শেহতীয়া খবৰ
শিৱসাগৰত ভয়ংকৰ পথ দুৰ্ঘটনা, তেজেৰে ৰাঙলী হ'ল ৰাজপথ, ট্ৰাক-মেজিকৰ সংঘৰ্ষত আহত ১২ জন  •  সন্ত্ৰাসবাদী সংগঠনৰ আত্মসমৰ্পণ এখন নাটক, বিজেপিয়ে বোকাখাটত সন্দেহযুক্ত বাংলাদেশীৰে সভা পাতিছেঃ শৃংখল চলিহা, VIDEO  •  ৰহাত শুকুৰবাৰে কিয় উদণ্ড লোকে বান্ধি প্ৰহাৰ কৰি, চুলি কাটি দিছিল আৰক্ষী বিষয়াক, চাওঁক VIDEO  •  অসহ্যকৰ! ৰহাত পৰিয়ালকেন্দ্ৰীক ঘটনাৰ তদন্তৰ বাবে যোৱা আৰক্ষী বিষয়াক বান্ধি প্ৰহাৰ, প্ৰাণ লোৱাৰ চেষ্টা বোৱাৰীক অত্যাচাৰৰ অভিযুক্তৰ, VIDEO  •  গণৰাজ্য দিৱসত কোন মন্ত্ৰীয়ে ক’ত কৰিব পতাকা উত্তোলন? পঢ়ক সৱিশেষ...  •  গণৰাজ্য দিৱসত কোন মন্ত্ৰীয়ে ক’ত কৰিব পতাকা উত্তোলন? পঢ়ক সৱিশেষ...  •  ভুল কাৰ? আৰক্ষীক পিটিবলৈ কেনেকৈ পালে ইমান সাহ?  •  আৰক্ষী-নিৰাপত্তাৰক্ষীৰ অভিযান অব্যাহত, জম্মু-কাশ্মীৰৰ আৱন্তিপোৰাত জেইছ-ই-মহম্মদৰ সন্ত্ৰাসবাদীৰ আত্মগোপন...  •  কেনেকৈ ক্ৰয় কৰিব ফিল্মফেয়াৰ বঁটা প্ৰদান অনুষ্ঠানৰ টিকট, মূল্য শুনিলেই আচৰিত হ'ব আপুনি...  •  কেনেকৈ ক্ৰয় কৰিব ফিল্মফেয়াৰ বঁটা প্ৰদান অনুষ্ঠানৰ টিকট, মূল্য শুনিলেই আচৰিত হ'ব আপুনি...

চন্দ্ৰৰ বুকুত সন্ধান পোৱা গ’ল চন্দ্ৰযান-২ৰ লেণ্ডাৰ বিক্ৰমৰ ধ্বংসাৱশেষৰ

1,283

ডিজিটেল ডেস্কঃ অৱশেষত চন্দ্ৰৰ বুকুত সন্ধান পোৱা গ’ল লেণ্ডাৰ বিক্ৰমৰ ধ্বংসাৱশেষ। মাৰ্কিন মহাকাশ গৱেষণা সংস্থাই এক টুইটযোগে চন্দ্ৰযান-২ৰ লেণ্ডাৰ বিক্ৰমৰ ধ্বংসাৱশেষৰ সন্ধান পোৱাৰ বিষয়ে জানিবলৈ দিয়ে। নাছাৰ উপগ্ৰহৰ এল আৰ অ’ কেমেৰাত ধৰা পৰে এই ধ্বংসাৱশেষৰ ছবি।

যোৱা ২৬ ছেপ্তেম্বৰত চন্দ্ৰপৃষ্ঠৰ যি ঠাইত বিক্ৰম ধ্বংসাৱশেষত পৰিণত হৈছিল, সেই ঠাইৰ ছবি প্ৰকাশ কৰিছে নাছাই। এই ছবিসমূহ তোলা হৈছে নাছাৰ উপগ্ৰহৰ এল আৰ অ’ কেমেৰাৰে। সেই আলোকচিত্ৰৰে এটা অংশক বিক্ৰমৰ ধ্বংসাৱশেষ বুলি দাবী কৰে ভাৰতীয় কম্পিউটাৰ প্ৰগ্ৰেমাৰ আৰু পেছাত এগৰাকী মেকানিকেল ইঞ্জিনিয়াৰ সুব্ৰক্ষণ্যমে।

নাছাই প্ৰকাশ কৰা আলোকচিত্ৰত সেই ঠাইখিনিক ‘এছ’ বুলি চিহ্নিত কৰা হৈছে। নাছাৰ প্ৰকাশিত ছবিত নীলা আৰু সেউজীয়া ৰঙৰ জৰিয়তে লেণ্ডাৰ বিক্ৰমৰ ধ্বংসাৱশেষ হিচাপে চিহ্নিত কৰা হৈছে। সূত্ৰৰ খবৰ অনুসৰি, নীলা ৰঙৰ দ্বাৰা আলোকচিত্ৰত বিক্ৰমৰ ধ্বংসাৱশেষ আৰু সেউজীয়া ৰঙৰ দ্বাৰা লেণ্ডাৰ বিক্ৰম ভাঙি পৰা চন্দ্ৰ পৃষ্ঠৰ মাটি বুলি দাবী কৰা হৈছে।

উল্লেখ্য যে, যোৱা ৭ ছেপ্তেম্বৰত চন্দ্ৰ পৃষ্ঠত সফল অৱতৰণৰ মাত্ৰ কিছু সময় পূৰ্বে চন্দ্ৰযান-২ৰ অৰবিটাৰৰ সৈতে সংযোগ বিচ্চিন্ন হৈ পৰে লেণ্ডাৰ বিক্ৰমৰ। চন্দ্ৰপৃষ্ঠৰ পৰা মাত্ৰ ২.১ কিলোমিটাৰ ওপৰত লেণ্ডাৰ বিক্ৰমৰ সৈতে সংযোগ বিচ্চিন্ন হৈ পৰিছিল। তাৰ পিছত লেণ্ডাৰ বিক্ৰমৰ সৈতে ভাৰতীয় মহাকাশ গৱেষণা সংস্থাই সংযোগ স্থাপনৰ বাবে চেষ্টা চলায় যদিও বিফল হয়।

আপুনি পঢ়ি ভাল পাব পৰা বাতৰি