ডিজিটেল ডেস্কঃ বুধবাৰৰ ১১ বজাৰ পৰাই প্ৰযোজ্য হ'ল নতুন এছ অ' পি। ৰাজ্যৰ স্বাস্থ্যমন্ত্ৰী কেশৱ মহন্তই সংবাদ মেলৰ জৰিয়তে নতুন এছ অ' পিৰ বিষয়ে ঘোষণা কৰিছে। বহু চৰ্চিত আন্তঃজিলা যাতায়ত খুলি দিয়া হৈছে এই নুতুন এছ অ' পিত। কেতবোৰ চৰ্তসাপেক্ষে ৰাজ্যৰ সকলো জিলা সামৰি আন্তঃ জিলা যাতায়ত মুকলি।
আনহাতে নতুন এছ অ' পি অনুসৰি এতিয়াৰে পৰা সকলো কৰ্মচাৰী কাৰ্যালয়লৈ আহিব লাগিব। কৰ্মচাৰীসকলৰ বাবে নিৰ্ধাৰিত কৰি দিছে কিছু নীতি-নিয়ম।
নৈশ সান্ধ্য আইনৰ ক্ষেত্ৰতো যথেষ্ট শিথিলতা প্ৰদান কৰা হৈছে। নতুন এছ অ' পি অনুসৰি বুধবাৰৰ পৰা সান্ধ্য আইন ৯ ঘণ্টালৈ হ্ৰাস কৰা হৈছে।
ৰাজহুৱা সভা-সমিতিৰ লগতে বিভিন্ন অনুষ্ঠানৰ ক্ষেত্ৰটো দিয়া হৈছে যথেষ্ট শিথিলতা। এতিয়াৰে পৰা সভা-সমিতিৰ বাবে ল'ব নালাগে অনুমতি।
ধৰ্মীয় অনুষ্ঠানৰ ক্ষেত্ৰটো যথেষ্ট শিথিলতা প্ৰদান কৰা হৈছে নতুন এছ অ' পিত। নামঘৰ আৰু বিখ্যাত ধৰ্মীয় অনুষ্ঠানৰ বাবে পৃঠক কৰা হৈছে নীতি নিয়ম।
দীৰ্ঘসময় ধৰি বন্ধ হৈ থকা সপ্তাহিক বজাৰৰ ক্ষেত্ৰটো প্ৰদান কৰা হৈছে শিথিলতা।
বিমান বন্দৰৰ যাত্ৰী সকলৰ বাবেও নতুন এছ অ' পিয়ে লৈ আহিছে বিশেষ শিথিলতা।