শেহতীয়া খবৰ
তিহাৰ জেলতে পি চিদাম্বৰমৰ ৭৪ সংখ্যক জন্মদিন পালন, টুইটাৰত কলেঃ সংকটৰ দিশে দেশ, ভগৱানে ৰক্ষা কৰক...  •  কোকৰাঝাৰত ৰে'লৰ খুন্দাত গৃহৰক্ষী জোৱান নিহত...  •  কলাগুৰু বিষ্ণু ৰাভা স্নাতক মহাবিদ্যালয়ত আছুৰ উদ্যোগত "এজন ছাত্ৰ এজোপা গছপুলি " শীৰ্ষক ব্যতিক্ৰমী অভিযান...  •  পূজাৰ অফাৰ, নতুন গাড়ী, আৰ্থিক মন্দাৱস্থা ইত্যাদি...  •  মেঘালয়ত পুনৰ ২ জন অবৈধ নাইজেৰিয়ানক গ্ৰেপ্তাৰ..  •  ৰাষ্ট্ৰীয় শক্তি উত্তোলনত অসমৰ ৪ টা স্বৰ্ণ জয়...  •  ৰিহণ দৈমাৰীৰ সপোন পূৰণ নহ’ল! আঁতৰিব ফলক, মুখ্যমন্ত্ৰীয়েহে উদ্বোধন কৰিব জনস্বাস্থ্য বিভাগৰ নৱনিৰ্মিত ভৱন...  •  দিছপুৰ প্ৰেছ ক্লাৱত বিশ্বকৰ্মা পূজাৰ আয়োজন..  •  বিশিষ্ট শিক্ষাবিদ প্ৰয়াত ডিম্বেশ্বৰ চৌধুৰীৰ সোঁৱৰণত স্মৃতিগ্ৰন্থ উন্মোচন…  •  ওদালগুৰিত পৰকীয়া প্ৰেমৰ নৃশংস পৰিণতি, মাতৃয়ে ডিঙি চেপি হত্যা কৰি জংঘলত দলিয়ালে ২১ মহীয়া কন্যা সন্তানক....

নলবাৰী এলেংগীদল-মুগকুছিত ২৫ মেধাৱী শিক্ষাৰ্থীক সম্বৰ্ধনা…

63

ডিজিটেল সংবাদ, নলবাৰীঃ আস্থা, ভাতৃত্ব, বন্ধুত্ব আদি শব্দবোৰ আমাৰ সমাজৰ পৰা যেন হেৰাই যাব ধৰিছে ৷ আমি জ্ঞানৰ দ্বাৰা পৰিচালিত হ’ব লাগে কিন্তু পৰিচালিত হৈছো টকা-পইচাৰ জৰিয়তে ৷ মেধাৱী শিক্ষাৰ্থীসকল সমাজৰ প্ৰতি দায়বদ্ধ হোৱা উচিত ৷ বৰ্তমান আমাৰ সমাজত ইমান উচ্চশিক্ষিত লোক আছে, কিন্তু আমি সমাজখনৰ অৱক্ষয় ৰোধ কৰাত যেন ব্যৰ্থ হৈছো ৷- এই মন্তব্য কামৰূপ মহাবিদ্যালয়ৰ সহকাৰী অধ্যাপক আব্দুৰ ৰৌফৰ ৷

বৃহস্পতিবাৰে নলবাৰী জিলাৰ এলেংগীদল -মুগকুছি মছজিদ কমিটীৰ উদ্যোগত অঞ্চলটোৰ পৰা সদ্য ফলাফল ঘোষিত হাইস্কুল শিক্ষান্ত আৰু উচ্চতৰ মাধ্যমিক পৰীক্ষাত কৃতিত্বৰে উত্তীৰ্ণ শিক্ষাৰ্থীসকলক অভিনন্দন জনোৱাৰ উদ্দেশ্যে আয়োজিত সভাত বিশিষ্ট অতিথি হিচাপে উপস্থিত থাকি অধ্যাপক ৰৌফে কয় -আমি আমাৰ মেধা আৰু প্ৰতিভাক সদায় অৱদমন কৰি ৰাখিছো ৷ অভিভাৱকসকলে ছাত্ৰ-ছাত্ৰীৰ নম্বৰৰ ওপৰত গুৰুত্ব দি আহিছো কিন্তু তেওঁলোকক স্বাধীনচিতীয়া ,নিৰ্ভীক কৰি গঢ়ি তুলিব নোখোজো ৷

বিশিষ্ট সমাজকৰ্মী আলহাজ শ্বেখ ফৰমানউদ্দিন আহমেদৰ সভাপতিত্বত অনুষ্ঠিত সভাখনত দক্ষিণ নলবাৰী মহাবিদ্যালয়ৰ প্ৰবক্তা কুতুবউদ্দিন আহমেদ আৰু সদৌ নলবাৰী জিলা ছাত্ৰ সন্থাৰ শিক্ষা সম্পাদক ৰিয়াজউদ্দিন আহমেদে শৈক্ষিক দিশত ছাত্ৰ-ছাত্ৰীসকলৰ উদ্দেশ্যি ভাষণ দিয়ে ৷ সম্বৰ্ধনা সভাখনত সাংবাদিক আব্দুল কাদেৰ আহমেদে উপস্থিত থাকি ছাত্ৰ-ছাত্ৰীসকল নৈতিক শিক্ষাৰে শিক্ষিত হ’ব লাগে বুলি ভাষণপ্ৰসংগত কয় ৷

নুৰমহম্মদ আলীয়ে উদ্দেশ্য ব্যাখ্যা কৰা সভাখনত উচ্চতৰ মাধ্যমিক পৰীক্ষাৰ বাণিজ্য শাখাত এইবেলি সপ্তম স্থানপ্ৰাপ্ত স্থানীয় প্ৰতিভা বৈশ্যসহ অঞ্চলটোৰ ২৫ গৰাকী কীৰ্তিমানক গামোচা আৰু মানপত্ৰৰে উদ্যোক্তাসকলে অভিনন্দন জনায় ৷ সভাত স্থানীয় বহুকেইগৰাকী বিশিষ্ট ব্যক্তিকো সম্বৰ্ধনা জনোৱা হয় ৷আব্দুল মালেকে আঁতধৰা সভাখনত উদীয়মান লেখক আইনুল হকৰ হাতেলিখা কাব্যগ্ৰন্থ সপোন আৰু মোৰ প্ৰৱন্ধ মোৰ কবিতা শীৰ্ষক গ্ৰন্থদুখন উন্মোচন কৰে প্ৰবক্তা কুতুবউদ্দিন আহমেদে ৷ আৰু ইয়াৰ পূৰ্ব্বে পুৱাৰ ভাগত গছপুলি ৰোপণ কাৰ্যসূচী ৰূপায়ণ কৰে সমাজকৰ্মী ৰস্তুম আলী আৰু নৌচাদ আলী ৰহমানে ৷

আপুনি পঢ়ি ভাল পাব পৰা বাতৰি