শেহতীয়া খবৰ
কামৰূপ (মঃ)ত লকডাউনৰ শিথিলতা সন্দৰ্ভত দেওবাৰে জনাব সবিশেষ, টুইটাৰযোগে ঘোষণা মুখ্য সচিবৰ...  •  জম্মু-কাশ্মীৰত নিৰাপত্তাৰক্ষীৰে সংঘৰ্ষত নিহত দুটা সন্ত্ৰাসবাদী...  •  ধেমাজিৰ প্ৰতিস্থিত ব্যৱসায়ী মনোজ চুতীয়াৰ মৃত্যু...  •  মণিপুৰত বিগত ২৪ ঘন্টাত কোৰোনাত আক্ৰান্ত হৈছে ৯জন লোক  •  চেঙাৰ ছাটাত ড্ৰাগছ ব্যৱসায়িক উত্তম মধ্যম দি ৰাইজে গতালে আৰক্ষীক, VIDEO  •  আনফৰ ফাউণ্ডেশ্যনৰ উদ্যোগত মোৰাঝাৰত ছেনিটাইজেশ্যন  •  সৰ্বানন্দ সোণোৱাল ৰাজহাড় নাইকীয়া মুখ্যমন্ত্ৰীঃ বিধায়ক জাকিৰ হুছেইন শিকদাৰ, VIDEO  •  শ্ৰীশ্ৰীগুৰু পূৰ্ণিমাত গুৰু বন্দনা কৰিবলৈ ৰাজ্যবাসীক আহ্বান শিশু শিক্ষা সমিতিৰ... VIDEO  •  দিল্লীত ৯৭ সহস্ৰাধিকলৈ বৃদ্ধি কোৰোনাত আক্ৰান্ত লোকৰ সংখ্যা, ২৪ ঘন্টাত ২৫০৫জনৰ দেহত কোভিড-১৯...  •  বিজেপি নিৰ্বাচন জয়ী হোৱাৰ যন্ত্ৰ নহয়ঃ প্ৰধানমন্ত্ৰী

নগাঁৱত বিধায়ক আমিনুল ইছলামৰ পুত্তলিকা দাহেৰে প্ৰতিবাদ, VIDEO

124

ডিজিটেল সংবাদ, নগাঁওঃ অসমৰ থলুৱা ভূমিপুত্ৰ আহোম সকলক বিদেশী বুলি আখ্যা দিয়াৰ লগতে পমুৱা মুছলমান অৰ্থাৎ বাংলাদেশী মূলৰ মুছলমান সকলহে অসমৰ খিলঞ্জীয়া বুলি ধিঙৰ বিধায়ক আমিনুল ইছলামে কৰা সাম্প্ৰদায়িক মন্তব্যৰ বিৰুদ্ধে ৰাজ্যত অব্যাহত আছে প্ৰতিবাদ। বৃহস্পতিবাৰে সন্ধিয়া ৬ বজাত নগাঁও নগৰৰ মাজমজিয়াত তথা নগাঁও কলেজৰ সমীপত অসমৰ জাতি-জনগোষ্ঠীসমূহক তাচ্ছিল্য সূচক মন্তব্য দিয়াৰ প্ৰতিবাদত আমিনুল ইছলামৰ পুত্তলিকা দাহ কৰে অখিল ভাৰতীয় বিদ্যাৰ্থী পৰিষদৰ নগাঁও নগৰ সমিতিয়ে।

অৰ্ধ শতাধিক কাৰ্যকৰ্তাৰ উপস্থিতিত সাত ৰাজ মাৰি এক ৰাজ প্ৰতিষ্ঠা কৰা তথা ৬০০ বছৰ অসমত ৰাজত্ব কৰি বৰঅসমৰ প্ৰতিষ্ঠা কৰা তথা ১৭ বাৰ মোগলৰ আক্ৰমণ প্ৰতিহত কৰা আহোম সকলৰ বিৰুদ্ধে তীৰ্যক মন্তব্য দিয়াৰ বিৰুদ্ধে গৰজি উঠে নগাঁও জিলাৰ বিদ্যাৰ্থী পৰিষদ। অসমৰ বৃহত্তৰ আহোম জনগোষ্ঠীকে নহয় অসমীয়াত্বৰ ভেটিত আঘাত সনা মন্তব্যৰ প্ৰতিবাদত বৃহস্পতিবাৰে পুত্তলিকা দাহ কৰে বিদ্যাৰ্থী পৰিষদ নগাঁও নগৰ সমিতিয়ে।

অসম তথা ভাৰতবর্ষৰ প্ৰতিটো জাতি জনগোষ্ঠীৰ আত্মসন্মানত কুঠাৰাঘাট কৰিব পৰা প্ৰতিটো মন্তব্য, প্ৰতিটো কু অভিসন্ধি প্ৰতিহত কৰিবৰ বাবে পৰিষদ সদা প্ৰস্তুত বুলি মন্তব্য কৰে প্ৰতিবাদকাৰীসকলে। অসম বিৰোধী চক্ৰ নিপাত যাওঁক, আমিনুল ইছলাম মুর্দাবাদ, আমিনুল ইছলাম গ’ বেক, জয় আই অসম আদি শ্লোগানেৰে প্ৰতিবাদকাৰীসকলে উত্তাল কৰি তোলে নগাঁও চহৰৰ আকাশ বতাহ।

প্ৰতিবাদস্থলীত উপস্থিত থাকে কলা মঞ্চৰ ৰাজ্যিক প্ৰমুখ ভাস্কৰ কলিতা, জিলা সংযোজক মৃত্যুঞ্জয় কুমাৰ মাহাতো, নগাঁও নগৰ সম্পাদক ঋতুৰাজ দত্ত, ৰাজু ৰয়, দীপাংকৰ দাস, আন্দোলন প্ৰমুখ ৰিপন গুহকে প্রমুখ্যে কৰি অৰ্ধ শতাধিক কাৰ্যকৰ্তা।

আপুনি পঢ়ি ভাল পাব পৰা বাতৰি