শেহতীয়া খবৰ
আফগানিস্তানত ভয়ংকৰ বিস্ফোৰণ, ৪ জনৰ মৃত্যু  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ  •  ৰাণাঘাটৰ ৰাণুৰ সৈতে গান গাব বিচাৰে কুমাৰ চানুৱে!  •  নিলম্বন কৰিলেই নহ’বঃ মহিলাক বৰ্বৰ অত্যাচাৰ চলোৱা আৰক্ষী বিষয়াক গ্ৰেপ্তাৰৰ দাবী জনালে খোদ মন্ত্ৰীয়ে  •  হিন্দী ভাষাক সাধাৰণ ভাষাৰ মান্যতা দিয়াৰ বিৰুদ্ধে আন এগৰাকী চুপাৰষ্টাৰ…  •  বিহাৰত বজ্ৰপাত পৰি ২৪ ঘণ্টাত ১৮ জনৰ মৃত্যু...  •  সৰু ল’ৰাৰ দৰে আচৰণ পাকিস্তানৰ! পাক আকাশপথেদি যাব নিদিয়ে প্ৰধানমন্ত্ৰী মোডীৰ বিমান  •  পবিত্ৰ ভাদ মাহৰ আজি অন্তিম দিন, শ শ তালৰ শব্দৰে মুখৰিত বটদ্ৰৱা থান...  •  মেঘালয়ত পুনৰ ৩ নাইজেৰিয়ান আৰক্ষীৰ জালত , এতিয়ালৈকে ১৭ জনক গ্ৰেপ্তাৰ...

‘মৌন’ ঈদ পালন হ’ল জম্মু-কাশ্মীৰত, শ্ৰীনগৰৰ বৰ মছজিদসমূহত নামাজ আদায়ত নিষেধাজ্ঞা

846

ডিজিটেল ডেস্কঃ সোমবাৰে সমগ্ৰ বিশ্বজুৰি মুছলমান ধৰ্মাৱলম্বীসকলে পালন কৰিছে ঈদ উল আজহা। ঈদৰ এই ক্ষণত ইজনে সিজনক সাৱটি শুভকামনা জনাই ভাতৃত্ব আৰু সম্প্ৰীতিৰ বাৰ্তা বিলোৱাৰ সময়তে সোমবাৰৰ দিনটোত জম্মু-কাশ্মীৰত পালন হ’ল ‘মৌন’ ঈদ। কটকটীয়া নিৰাপত্তাৰ মাজত জম্মু-কাশ্মীৰৰ বিভিন্ন প্ৰান্তত সোমবাৰে ঈদৰ নামাজ আদায় কৰে মুছলমান ধৰ্মাৱলম্বী লোকসকলে।

ইফালে খবৰ অনুসৰি, ঈদৰ দিনটোত শ্ৰীনগৰৰ কেইবাটাও বৰ মছজিদত নামাজ আদায়ৰ অনুমতি প্ৰদান কৰা নহয়। নিৰাপত্তাজনিত কাৰণত প্ৰশাসনে বৰ মছজিদসমূহত নামাজ আদায়ত নিষেধাজ্ঞা জাৰি কৰে। তাৰ বিপৰীতে সৰু সৰু মছজিদসমূহত কটকটীয়া নিৰাপত্তাৰ মাজত মুছলমান ধৰ্মাৱলম্বী লোকসকলে নামাজ আদায় কৰা পৰিলক্ষিত হয়। যাৰ ফলত ঈদৰ আনন্দ কিছু পৰিমাণে হ’লেও ম্লান পৰে জম্মু-কাশ্মীৰত।

উল্লেখ্য যে, দেওবাৰে ভাৰতীয় চোৰাংচোৱাই ইছলামিক ষ্টেট আৰু আইএছআই সমৰ্থিত সন্ত্ৰাসবাদীয়ে জম্মু-কাশ্মীৰৰ লগতে দেশৰ অন্যান্য প্ৰান্তত ঈদৰ সময়ত কূটাঘাত সংঘটিত কৰাৰ আশংকা কৰি চৰকাৰক এই বিষয়ে অৱগত কৰিছিল। তাৰ পিছতে জম্মু-কাশ্মীৰত সোমবাৰে অধিক পৰিমাণৰ নিৰাপত্তাৰক্ষী মোতায়েন কৰে চৰকাৰে।

অন্যহাতে ঈদৰ বজাৰ কৰাৰ সময়তো জম্মু-কাশ্মীৰৰ বিভন্ন প্ৰান্তত মুছলমান ধৰ্মাৱলম্বীসকলক সতৰ্ক হৈ থাকিবলৈ প্ৰশাসনৰ তৰফৰ পৰা আহ্বান জনোৱা হয়। ৰাজপথত লাউডস্পীকাৰযোগে প্ৰশাসনৰ তৰফৰ পৰা ঈদৰ বজাৰ কৰিবলৈ অহা লোকসকলক সোনকালে বজাৰ সম্পন্ন কৰি ঘৰলৈ উভতিবলৈ নিৰ্দেশ দিয়া বুলিও জানিব পৰা গৈছে।

আপুনি পঢ়ি ভাল পাব পৰা বাতৰি