শেহতীয়া খবৰ
দিল্লীৰ হিংসাত্মক কাৰ্যৰ বাবে প্ৰৰোচিত কৰাৰ অভিযোগত গ্ৰেপ্তাৰ কংগ্ৰেছৰ প্ৰাক্তন মহিলা কৰ্প’ৰেটৰক…  •  গুৰুতৰভাৱে অসুস্থ অখিল গগৈক কাৰাগাৰৰ পৰা প্ৰেৰণ গুৱাহাটী চিকিৎসা মহাবিদ্যালয়লৈ...  •  উন্নাও বলাৎকাৰ কাণ্ডৰ নিৰ্যাতিতাৰ পিতৃৰ হত্যা গোচৰ, শনিবাৰে আদালতে প্ৰদান কৰিব ৰায়...  •  কেনে আছে জুবিন? নেমকেয়াৰলৈ গৈ খবৰ ল’লে মুখ্যমন্ত্ৰীয়ে...  •  অশান্ত দিল্লীৰ ভিডিঅ’ হোৱাটছএপত কাৰোবালৈ প্ৰেৰণ কৰিছিল নেকি? ব্যৱস্থা ল’ব আৰক্ষীয়ে...  •  কৰ্কট ৰোগত আক্ৰান্ত শিশুসকলক লৈ বি বৰুৱা কৰ্কট প্ৰতিষ্ঠানৰ ব্যতিক্ৰমী প্ৰচেষ্টা...  •  পাকিস্তানী সেনাক আন্তঃৰাষ্ট্ৰীয় সন্ত্ৰাসবাদৰ অভিকেন্দ্ৰ আখ্যা দি কোনে আঁৰিলে পোষ্টাৰ…  •  ‘জুবিন গাৰ্গ মৰিলেও ভাল’ বুলি কৈ ৰোষত পৰিল নীৰৱ হাজৰিকা, মাতৃয়ে বিচাৰিলে ক্ষমা  •  শনিবাৰে স্বাক্ষৰিত হ’ব আমেৰিকা-তালিবানৰ মাজৰ শান্তি চুক্তি, ভাৰত হ’ব সাক্ষী  •  পুৱাই ভূমিকম্পৰ জোকাৰণি...

নগাঁও ছোৱালী মহাবিদ্যালয়ৰ প্ৰাক্তন অধ্যাপিকা-গীতিকাৰ হিমাদ্ৰী দেৱীৰ পৰলোক, নগাঁৱৰ বিধায়ক ৰূপক শৰ্মাৰ শোক প্ৰকাশ

64

ডিজিটেল সংবাদ, নগাঁওঃ নগাঁও ছোৱালী মহাবিদ্যালয়ৰ ৰাজনীতি বিজ্ঞান বিভাগৰ অৱসৰপ্ৰাপ্ত মুৰব্বী অধ্যাপিকা হিমাদ্ৰী দেৱীৰ বুধবাৰে বিয়লি পৰলোকপ্ৰাপ্তি ঘটে। নগাঁও চহৰৰ উত্তৰ হয়বৰগাঁও লাওখোৱা ৰোড নিবাসী তথা বিশিষ্ট গীতিকাৰ, গায়ক, শিক্ষাবিদ প্ৰয়াত জ্যোতিনাথ চক্ৰৱৰ্তীৰ সহধৰ্মিণী হিমাদ্ৰী দেৱীৰ মৃত্যুত সমগ্ৰ জিলাখনতে দেখিবলৈ পোৱা গৈছে শোকৰ ছাঁ।

বিগত কিছুদিন ধৰি অসুস্থতাত ভুগি নগাঁৱৰ এখন ব্যক্তিগত হাস্পতালত মৃত্যু হোৱা প্ৰাক্তন অধ্যাপিকাগৰাকীৰ গীতিকাৰ হিচাপেও আছে সুনাম। ৰাইজৰ হকে বিভিন্ন কাম কাজত জড়িত হৈ সমাজৰ হিতৰ বাবে চিন্তা কৰা হিমাদ্ৰী দেৱী আছিল অসম লেখিকা সন্থাৰ আজীৱন সদস্যা। তেওঁ অসমীয়া প্ৰতিদিন কাকতৰ শ্বিলংস্থিত বিশেষ প্ৰতিনিধি ধ্ৰুৱ চক্ৰৱৰ্তীৰ মাতৃ।

উল্লেখ্য যে, তেওঁ মৃত্যুৰ সময়ত ৩ পুত্ৰ, বোৱাৰী, নাতি-নাতিনীসহ ভালেসংখ্যক আত্মীয়ক ইহসংসাৰত এৰি গৈছে। তেওঁৰ মৃত্যুত নগাঁৱৰ বিধায়ক ৰূপক শৰ্মাই শোক প্ৰকাশ কৰাৰ লগতে পৰিয়ালবৰ্গলৈ সমবেদনা জ্ঞাপন কৰিছে।

আপুনি পঢ়ি ভাল পাব পৰা বাতৰি