শেহতীয়া খবৰ
দ্বিতীয় টি-২০ত টীম ইণ্ডিয়াৰ বিৰুদ্ধে ৭ উইকেটত পৰাস্ত দক্ষিণ আফ্ৰিকা...  •  পাকিস্তান জড়িত থকা কোনো অনুষ্ঠানত ভাগ নলবঃ আলকা য়াগনিক, কুমাৰ ছানু, উদিত নাৰায়নলৈ জাননী...  •  বৰপেটা চিকিৎসা মহাবিদ্যালয়ত ভাইৰেল ৰিচাৰ্ছ এণ্ড ডায়'গ্নষ্টিক লেব'ৰেটৰী মুকলি...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  আফগানিস্তানত ভয়ংকৰ বিস্ফোৰণ, ৪ জনৰ মৃত্যু  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ

চন্দ্ৰযান-২ৰ আৰ্বিটাৰে দিলে আন এক সুখবৰ…

17,270

ডিজিটেল ডেস্কঃ শনিবাৰে নিশা লেণ্ডাৰ বিক্ৰমৰ সৈতে সংযোগ বিচ্ছিন্ন হোৱাৰ পাছত দেওবাৰে দিনৰ ভাগত ইছৰ’ৰ কৰ্তৃপক্ষই দেশবাসীক প্ৰদান কৰিছিল এটা ভাল খবৰ। খবৰটো আছিল চন্দ্ৰযান-২ সৈতে সংলগ্ন আৰ্বিটাৰে সন্ধান লাভ কৰিছে সংযোগ বিচ্ছিন্ন হোৱা লেণ্ডাৰৰ সৈতে। এই খবৰৰ লগতে ইছৰ’ৰ অধ্যক্ষ কে শিৱানে ঘোষণা কৰিছিল যে, আগন্তুক ১৪ দিনত লেণ্ডাৰৰ সৈতে সংযোগ স্থাপনৰ বাবে তেওঁলোকে চেষ্টা অব্যাহত ৰাখিব।

লেণ্ডাৰ বিক্ৰমৰ সৈতে সংযোগ বিচ্ছিন্ন হলেও বৰ্তমানেও সুচলভাৱে কাম কৰি আছে চন্দ্ৰযান-২ সৈতে চন্দ্ৰৰ কক্ষপথত থকা আৰ্বিটাৰে। সময়ে সময়ে চন্দ্ৰপৃষ্ঠৰ বিভিন্ন ফটো পৃথিৱীলৈ প্ৰেৰণ কৰি আছে আৰ্বিটাৰে। ইছৰ’ৰ বিজ্ঞানীসকলে মতপোষণ কৰিছে যে, লেণ্ডাৰ বিক্ৰম সংযোগহীন হলেও আৰ্বিটাৰে ইছৰো’য়ে বিছৰা বহু তথ্য তেওঁলোকক প্ৰদান কৰিব।

ইছৰৰ বিজ্ঞানীসকলে লগতে সংবাদমাধ্যমক জানিবলৈ দিছে যে, বিজ্ঞানী সকলে আৰ্বিটাৰৰ এনেদৰে নিয়ন্ত্ৰিত কৰিছে যাতে আৰ্বিটাৰৰ প্ৰয়োজনকৈ অধিক ইন্ধন ৰাহি হয়। এই কাৰ্যত বহুখিনি সফলো হৈছে ইছৰ’ৰ বৈজ্ঞানিক সকল। পূৰ্বতে এই আৰ্বিটাৰৰ সক্ৰিয় হৈ থকাৰ সময় ১ টা বছৰ আছিল যদিও এনে প্ৰক্ৰিয়াৰ ফলত ইয়াৰ সময়কাল বৃদ্ধি পাইছে। কে শিৱানে সংবাদমাধ্যমক জনাইছে যে, বৰ্তমান আৰ্বিটাৰৰ সময়কাল ১ টা বছৰৰ পৰা ৭ বছৰলৈ বৃদ্ধি পাইছে। ইয়াৰ ফলত ভাৰতীয় বৈজ্ঞানিক সকল অধিক লাভৱান হব বুলিও জানিবলৈ দিছে ইছৰৰ অধ্যক্ষ গৰাকীয়ে।

চন্দ্ৰাভিযানৰ এই ভাল খবৰ ইছৰোয়ে প্ৰকাশ কৰিছে যদিও, বৰ্তমান ইছৰৰ সকলো বিজ্ঞানীয়ে কাম কৰি আছে সংযোগহীন হোৱা লেণ্ডাৰৰ সৈতে সংযোগ স্থাপন কৰাতহে। আগন্তুক ১৪ দিনৰ লৈকে আৰ্বিটাৰৰ সহায়ত লেণ্ডাৰ বিক্ৰমৰ সৈতে সংযোগ স্থাপন কৰাৰ চেষ্টা অব্যাহত ৰাখিব ইছৰ’ৰ বৈজ্ঞানিকসকলে।

আপুনি পঢ়ি ভাল পাব পৰা বাতৰি