ডিজিটেল সংবাদ, সৰুপথাৰঃ সমগ্ৰ দেশত চলি থকা লকডাউনৰ সময়ত সৰুপথাৰৰ নাওজানত নগা দুৰ্বৃত্তই দেখুওৱা অতপালিত সমগ্ৰ অঞ্চলটোতে এক উত্তেজনাময় পৰিবেশৰ সৃষ্টি হয় ৷ উল্লেখযোগ্য যে, নাওজানৰ ২ নং মৰাজানৰ ইমতাজ আলী নামৰ এজন লোকৰ দোকানত কালি নিশা লোহেজ' বস্তিৰ নিকাট' চেমা নামৰ এজন নগা দুৰ্বৃত্তই গুলীচালনা আৰু ইমতাজ নথকাৰ সুযোগ লৈ দিনৰ ভাগত দোকান লণ্ডভণ্ড কৰাৰ অভিযোগ উঠিছে ৷
উল্লেখ্য,লকডাউনৰ সময়ত ২ নং মৰাজানত আৰক্ষীয়ে পেট্ৰলিং কৰাত ইমতাজ আলীক সন্দেহ নগা দুৰ্বৃত্তৰ ৷ সেয়েহে, আৰক্ষীক মাতি অনাৰ সন্দেহত ইমতাজৰ ব্যৱসায়িক প্ৰতিস্থানত নগা দুৰ্বৃত্তটোৱে আক্ৰমণ কৰে ৷
ইফালে ঘটনাস্থলীত CRPF আৰু ধনশিৰি SDPO প্ৰাঞ্জল বৰা উপস্থিত হৈ পৰিস্থিতিৰ বুজ লয়৷ সমগ্ৰ ৰাজ্যজুৰি চলি থকা লকডাউনৰ সময়ত নগাৰ এনে কাণ্ডই সীমান্তবাসীৰ মাজত তীব্ৰ প্ৰতিক্ৰিয়াৰ সৃষ্টি কৰাৰ লগতে দোষী নগাক কৰায়ত্ত কৰিবলৈ দাবী জনাইছে ৷
