু নগাসকলক ভৱিষ্যতে লাভাম্বিত কৰিব। ছিমৰাঙে আৰু কয় যে, এন এছ চি এন আঠদশকজোৰা নগা সমস্যা সমাধানত যথেষ্ট চিন্তিত যদিও বিগত ২২ বছৰ যুদ্ধ বিৰতিৰ চুক্তি ধাৰ্য ধৰি অপেক্ষা কৰি আছে। এন এছ চি এনে(আই এম) ইতিমধ্যে নগা সমস্যা সমাধানত স্থিতি স্পষ্ট কৰিছে।

আপুনি পঢ়ি ভাল পাব পৰা বাতৰি