শেহতীয়া খবৰ
অন্তঃত এদিনৰ বাবে সকাহ…  •  গোৱালপাৰাত ৩দিনীয়া কাৰ্যসূচীৰে ৰাভা ছাত্ৰ সন্থাৰ দ্বাদশ দ্বি-বাৰ্ষিক অধিবেশন, VIDEO  •  যমদুৱাৰ বনভোজস্থলীত অঘটন, নদীত পৰি সন্ধানহীন অৰুণাচলৰ ছাত্ৰ...  •  চৰাইদেউত বিকল খোৱাপানী যোগান আঁচনি, ক্ষুব্ধ স্থানীয় ৰাইজ... VIDEO  •  নাজিৰাত দুৰ্বৃত্তই হত্যা কৰি মৃতদেহ পেলাই দিলে পুখুৰীত...  •  দিল্লীৰ বিবাহস্থলীত দুৰ্বৃত্তৰ গুলীবৰ্ষণ, গুৰুতৰভাৱে আহত এজন  •  মঙলবাৰে নিৰ্বাচনী আয়োগৰে ছ’চিয়েল মিডিয়াৰ প্ৰতিনিধিৰ গুৰুত্বপূৰ্ণ বৈঠক...  •  হাৰিয়ানাত চিআৰপিএফৰ ৮০ সংখ্যক বাৰ্ষিক অধিবেশন...  •  আগন্তুক লোকসভা, বিধানসভা নিৰ্বাচনৰ বাবে সাজু অন্ধপ্ৰদেশৰ তেলেগু দেশম পাৰ্টি  •  নাহৰকটীয়াত আৰক্ষীৰ জালত দুই ড্ৰাগছ ব্যৱসায়ী

কি প্ৰশ্নৰ উত্তৰ দি বিশ্ব-ব্ৰহ্মাণ্ডৰ সুন্দৰী হ’ল কেট্ৰিঅ’না ইলিছা গ্ৰে? চাওঁক VIDEO

1,536

ডিজিটেল ডেস্কঃ সদ্যঘোষিত মিছ ইউনিভাৰ্ছ ২০১৮ৰ খিতাপ লাভ কৰিলে কেট্ৰিঅ’না ইলিছা গ্ৰেয়ে। সৌন্দৰ্য প্ৰতিযোগিতাখনত বিশ্বৰ বহু কেইখন দেশৰ সুন্দৰ যুৱতীসকলে অংশ লৈছিল যদিও এই খিতাপ নিজৰ নামত কৰিলে ফিলিপিন্সৰ যুৱতী কেট্ৰিঅ’না ইলিছা গ্ৰেয়েহে। অৱশ্যে এই প্ৰতিযোগিতাত ভাৰতৰ যুৱতী নেহল সুদাশ্মাও ভাল লৈছিল যদিও, শীৰ্ষ ২০তো স্থান নাপালে তেওঁ। ইফালে, এই প্ৰতিযোগিতাখনত ফাৰ্ষ্ট ৰানাৰ আপ দক্ষিণ আফ্ৰিকাৰ প্ৰতিযোগী আৰু দ্বিতীয় ৰানাৰ আপৰ স্থান লাভ কৰে ৱেনেজুৱেলাৰ সুন্দৰী যুৱতীগৰাকী।

প্ৰতিযোগিতাখনৰ চূড়ান্ত ৰাউণ্ডত কেট্ৰিঅ’নাই ৰঙা ৰঙৰ পোছাক পৰিধান কৰিছিল। বিজয়ৰ মুকুত শিৰত লৈ বহু উৎসাহিত হৈ পৰিছিল ফিলিপিন্সৰ এইগৰাকী সুন্দৰী। পিছে এই বিজয়ৰ মুকুতা কেট্ৰিঅ’না যোৱা বৰ্ষৰ অৰ্থাৎ মিছ ইউনিভাৰ্ছ ২০১৭ৰ খিতাপ জয়ী ডেমী লে নেল-পীটৰ্ছে প্ৰদান কৰে।

উল্লেখ্য যে, মিছ ইউনিভাৰ্ছ বা অন্য সৌন্দৰ্য প্ৰতিযোগিতাত সৌন্দৰ্যতাৰ সমান্তৰালভাৱে প্ৰয়োজন হয় বিভিন্ন ক্ষেত্ৰৰ জ্ঞানৰ। সেয়েহে প্ৰতিযোগীসকলক বিচাৰকে কৰে বিভিন্ন প্ৰশ্ন। ঠিক একেদৰে কেট্ৰিঅ’নাকো বিচাৰকে সুধিছিল কেইটামানন প্ৰশ্ন। কিন্তু কেট্ৰিঅ’নাক সোধা অন্তিমটো প্ৰশ্ন আছিল বহু গুৰুত্বপূৰ্ণ। কাৰণ এই প্ৰশ্নৰ উত্তৰ দিয়াৰ পাছতেই তেওঁ লাভ কৰিছিল এই খিতাপ।

বিচাৰকে তেওঁক সুধিছিল- ‘আপোনাৰ জীৱনত আটাইতকৈ বেছি গুৰুত্বপূৰ্ণ কথা কি শিকিলে আৰু তাক কি ধৰণে এই প্ৰতিযোগিতাত ব্যৱহাৰ কৰিলে?’ এই প্ৰশ্ন শুনি ফিলিপিন্সৰ সুন্দৰীগৰাকীয়ে উত্তৰ দিছিল- ‘মই মনীলাৰ বস্তিবোৰত বহুত কাম কৰিছো আৰু তাৰে জীৱন-ধাৰণ দৰিদ্ৰতা আৰু দুখেৰে ভৰা। মই ইয়াৰ দ্বাৰা শিকিছিলো যে, কেনেকৈ দুখৰ মাজতো সুখ বিচাৰি পায়। মই এটা কেঁচুৱাৰ মুখত সুখ আৰু সৌন্দৰ্য বিচাৰি পাইছো। মিছ ইউনিভাৰ্ছ হিচাপেও মই বহু বেয়া পৰিস্থিতিতো সুখ বিচাৰি পাইছো।’

ইয়াৰোপৰি তেওঁ কয়- ‘যদি মই সকলোকে সততা শিকাব পাৰিলো হয়, সুখী হ’বলৈ শিকাব পাৰিলো হয় তেন্তে আমাৰ এই পৃথিৱীখন আৰু অধিক সুন্দৰ হৈ পৰিল হয় য’ত কোনো দুখ নাথাকিলেহেঁতেন আৰু সকলোৱে হাঁহিমুখে জীৱন-যাপন কৰিলেহেঁতেন।’ এই উত্তৰটোৱে বিচাৰকৰ হৃদয় চুই যায় আৰু ফিলিপিন্সৰ যুৱতীগৰাকীয়ে এক সৎ আৰু সুন্দৰ মনৰ অধিকাৰী বুলি প্ৰমাণিত হয়।

আপুনি পঢ়ি ভাল পাব পৰা বাতৰি