শেহতীয়া খবৰ
জি-৭ত প্ৰধানমন্ত্ৰী মোদীঃ এক পৃথিৱা, এক স্বাস্থ্যৰ বাৰ্তা প্ৰেৰণ...  •  ওৰাঙত এছ এছ বিৰ প্ৰশংসনীয় পদক্ষেপ ! কৈলাশ দেৱালয়ত ১১০ টা গছ পুলি ৰোপন....  •  হৃদ ৰোগত আক্ৰান্ত হৈ কংগ্ৰেছ নেত্ৰীৰ বিয়োগ...  •  চিচিবৰগাঁৱৰ ১৫ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা, থিতাতে দুজন নিহত...  •  কোভিডৰ সংক্ৰমণৰ বাবে সুক্ষ্ম নিয়ন্ত্ৰণ কেন্দ্ৰ ঘোষণা কৰা অঞ্চলত খাদ্য সামগ্ৰী বিতৰণ...  •  এচিয়াৰ দ্বিতীয় বৃহত্তম হাতীমূৰাস্থিত কলং উত্তোলিত জলসিঞ্চন আঁচনি এতিয়া ধোঁৱাচাঙত...  •  মাইক্ৰ'ফাইনেন্সৰ ঋণ মাফ সৰ্ম্পকত সদৌ অসম গ্ৰামীণ শ্ৰমিক সন্থাৰ তীব্ৰ প্ৰতিবাদ  •  অসমত পুনৰ ৩৪৬৩জন কোভিড পজিটিভ, ৪২জনে হেৰুৱাইছে প্ৰাণ...  •  মাধ্যমিক শিক্ষাৰ ঠিকাভিত্তিক শিক্ষকে লাভ কৰিব তিনি মাহৰ দৰমহা...  •  মোৰাঝাৰত বিধ্বংসী অগ্নিকাণ্ড! দহ লক্ষাধিক টকাৰ ক্ষয়-ক্ষতি

নাৰায়ণপুৰত খহনীয়াৰ পৰি পৰিত্ৰাণ বিচাৰি ভোগ-নৈবেদ্যৰে ব্ৰহ্মপুত্ৰৰ শৰণাপন্ন হ’ল ৰাইজ …

ডিজিটেল সংবাদ, নাৰায়ণপুৰ: খহনীয়া গ্ৰস্তৰ শেষ ভৰষা নেদেখাজন। নাৰায়ণপুৰৰ বনপুৰৈ-জামুগুৰিত মহাবাহু ব্ৰহ্মপুত্ৰৰ গৰাখহনীয়াৰ পৰা পৰিত্ৰাণ বিচাৰি ৰাইজ শৰণাপন্ন হৈছে ব্ৰহ্মপুত্ৰ বাবাৰ৷ ব্ৰহ্মপুত্ৰ বাবাৰ শ্ৰীচৰনত ভোগ-নৈবেদ্য আগবঢ়োৱাৰ সমান্তৰালকৈ নদীৰ পাৰত আয়োজন কৰিছে মহাযজ্ঞৰ৷ বিহপুৰীয়া সমষ্টিৰ নৱনিৰ্বাচিত বিধায়ক ড০ অমীয় কুমাৰ ভূঞাৰ উদ্যোগত স্থানীয় ৰাইজ অৱশেষত নদীৰ পাৰত গৰাখহনীয়া ৰোধৰ বাবে শুকুৰবাৰে পুৱাৰে আৰম্ভ কৰিছে মহাযজ্ঞ ৷ ভোগ-নৈবেদ্য আগবঢ়াই পুৰোহিতে অহৰহ পাঠ কৰিছে মন্ত্ৰ । সন্তুষ্ট হ’ব লাগে বাবা ব্ৰহ্মপুত্ৰ ।

পঢ়িবলৈ ক্লিক কৰকঃ দেশত ব্লেক ফাংগাছত আক্ৰান্তৰ সংখ্যা বৃদ্ধি ৩১ সহস্ৰাধিকলৈ, শীৰ্ষ স্থানত মহাৰাষ্ট্ৰ…

উল্লেখ্য যে, বিগত বছৰ বছৰ ধৰি অঞ্চলটোত মহাবাহু ব্ৰহ্মপুত্ৰৰ খহনীয়াই কালৰূপ ধাৰণ কৰি আহিছে। ইতিমধ্যে ঘৰ-বাৰী নদীৰ বুকুত জাহ যোৱাৰ ফলত অঘৰী জীৱন যাপন কৰিব লগীয়া শ শ পৰিয়ালে । চৰকাৰ বহুত আহিল কিন্তু বনপুৰৈ-জামুগুৰিবাসী ৰাইজৰ সমস্যাৰহে পৰিৱৰ্তন নহ’ল। বিগত সময়ছোৱাত বিধায়ক ড.অমীয় কুমাৰ ভূঞাই হাতত বেলচা আৰু পাচি লৈ ৰাইজৰ সহযোগত খহনীয়া প্ৰতিৰোধৰ চেষ্টা চলোৱাৰ লগতে জলসম্পদ মন্ত্ৰী পিয়ুষ হাজৰিকাই দুবাৰকৈ আহি খহনীয়াস্থলি পৰিদৰ্শণ কৰাৰ লগতে স্থানীয় ৰাইজক খহনীয়া প্ৰতিৰোধৰ আশ্বাস দিছিল ।

মন্ত্ৰী গৰাকীৰ পৰিদৰ্শণৰ পিছতে জলসম্পদ বিভাগেও তৎপৰতাৰে খহনীয়া প্ৰতিৰোধৰ চেষ্টা চলাই থকাৰ পিছতো আশ্বস্ত হ’ব নোৱাৰি গৰাখহনীয়াৰ পৰা পৰিত্ৰাণ বিচাৰি অৱশেষত স্থানীয় বিধায়ক গৰাকীৰ উদ্যোগত ৰাইজ ভোগ-নৈবেদ্যৰে মহাবাহু ব্ৰহ্মপুত্ৰ বাবাৰ ওচৰত শৰণাপন্ন হৈছে৷ ব্ৰহ্মপুত্ৰৰ পাৰত অহৰ্নিশে চলিছে পূজাৰীৰ মন্ত্ৰোচাৰণ ৷ উল্লেখ্য যে বৃহত্তৰ অঞ্চলটোৰ ৰক্ষাকবচ স্বৰূপ জামুগুৰি-আৰিমৰা সংযোগী বৃহৎ মথাউৰিটো যদি কেনেবাকৈ মহাবাহু ব্ৰহ্মপুত্ৰৰ বুকুত সম্পূৰ্ণৰূপে জাহ যায় তেন্তে বিহপুৰীয়া সমষ্টিৰ একাংশৰ লগতে গহপুৰ সমষ্টিৰ অধিকাংশ অঞ্চল ভয়াবহ বানৰ কৱলত পৰিব ই প্ৰায় নিশ্চিত ।

আপুনি পঢ়ি ভাল পাব পৰা বাতৰি