শেহতীয়া খবৰ
কৰ্মচাৰীক দৰমহা দিবলৈ নাই ধন! দিল্লীয়ে কেন্দ্ৰৰ পৰা বিচাৰিলে ৫হাজাৰ কোটি... • মঙলদৈত ৰক্তদান শিবিৰঃ ১২০ গৰাকীকৈ ৰক্তদাতাই কৰিলে ৰক্তদান... • এবছৰে পোৱা নাই দৰমহা, ডিমা হাচাওত ৫জুনৰ পৰা স্তদ্ধ হ'ব বিশুদ্ধ খোৱাপানীৰ যোগান... • কোকৰাঝাৰ আইন মহাবিদ্যালয়ৰ কোৱাৰেণ্টাইন চেণ্টাৰৰ পেলনীয়া সামগ্ৰীয়ে ভাবুকি কঢ়িয়াইছে জনজীৱনলৈ... • লামডিঙত চেলুন সন্থাৰ মৌন প্ৰতিবাদঃ চেলুন সমূহ খুলি দিয়াৰ দাবীৰে উপাযুক্তক স্মাৰক পত্ৰ প্ৰদান... • ধেমাজিত পুনৰ কোৰোনাত আক্ৰান্ত ২জন... • চতুৰ্থ পৰ্যায়ৰ লকডাউনৰ শেষৰ দিনটোত পূৰ্বৰ সকলো ৰেকৰ্ড ভংগ কৰিলে কোৰোনাই... • আজি দিনৰ ১১বজাত প্ৰধানমন্ত্ৰীৰ 'মন কী বাত' • শনিবাৰৰ দিনটোত দেশত কোৰোনাত আক্ৰান্ত হ'ল ৮হাজাৰো অধিক লোক... • শনিবাৰৰ দিনটোত দেশত কোৰোনাত আক্ৰান্ত হ'ল ৮হাজাৰো অধিক লোক...

‘চাহ শ্ৰমিকৰ কামৰ সময় বৃদ্ধিৰ নিৰ্দেশনা দিয়া নাই চৰকাৰে…’

116

ডিজিটেল সংবাদ মৰিয়নিঃ অসম চৰকাৰে চাহ শ্ৰমিকৰ শ্ৰমৰ সময় আঠ ঘন্টাৰ পৰা বাৰ ঘণ্টালৈ বৃদ্ধি কৰা নাই। অসম চাহ মজদুৰ সংঘই ভুৱা তথা অপ-প্ৰচাৰত লিপ্ত হৈ সহজ সৰল চাহ শ্ৰমিকক আন্দোলনত জড়িত কৰি বাগিছাৰ পৰিবেশ অস্থিৰ কৰিব বিচাৰিছে। এই অভিযোগ ভাৰতীয় জনতা পাৰ্টীৰ চাহ মৰ্চাৰ যোৰহাট জিলা সমিতিৰ।

যোৰহাট জিলা চাহ মৰ্চাৰ সভাপতি সঞ্জয় কৃষ্ণ তাঁ‌তীয়ে মৰিয়নিত এক সংবাদ মেল সম্বোধন কৰি অসম চাহ মজদুৰ সংঘক তীব্ৰ সমালোচনা কৰি কয় যে, কোবিড-১৯ মহামাৰিৰ সংকটৰ সময়ত কেন্দ্ৰীয় আৰু ৰাজ্য চৰকাৰে কাৰখানা আইনৰ অধীনত তিনি মাহৰ বাবে কামৰ সময় বাৰ ঘণ্টালৈ বৃদ্ধি কৰাৰ সন্দৰ্ভৰ জাৰি কৰা নিৰ্দেশনাত চাহ উদ্যোগ তথা চাহ শ্ৰমিকৰ কথা উল্লেখ নাই। উক্ত নিৰ্দেশনাত লকডাউনৰ সময়ত কাৰখানা সমূহত হোৱা ক্ষতি পূৰনৰ বাবে কাৰখানাত নিয়োজিত শ্ৰমিক আৰু মালিকৰ পাৰস্পৰিক বুজা-বুজিতকামৰ সময় বাৰ ঘণ্টালৈ বৃদ্ধি কৰিব পাৰিব।

মৰিয়নিত বিজেপিৰ চাহ মৰ্চাৰ সংবাদমেল

যদিও অতিৰিক্ত চাৰিঘণ্টা কামৰ মজুৰি শ্ৰমিকক আদায় দিব লাগিব বুলি স্পষ্ট ভাবে উল্লেখ কৰা আছে। কিন্ত অসম চাহ মজদুৰ সংঘই চৰকাৰৰ নিৰ্দেশনাক  ভালদৰে অধ্যয়ন নকৰাকৈ সম্পূৰ্ন ৰাজনৈতিক উদ্দেশ্য প্ৰনোদিত ভাবে চাহ বাগিচা সমূহত ২২ মে তাৰিখে আন্দোলনৰ কায্যসূচী ঘোষনা কৰি বাগিছা সমুহৰ পৰিবেশ অস্থিৰ কৰিব বিচাৰিছে।

চাহ মৰ্চাৰ নেতা গৰাকীয়ে লগতে কয় যে, কংগ্ৰেছৰ বি টিম অসম চাহ মজদুৰ সংঘই ইয়াৰ পূৰ্বেও বিজেপি চৰকাৰে শ্ৰমিকৰ ৰেচন বন্ধ কৰাৰ লগতে সংশোধিত নাগৰিক আইনৰ জড়িয়তে বাগিছালৈ লাখ লাখ বাংলাদেশী নাগৰিক আনি শ্ৰমিক সকলক কৰ্মহীন কৰাৰ এক অপ প্ৰচাৰ চলাইছিল।বিজেপিৰ কেন্দ্ৰ আৰু ৰাজ্য চৰকাৰে চাহ শ্ৰমিক সকলৰ বাবে গ্ৰহন কৰা বিভিন্ন অভিলাষী আঁ‌চনিয়ে চাহ শ্ৰমিক সকল বৰ্ত্তমান  বিজেপিৰ পক্ষত থিয় দিয়াত চাহ বাগিছাত নিজৰ স্থিতি হেৰুৱাৰ উপক্ৰম হৈছে কংগ্ৰেছ দল। সেয়ে কংগ্ৰেছৰ বি-টিম অসম চাহ মজদুৰ সংঘই এনেদৰে বিজেপি চৰকাৰৰ বিৰুদ্ধে অপপ্ৰচাৰত লিপ্ত হৈছে বুলি চাহ মৰ্চাৰ সভাপতি সঞ্জয় কৃষ্ণ তাঁতীয়ে মন্তব্য কৰে।

আপুনি পঢ়ি ভাল পাব পৰা বাতৰি