ডিজিটেল সংবাদ, বেকাজানঃ শিৱসাগৰ পিছতে ৰাইজৰ দলৰ সভাপতি অখিল গগৈ হৈ আজি মৰিয়নী সমষ্টিত প্ৰাৰ্থী হিচাপে মনোনয়ন দাখিল কৰিছে সমৰ্থকসকলে । দুপৰীয়া মৰিয়নীৰ ৰাইজৰ দলৰ নেতা – কৰ্মীয়ে কৃষক মুক্তি সহস্ৰাধিক সমৰ্থকক লগত লৈ তিতাবৰ মহকুমাৰ নিৰ্বাচনী বিষয়া কাৰ্যালয়ত অখিল গগৈৰ হৈ মনোনয়ন পত্ৰ দাখিল কৰে । অখিল গগৈক মৰিয়নী সমষ্টিৰ প্ৰাৰ্থী হিচাপে পাই ৰাইজৰ দলৰ সমৰ্থক উৎফুল্লিত হৈ পৰে ।
ৰাইজৰ দলৰ কৰ্মীসকলৰ মতে অখিল গগৈ এগৰাকী বাস্তৱ আৰ্হি আৰু আদৰ্শৰ প্ৰতীক । তেওঁক মৰিয়নী ৰাইজে জয়যুক্ত কৰিব লাগে । ৰাইজৰ দলৰ নেতাসকলে দাবী কৰে যে এইবাৰ মৰিয়নী সমষ্টিত প্ৰাক্তন বিধায়ক ৰূপজ্যোতি কুৰ্মী কোনো ফেক্টৰ নহয় । কিয়নো ৰূপজ্যোতি কুৰ্মীয়ে মাতৃৰ দিনৰ পৰা বৰ্তমানলৈকে বিগত ৩৫ বছৰত মৰিয়নী সমষ্টিৰ বাবে কি উন্নয়ন সাধন কৰিলে ৰাইজে দেখিছে । আনহাতে জাতীয় পৰিষদৰ অলক ঘোষ এজন সুবিধাবাদীনেতা ।
তেওঁ যতেই সুবিধা পায় তালৈ যায় । উল্লেখযোগ্য যে কৃষকনেতা অখিল গগৈৰ প্ৰতিদ্বন্দিতাই মৰিয়নী সমষ্টিক ৰাজ্যৰ হাই প্ৰফাইল সমষ্টিত পৰিণত কৰিছে । এইবাৰ মৰিয়নী সমষ্টিৰ পৰা বিজেপিৰ ৰমনী তাঁতী , কংগ্ৰেছৰ ৰূপজ্যোতি কুৰ্মী অসম জাতীয় পৰিষদৰ অলক ঘোষ আৰু ৰাইজৰ দলৰ অখিল গগৈ প্ৰতিদ্বন্দিতা আগবঢ়াইছে । চাৰিও গৰাকী প্ৰাৰ্থী মাজত তীব্ৰ প্ৰতিদ্বন্দিতা হোৱাৰ সম্ভাৱনা আছে ।