ডিজিটেল ডেস্কঃ বিগত কেইবাদিনো ধৰি ক্ৰিকেটৰ পৰা আঁতৰি থকা মহেন্দ্ৰ সিং ধোনীক শীঘ্ৰেই দেখা পোৱা যাব আই পি এলত। যাৰ বাবে খেলুৱৈগৰাকী ইতিমধ্যে আহি উপস্থিত হৈছেহি চেন্নাইত। ইণ্ডিয়ান প্ৰেমিয়াৰ লীগ চমুকৈ আই পি এল ২০২০ আৰম্ভ হ'ব অহা ২৯ মাৰ্চৰ পৰা। আৰু এই টুৰ্ণামেন্টত চেন্নাই ছুপাৰ কিংছ (চি এছ কে)ৰ হৈ খেলিব ধোনীয়ে।
চেন্নাই বিমান বন্দৰত উপস্থিত হোৱাৰ পাছতেই তেওঁক উষ্ম আদৰণি জনোৱা হয়। আৰু মঙলবাৰৰ পৰাই আই পি এলৰ বাবে তেওঁ অনুশীলনো আৰম্ভ কৰিব বুলি জানিব পৰা গৈছে। ইফালে, মহেন্দ্ৰ সিং ধোনীৰ ঘনিষ্ঠ স্বপ্না ভাৱনানীয়ে টুইটাৰত লিখিছে- 'মোৰ বন্ধু তোমাক আই পি এলত খেলি থকা চাবলৈ পাই বহুত সুখী হম। চেন্নাই আমি আহি আছো।'
আনহাতে, চেন্নাই ছুপাৰ কিংছ কেম্পত ইতিমধ্যে যোগদান কৰিছেহি এ ৰাইডু, মনু সিং, পীয়ুষ চাৱলা, সুৰেশ ৰাইনাই। উল্লেখযোগ্য যে, ইংলেণ্ডত ২০১৯ৰ ক্ৰিকেট বিশ্বকাপত ভাৰতীয় ক্ৰিকেট দলৰ অধিনায়ক ৰূপে খেলাৰ পাছৰেই পৰা ক্ৰিকেটৰ পৰা আঁতৰি আছিল ৩৮ বছৰীয়া এই খেলুৱৈগৰাকী।
