শেহতীয়া খবৰ
দ্বিতীয় টি-২০ত টীম ইণ্ডিয়াৰ বিৰুদ্ধে ৭ উইকেটত পৰাস্ত দক্ষিণ আফ্ৰিকা...  •  পাকিস্তান জড়িত থকা কোনো অনুষ্ঠানত ভাগ নলবঃ আলকা য়াগনিক, কুমাৰ ছানু, উদিত নাৰায়নলৈ জাননী...  •  বৰপেটা চিকিৎসা মহাবিদ্যালয়ত ভাইৰেল ৰিচাৰ্ছ এণ্ড ডায়'গ্নষ্টিক লেব'ৰেটৰী মুকলি...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  আফগানিস্তানত ভয়ংকৰ বিস্ফোৰণ, ৪ জনৰ মৃত্যু  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ

চৰকাৰ গঠনৰ পাছত বুধবাৰে প্ৰথমখন মন্ত্ৰীসভাৰ বৈঠক, ৩ তালাক বিধেয়কক লৈ হ’ব গুৰুত্বপূৰ্ণ আলোচনা

137

ডিজিটেল ডেস্কঃ লোকসভা নিৰ্বাচন, ২০১৯ত বিশাল জনমতেৰে পুনৰ এবাৰ চৰকাৰ গঠন কৰা নৰেন্দ্ৰ মোডী মন্ত্ৰীসভাৰ প্ৰথমখন বৈঠক বুধবাৰে অনুষ্ঠিত হ’ব। এই বৈঠকত প্রধানমন্ত্ৰী নৰেন্দ্ৰ মোডীয়ে বিজেপিয়ে ঘোষণাপত্ৰত উল্লেখ কৰা প্ৰতিশ্ৰুতি সমূহ পূৰণৰ বাবে মন্ত্ৰীসকলক নিৰ্দেশ জাৰি কৰিব বুলি জানিব পৰা গৈছে।

বৈঠকত প্ৰধানমন্ত্ৰীয়ে তেওঁৰ মন্ত্ৰীসভাৰ মন্ত্ৰীসকলক ১০০ দিনৰ এক্সন প্লেন প্ৰস্তুত কৰাৰ বাবে পৰামৰ্শ প্ৰদান কৰাৰ লগতে এই বৈঠকতে নতুনকৈ মন্ত্ৰীসভাত স্থান লাভ কৰা মন্ত্ৰীসকলৰ ভূমিকা সন্দৰ্ভত আলোচনা কৰা হ’ব বুলি এক চৰকাৰী সূত্ৰই প্ৰকাশ কৰিছে। উল্লেখ্য যে, দ্বিতীয় কাৰ্যকাল হাতত লৈয়ে এইবাৰ প্ৰধানমন্ত্ৰী মোডীয়ে অধিক উদ্যমেৰে ন ন আঁচনি প্ৰস্তুত আৰু বিকাশৰ ধাৰা অব্যাহত ৰাখিবলৈ চেষ্টা চলোৱা পৰিলক্ষিত হৈছে।

আনহাতে বুধবাৰৰ বৈঠকত ৩ তালাক বিধেয়ক সন্দৰ্ভতো আলোচনা হোৱাৰ সম্ভাৱনা আছে। চৰকাৰৰ কেইবাখনো নতুন আঁচনি প্ৰস্তুত আৰু প্ৰচাৰৰ সন্দৰ্ভতো বুধবাৰে সন্ধিয়া ৫ বজাত অনুষ্ঠিত হ’বলগা বৈঠকত আলোচনা কৰা হ’ব বুলি জানিব পৰা গৈছে।

ইফালে চৰকাৰ গঠনৰ এমাহ নৌহওঁতেই এনডিএনৰ দুই সহযোগী দল শিৱসেনা আৰু জনতা দল ইউনাইটেড বিজেপিৰ বিৰুদ্ধে অসন্তুষ্ট হৈ থকা বুলি চৰ্চা চলিছে। মহাৰাষ্ট্ৰত অনুষ্ঠিত হ’বলগীয়া বিধানসভা নিৰ্বাচনৰ পৰিপ্ৰেক্ষিতত ৰাজ্যখনৰ মুখ্যমন্ত্ৰী পদক লৈ বিজেপি আৰু শিৱসেনাৰ মাজত মতবিৰোধ সৃষ্টি হোৱা বুলি চৰ্চা চলিছে। আনহতে কেন্দ্ৰীয় মন্ত্ৰীসভাত ৩ সাংসদক স্থান প্ৰদান নকৰাৰ পৰিপ্ৰেক্ষিতত বিহাৰৰ এনডিএ সহযোগী দল জেডিইউৱে বিজেপিৰ বিৰুদ্ধে অসন্তুষ্ট হৈ থকা বুলি খবৰ প্ৰচাৰ হৈছে।

আপুনি পঢ়ি ভাল পাব পৰা বাতৰি