শেহতীয়া খবৰ
অসমৰ বান সমস্যাক ৰাষ্ট্ৰীয় সমস্যা হিচাপে কেন্দ্ৰীয় চৰকাৰে গণ্য নকৰে কিয়? ক'লে ৰাজ্যসভাৰ সাংসদ বিশ্বজিৎ দৈমাৰীয়ে, VIDEO  •  কৰুণ ঘটনা! বজ্ৰপাতৰ ফলত নিহত ৮ শিশু, আহত ৯...  •  সাংসদ আজাম খানৰ বিৰুদ্ধে ৰুজু ২৩টাকৈ গোচৰ...  •  ১০ গঁড়কে ধৰি কাজিৰঙাত এতিয়ালৈকে বানত মৃত্যু হৈছে শতাধিক বন্যপ্ৰাণীৰ  •  এফ চি আইৰ টংলা খাদ্য ভাণ্ডাৰত ঠিকাদাৰ-শ্ৰমিকৰ মাজত সংঘাত, শ্ৰমিকৰ বিক্ষোভত কেইবা ঘন্টাও অচল কাম-কাজ...  •  গুৱাহাটীত ৰাজভৱনৰ বাহনৰ খুন্দাত আহত পথচাৰীৰ জি এম চি এইছত মৃত্যু...  •  বানত ককবকাইছে ৰাজ্যৰ বহু প্ৰান্তৰ হাজাৰ হাজাৰ লোকে, সাহাৰ্য সামগ্ৰী বিতৰণ সমাজকৰ্মী, বে-চৰকাৰী সংস্থাৰ  •  ভয়ংকৰ পৰিৱেশ! বানপানীৰ মাজতে কৰিলে বিদ্যুৎ সংযোগ, জুইত জাহ গ'ল এখন ঘৰ...  •  হাটশিঙিমাৰীৰ ভাৰত-বাংলাদেশ সীমান্তত অতিৰিক্ত আৰক্ষী সঞ্চালক প্ৰধান ভাস্কৰ জ্যোতি মহন্তঃ বানে ক্ষতি কৰা কাঁইটীয়া তাঁৰৰ বেৰ, বি এছ এফ কেম্প পৰিদৰ্শন  •  তেজৰ কৰ্কট ৰোগত আক্ৰান্ত ৰহাৰ এটি ৪ বছৰীয়া কণমানি, পৰিয়ালৰ সহায়ৰ আহ্বান, VIDEO

মৰাণ হাজোৱা চাহ বাগিচাত গুলীবৰ্ষণ, ৩ অভিযুক্ত আটক…

34

ডিজিটেল সংবাদ, চৰাইদেউঃ চৰাইদেউ জিলা মৰাণহাট আৰক্ষী থানাৰ অন্তৰ্গত  অসম চাহ কোম্পানী অধীনস্থ মৰাণৰ হাজোৱা চাহবাগিচাত আলফাই গুলীবৰ্ষণ কৰি সন্ত্ৰাস সৃষ্টি কৰা এমাহৰ পাছত চৰাইদেউ জিলা আৰক্ষীয়ে ঘটনাৰ লগত জড়িত তিনিজনক আটক কৰিছে।আটক কৰা যুৱক তিনিজন হ’ল- হিংৰীজানৰ সুবল প্ৰধানৰ পুত্ৰ আকাশ প্ৰধান(৩৪), হাজোৱাৰ গনেশ ঠাকুৰৰ জীতেন ঠাকুৰ(৩৪) আৰু খুমটাই ৬ নং লাইনৰ বাবুল টেলেংগা পুত্ৰ উত্তম টেলেংগা(৩৮)।

চৰাইদেউ জিলা আৰক্ষী অধীক্ষক আনন্দ মিশ্ৰৰ নেতৃত্বত আৰক্ষী দলটোৱে ৯ জুনত হাজোৱা চাহ বাগিচাত গুলিবৰ্ষন কৰা পইন্ট টু টু পিষ্টল, এখন মটৰ চাইকেল,আলফাৰ নামত পেড, ধন দাবী পত্ৰ আৰু ভালে সংখ্যক আপত্তিজনক নথিপত্ৰ জব্দ কৰিছে যদিও অধিক তদন্ত খাতিৰত সাংবাদিকক অৱগত কৰা নাই চৰাইদেউ জিলা মৰাণহাট থানাৰ আৰক্ষীয়ে।আজি আৰক্ষী অধীক্ষকজনে সোণাৰিত সংবাদ মেল যোগে সদৰি কৰিব বুলি অৱগত কৰিছে।

আনহাতে সন্দহজনক ভাৱে শিৱসাগৰ জিলা বকতা নেমুগুৰি আৰক্ষী থানাৰ অন্তৰ্গত বকতা নৰ নাথ গাঁৱৰ নিবাসী প্ৰদীপ নাথৰ পুত্ৰ মাধৱ নাথ ওৰফে মইনাক মৰাণহাট থানাৰ আৰক্ষীয়ে ১২ জুনত গ্ৰেপ্তাৰ কৰি মহামান্য আদালতত হাজিৰ কৰোৱাৰ পাছত দুদিন আৰক্ষী জিম্মাত ৰাখিও প্ৰকৃত তথ্য উদ্ধাৰ কৰিব নোৱাৰি ১৫ জুনত জেল হাজোতলৈ প্ৰেৰণ কৰিছিল।

উল্লেখ্য যে, বাগিচাখনৰ  সহকাৰী পৰিচালক চাহবাজ আনোৱাৰক দহ লাখ টকা ধনদাৱী কৰিছিল আলফাৰ স্বাধীনে। ৰকেট অসম ওৰফে ৰকেট স্বাধীন স্বাক্ষৰিত আলফাৰ পেডত ২০ মে’ত। দাবী কৰা দহ লাখ টকা ধন নিদিয়া বাবে ৯ জুন দেওঁবাৰে পুনৰ আহিছিল বাগিচাখনৰ পৰিচালক গৰাকীৰ ওচৰলৈ দাৱী কৰা ধন নিবলৈ।

এখন বাইকত হেলমেত পৰিধান কৰি অহা দুজন যুৱকে বাগিচাৰ বন্ধ লোহাৰ গেটত ৰৈ কৰ্তব্যৰত চকীদাৰক মদন কৰুৱাক সুধিছিল পৰিচালকজন আছে নে নাই। চকীদাৰে পৰিচালকজন বাংলোৰত থকা পাছতো মিছাকৈ নাই বুলি কোৱাত যুৱক দুজনৰ এজনে গেটলৈ তিনিজাই গুলি ফুটাই মৰাণ নগৰৰ দিশে আতৰি যায় বুলি কৰ্তব্যৰত চকীদাৰে জনাইছিল।

ঘটনা সংঘটিত হোৱাৰ পাছত মৰাণহাট আৰক্ষী আৰু সেনাবাহিনীয়ে তদন্ত অভিযান চলাই তিনিটা পইন্ট টু-টু (2.2) পিষ্টলৰ খালি কাটুছ উদ্ধাৰ কৰিছিল যদিও ঘটনা সংঘটিত কৰা আলফা সদস্য দুজনৰ কোনো শুংসূত্ৰ উলিয়াব পৰা নাছিল।

আপুনি পঢ়ি ভাল পাব পৰা বাতৰি