ডিজিটেল সংবাদ,নগাঁও: ধনৰ বিনিময়ত বান সাহাৰ্য় প্ৰদানৰ অভিযোগৰ ক্ষেত্ৰত কঠোৰ হৈছে নগাঁৱৰ প্ৰশাসন ৷ কামপুৰ চক্ৰ বিষয়াই চৰকাৰী বান সাহাৰ্যৰ নামত কোনোৱে ধন দাবী কৰিলে লগে লগে চক্ৰ বিষয়াক অভিযোগ দাখিল কৰিবলৈ অনুৰোধ জনাইছে ৷
চক্ৰ বিষয়াই স্পষ্ট কৰি দিছে যে বান পীড়িতলৈ আগবঢ়োৱা সাহাৰ্যৰ পৰিবহন ব্যয় চৰকাৰে বহন কৰিব ৷ সম্পূৰ্ণ চৰকাৰী খৰচত সাহাৰ্য বিতৰন কৰা হৈছে আৰু সাহাৰ্যৰ পৰিবহনো বিনামূলীয়া ৷ এই ক্ষেত্ৰত চৰকাৰী বা বেচৰকাৰী লোকে পৰিবহনৰ নামত ধন দাবী কৰিলে কামপুৰৰ চক্ৰ বিষয়াক তৎকালে অবগত কৰিবলৈ আহ্বান জনাইছে ৷
দুৰ্যোগ ব্যৱস্হাপনাৰ ট'ল ফ্ৰি নম্বৰ ১০৭৭ নম্বৰত সাহাৰ্যৰ নামত কোনোয়ে ধন দাবী কৰিলে লগে লগে অভিযোগ দাখিল কৰিবলৈকো আহ্বান জনাইছে ৷ ইয়াৰ বাহিৰেও ০৩৬৭২-২৩৬৮২৭ নম্বৰটো অভিযোগ দাখিল কৰিব পাৰিব বুলি এক প্ৰেছ বিবৃত্তি যোগে কামপুৰৰ চক্ৰ বিষয়াই জনাইছে ৷