শেহতীয়া খবৰ
আমাৰ নহয়, অসম হ’ব নবীন সিংহালৰ!  •  লকডাউনত ৰাইজ লাউলোৱা! কংগ্ৰেছৰ প্ৰাক্তন মন্ত্ৰী-নেতাৰ হোটেল ক্ৰয় কৰিবলৈ বিজেপি নেতাই লগাইছে হেতাওপৰা...  •  ব্ৰহ্মপুত্ৰৰ বুকুত একাংশ আৰক্ষী বিষয়াৰ নৈশ ভোজৰ পাছত গুৱাহাটীৰ আৰক্ষী আয়ুক্তালয়ত ব্যাপক ৰদবদল...  •  ব্ৰহ্মপুত্ৰৰ বুকুত একাংশ আৰক্ষী বিষয়াৰ নৈশ ভোজৰ পাছত গুৱাহাটীৰ আৰক্ষী আয়ুক্তালয়ত ব্যাপক ৰদবদল...  •  মুখ্যমন্ত্ৰী সোণোৱালৰ লগত থকা ৩ এনএছচি কমাণ্ডসহ ১০জনৰ দেহত কোভিড-১৯...  •  এইবাৰ কামৰূপ (মেট্ৰ’)ৰ পৰা দৰঙলৈ নিষিদ্ধ হ’ল প্ৰৱেশ...  •  কঠিয়াতলীত চৰকাৰৰ ভূমি নীতিৰ প্ৰতিলিপি দাহেৰে প্ৰতিবাদ...  •  অখিল গগৈৰ স্বাস্থ্যৰ আশু আৰোগ্য কামনাৰে শিমলুগুৰিত প্ৰাৰ্থনা...  •  অখিল গগৈসহ সকলো ‘কা’ বিৰোধী প্ৰতিবাদকাৰীৰ মুক্তিৰ দাবীত যোৰহাট জিলা ছাত্ৰ মুক্তি সংগ্ৰাম সমিতিৰ মানৱ শৃংখল কাৰ্যসূচী...  •  নীৰৱ মোডীৰ ৩২৯.৬৬ কোটি টকাৰ সম্পত্তি জব্দ কৰিলে ই ডিয়ে...

দূৰ্নীতি বি পি এফৰ ঐতিহাসিক ভুল: প্ৰমোদ বড়ো…

204

ডিজিটেল সংবাদ, কোকৰাঝাৰঃ হাগ্ৰামা মহিলাৰী নেতৃত্বাধীন বিপিএফৰ শাসন কালত বিভিন্ন বিভাগত সংঘটিত হোৱা কোটি কোটি টকাৰ দূৰ্নীতিয়ে বিপিএফৰ ঐতিহাসিক ভুল আছিল বুলি আজি মন্তব্য কৰিছে ইউপিপিএলৰ সভাপতি প্ৰমোদ বড়োই ।

কোকৰাঝাৰস্থিত এবছুৰ মুখ্য কাৰ্যালয় বডোফা হাউচত সংবাদমাধ্যমৰ আগত উক্ত মন্তব্য কৰি প্ৰমোদ বড়োই মডেল বিটিচি গঢ়াৰ নামত দূৰ্নীতিৰ বোকাত লুতুৰি পুতুৰি হোৱা বিপিএফৰ শাসনকালতে সহস্ৰ নিবনুৱাক বঞ্চনা কৰি অকল বিটিচিৰ প্ৰাক্তন প্ৰধান সচিব ৰবিনঞ্চন মুছাহাৰীয়ে নিজ সন্তানক কোনো পৰীক্ষা অনুষ্ঠিত নকৰাকৈ নিযুক্তি দিয়া কাৰ্যৰো গৰিহণা প্ৰকাশ কৰিছে প্ৰমোদ বড়োই ।

আনহাতে কোৰোনাৰ বাবেই বিটিচিৰ নিৰ্বাচন স্থগিত হোৱা কাৰ্যত প্ৰতিক্ৰিয়া প্ৰকাশ কৰি প্ৰমোদ বড়োই কয় যে নিৰ্বাচনতকৈ জীৱনৰ মুল্য বেছি । নিৰ্বাচন দুদিন পিছত হলেও কোনো আপত্তি নাই , কিন্তু বৰ্তমান জীৱনলৈ অহা ভাবুকিক অৱহেলা কৰাটো উচিত নহব । নিৰ্বাচনৰ নামত কৰ’নাৰ কাম -কাজ যাতে ক্ষতিগ্ৰস্থ নহয় তাৰ প্ৰতি গুৰুত্ব দিয়াৰ আহ্বান জনাই প্ৰমোদ বড়োই ৰাজ্যপাল শাসনৰ কিছুমান পদক্ষেপক প্ৰশংসা কৰে ।

ইপিনে আজি ইউপিপিএলৰ কোকৰাঝাৰস্থিত মুখ্য কাৰ্যালয়ত সামাজিক দুৰত্ব বৰ্তাই ৰাখি কোকৰাঝাৰ জিলা আমছুৰ প্ৰাক্তন কাৰ্য্যকৰী সভাপতি কুনছুৰ আলী , উপ সভাপতি ছফিকুল ইচলাম সহ ২৫ জন আমছুৰ নেতা কৰ্মীৰ লগতে আন বিভিন্ন দল সংগঠনৰ পৰা প্ৰায় শতাধিক সদস্যই ইউপিপিএলত যোগদান কৰে ।

আনহাতে মৰিয়নীত সংঘটিত হোৱা নিৰ্মম হত্যাকাণ্ডৰ গৰিহণা প্ৰকাশ কৰি প্ৰমোদ বড়োই ঘটনাৰে জড়িত অভিযুক্তক আটক আৰু আইন অনুসাৰে শাস্তিৰ দাবী উত্থাপন কৰিছে । তদুপৰি কভিড ১৯ সংহাৰত উদ্বেগ প্ৰকাশ কৰি প্ৰমোদ বড়োই সামাজিক দুৰত্ব বৰ্তাই ৰখাৰ ওপৰত গুৰুত্ব আৰোপ কৰি এইক্ষেত্ৰত বিশ্ববিদ্যালয় আৰু কলেজ অধ্যাপকৰ দ্বাৰা শিক্ষাৰ্থীৰ মাজত সচেতনতা সভাৰ প্ৰয়োজন বুলি মন্তব্য কৰিছে ।

আপুনি পঢ়ি ভাল পাব পৰা বাতৰি