শেহতীয়া খবৰ
ৰাজস্থানত নিয়ন্ত্ৰণ হেৰুৱাই বিবাহযাত্ৰী কঢ়িওৱা বাছ পৰিলগৈ নদীত, ১৮ জনৰো অধিক লোকৰ মৃত্যু...  •  ৰঞ্জন দৈমাৰীৰ জামিন আবেদন নাকচ গুৱাহাটী উচ্চ ন্যায়ালয়ৰ...  •  ২৩ মাৰ্চলৈ পিছুওৱা হৈছে দিল্লীৰ শ্বাহীন বাগৰ পৰা প্ৰতিবাদকাৰীক আতৰোৱাৰ প্ৰসংগত উচ্চতম ন্যায়ালয়ৰ শুনানিৰ দিন  •  পথৰ পৰা যাত্ৰীসহ নদীত পৰিলগৈ বাছ, বৰ্তমানেও পানীত আবদ্ধ বাছখনৰ কেবাজনো লোকৰ মৃত্যুৰ আশংকা...  •  দিল্লীত 'কা' বিৰোধী প্ৰতিবাদৰ নামত হিংসাত্মক ঘটনা, নিহতৰ সংখ্যা ২০লৈ বৃদ্ধি...  •  পিতৃ ৰাহুল দ্ৰাবিড়ৰ দৰেই খেলপথাৰত উজ্বলিছে সুমিত, ১৪৪ বলত দ্বি শতক অৰ্জন...  •  পিতৃ ৰাহুল দ্ৰাবিড়ৰ দৰেই খেলপথাৰত উজ্বলিছে সুমিত, ১৪৪ বলত দ্বি শতক অৰ্জন...  •  ওড়িশ্যাৰ মুখ্যমন্ত্ৰী নবীন পাটনায়কক ৮ম বাৰৰ বাবে বিজু জনতা দলৰ সভাপতি নিৰ্বাচিত  •  দিল্লীত প্ৰতিবাদকাৰীক বাধা দিবলৈ গৈ প্ৰাণ হেৰুওৱা হেড কনিষ্টবল ৰতন লালক শ্বহীদ ঘোষণাৰ দাবীত প্ৰতিবাদ...  •  দিল্লীৰ হিংসাত্মক ঘটনা নিয়ন্ত্ৰণলৈ অনাৰ দায়িত্ব প্ৰদান অজিত ডোভালক...

নলবাৰীত ৰমেশ চন্দ্ৰ শৰ্মাৰ স্মৃতিচাৰণ-গ্ৰন্থ উন্মোচনী সভা

66

ডিজিটেল সংবাদ, নলবাৰীঃ নলবাৰী সাহিত্য সমাজৰ প্ৰাক্তন সভাপতি তথা কৃতী শিক্ষক প্ৰয়াত ৰমেশ চন্দ্ৰ শৰ্মাৰ দ্বিতীয় মৃত্যু বাৰ্ষিকী উপলক্ষে দেওবাৰে নলবাৰী লেখিকা সমাজৰ উদ্যোগত লিটিল ফ্লাৱাৰ্ছ স্কুলত এখন স্মৃতিচাৰণ আৰু গ্ৰন্থ উন্মোচনী সভা অনুষ্ঠিত হয়। আবেলি অনুষ্ঠিত সভাৰ আদিতে প্ৰয়াত শৰ্মাৰ প্ৰতিচ্ছবিৰ সন্মুখত বন্তি প্ৰজ্বলন কৰে তেওঁৰ পত্নী বিমলা দেৱীয়ে আৰু মাল্যাৰ্পন কৰে লেখিকা সমাজ উপদেষ্টা ৰেণুকা শৰ্মাই।

ইয়াৰ পিচতে লেখিকা অনুপমা দেৱীৰ সভাপতিত্বত স্মৃতিচাৰণ আৰু গ্ৰন্থ উন্মোচনী সভা অনুষ্ঠিত হয়। সভাখন সদৌ অসম লেখিকা সমাৰোহ সমিতিৰ উপ সভানেত্ৰী বিভা বুজৰবৰুৱাই উদ্বোধন কৰে। সভাত ড° লীনা ডেকা আৰু ড° দীনমণি ভাগৱতীয়ে ভাষণত প্ৰয়াত ৰমেশ শৰ্মাৰ জীৱন আৰু কৃতি সন্দৰ্ভত ব্যাখ্যা কৰে। উক্ত সভাতে বিমলা দেৱীৰ ‘সাধুৰ সঁফুৰা’ নামৰ গ্ৰন্থখন উন্মোচন কৰে সাহিত্যাচাৰ্য ড° বসন্ত কুমাৰ ভট্টাচাৰ্যই।

আপুনি পঢ়ি ভাল পাব পৰা বাতৰি