শেহতীয়া খবৰ
পৰ পুৰুষৰে পত্নীৰ সম্পৰ্ক! কামপুৰত পত্নী-শহুৰৰ পৰিয়ালে বিহ খুৱাই হত্যা কৰাৰ সন্দেহ যুৱকক...  •  বিশ্বনাথত ভয়ংকৰ পথ দুৰ্ঘটনা, থিতাতে নিহত ২জন  •  মহানগৰীত ৱৰ্ল্ড ডে অফ ৰিমেম্বাৰেঞ্চ উদযাপন, পথ দুৰ্ঘটনাত নিহত সকলক স্মৰণ  •  মহানগৰীত সেনাৰ সহযোগত বন বিভাগে পানী টেংকীৰ পৰা উদ্ধাৰ কৰিলে পোৱালিসহ এটা হাতী  •  পুৰণিগুদামত চোৰাং গৰু ভৰ্তি বাহন উদ্ধাৰ, চামগুৰি আৰক্ষী ভূমিকাত সন্দেহ স্থানীয় ৰাইজৰ  •  জম্মু-কাশ্মীৰৰ হীৰানগৰ চেক্টৰত যুদ্ধ বিৰতি উলংঘন পাক সেনাৰ  •  মৃত্যু নহয়! বন বিভাগে হত্যা কৰিলে কৃষ্ণক...  •  ৫ কোটি টকীয়া ঢকুৱাখনা নগৰ পানীযোগান আঁচনিৰ আধাৰশিলা স্থাপন মন্ত্ৰী হিমন্ত বিশ্ব শৰ্মাৰ  •  চাবোনৰ কেচত ভৰাই ৰাখিছিল ৩০ লাখ টকাৰ হেৰোইন, কাছাৰত ৱাইন শ্বপৰ গৰাকীক আটক  •  ৮ জানুৱাৰীৰ পৰা অষ্টম বাৰ্ষিক ভৈৰৱকুণ্ড পৰ্যটন মহোৎসৱ

কলগাছিয়াৰ কালামপুৰ চৰত ভয়ংকৰ নাওঁ দুৰ্ঘটনা, ৫জন সন্ধানহীন

71


ডিজিটেল সংবাদ, মইনবড়ি: ইছলাম ধৰ্মাৱলম্বী লোক সকলৰ পৱিত্ৰ ঈদৰ নামাজৰ দিনা বৰপেটা জিলাৰ কলগাছিয়াৰ সমীপৱৰ্তী কালামপুৰত ভয়ংকৰ নাওঁ দুৰ্ঘটনা সংঘটিত হৈ পাঁচ গৰাকী কৈ লোক সন্ধানহীন হৈ থকা ঘটানাই অঞ্চলব্যাপী শোকৰ ছাঁ পেলাইছে। জানিব পৰা মতে কলগাছিয়া আৰক্ষী থানাৰ অন্তৰ্গত কালামপুৰ গাঁৱৰ ছামাদ আলী, ছায়েদ আলীয়ে ৰাতিপুৱা প্ৰমুখ্যে বেঁকী নদীৰ ভয়াৱহ খহনীয়াত গৃহহীন হোৱা তিনি পৰিয়ালৰ ১১ জন লোক ঈদৰ নামাজ আৰু কোৰবানী কৰিবলৈ কালামপুৰ চৰ লৈ গৈছিল। তাতেই নামাজ আৰু কোৰবানী সমাপন কৰি নিজ ঘৰলৈ উভতিবলৈ টুলুঙা নাওয়েৰে বেঁকী নদীৰ মাজেৰে যাত্ৰা কৰে। নদীৰ মাজ অংশত আহি পোৱা অৱস্থাত দুৰ্ঘটনা সংঘটিত হয়।

আবেলি ৪.৩০ বজাত হঠাৎ উঠি অহা প্ৰচণ্ড ঘূৰ্ণীবতাহ সদৃশ প্ৰচণ্ড ধুমুহাই একে কোৱতে মুহূৰ্তৰ ভিতৰত ১১ গৰাকী যাত্ৰী সহ নাও খন পানীৰ তলত ডুবাই দিয়ে। প্ৰাণৰ মমতাত গগণ ফালি চিঞৰিল উদ্ধাৰ কৰিবলৈ কোনেও আগবাঢ়ি যাব নোৱাৰিলে। ইয়াৰে ৬ গৰাকী পুৰুষ যাত্ৰী সাতুৰি গৈ কোনোমতে প্ৰাণ ৰক্ষা কৰিবলৈ সক্ষম হয় যদিও ইয়াৰে দুজনক সংকট জনক অৱস্থাত ৰাইজে উদ্ধাৰ কৰে।

বাকী পাঁচজন বিগত ২৪ ঘণ্টা ধৰি (আজিও) সন্ধানহীন হৈ আছে। ফলত অঞ্চলব্যাপী তীব্ৰ উৎকণ্ঠা বিৰাজ কৰিছে। জানিব পৰা মতে-কালামপুৰ গাঁৱৰ ছামাদ আলী(৫০), ছায়েদ আলী (৪০) আৰু তাৰ দুই পুত্ৰ কন্যা ক্ৰমে ইক্রমূল হুছাইন(৯), ছানিয়াৰা খাতুন(৪), মহম্মদপুৰ গাঁৱৰ আব্দুল গণিৰ কন্যা নাৰগীজ চুলতনা (৭) বাতৰি যুগুত কৰা সময়লৈকে সিন্ধানহীন হৈ আছে।

ইফালে কলগাছিয়া আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰ জ্যোতি দাসে খবৰ পাই ততাতৈয়াকৈ সোমবাৰে আবেলিয়েই ঘটনাস্থলীত উপস্থিত হৈ ৰাইজৰ সহযোগত উদ্ধাৰ অভিযান চলায় কিন্তু আন্ধাৰ আৰু বেয়া বতৰৰ বাবে ৰাতি ১০ বজাত অভিযান সমাপ্ত কৰে।আকৌ মঙলবাৰে ৰাতিপুৱা ৬ বজাৰ পৰা অ. চি দাসৰ নেতৃত্বত এছ ডি আৰ এফ আৰু স্থানীয় ৰাইজৰ সহযোগত প্ৰায় ৮ কিলোমিটাৰ ভাটিৰ বাঘবৰ লৈ সন্ধিয়া ৫ বজালৈ অভিযান চলায় যদিও নিৰুদ্দিষ্ট সকলৰ কোনো সন্ধান পাবলৈ সক্ষম হোৱা নহল।

আপুনি পঢ়ি ভাল পাব পৰা বাতৰি