শেহতীয়া খবৰ
ৰাজ্যত আকৌ কোৰোনাত আক্ৰান্ত ৮জনে হেৰুৱালে প্ৰাণ, মৃত্যু হোৱা লোকৰ সংখ্যা ৫৮৬জনলৈ বৃদ্ধি...  •  ডিমাপুৰত গুলিবিদ্ধ অৱস্থাত উদ্ধাৰ ধেমাজিৰ যুৱক...  •  দৰঙত কোৰোনাত আক্ৰান্তৰ সংখ্যা ৩৬০৩ জনলৈ বৃদ্ধি...  •  মই কল্পনাই কৈছো- ‘ন্যায় লাগে মোক...’  •  চামগুৰিস্থিত পাৱাৰ গ্ৰীড ষ্টেচনত মন্ত্ৰী কেশৱ মহন্ত :বিদ্যুৎ ব্যাহত হোৱাত জ্বলাকলা খাইছে ৰাইজে...  •  বাতিল হোৱা এছ আই পৰীক্ষাৰ প্ৰশ্নকাকত ছপাৰ দায়িত্বত আছিল বিজেপি নেতা...  •  মুখ্যমন্ত্ৰীয়ে উন্মোচন কৰিলে ড০ পানছাৰীৰ গ্ৰন্থ ‘বাতো বাতো মে’...  •  দেশত একেদিনাই সুস্থ হৈ উঠিল ১ লাখতকৈ অধিক কোৰোণাক্ৰান্ত ...  •  গুৰুজনাৰ জন্মস্থান বটদ্ৰৱা থানৰ হাটীবহাৰ পিছফালৰ পথত কৃত্ৰিম বানপানী...  •  ৩০ ছেপ্টেম্বৰত ঘোষণা হ’ব কৃষক মুক্তিৰ নেতৃত্বত ৭০ সংগঠনৰ ৰাজনৈতিক দলৰ নাম...

মঙলদৈ টাউন ক্লাবৰ শতবৰ্ষৰ লগত সংগতি ৰাখি ভৈৰৱকুণ্ডত স্বচ্ছতাৰ সজাগতা সভা…

200

ডিজিটেল সংবাদ, মঙলদৈঃ ওদালগুৰি জিলাৰ ভৈৰৱকুণ্ডলৈ নিৰ্ভয়ে বনভোজৰ দল আহিব পাৰে। আমি যিমান পাৰো বনভোজৰ দলক সহায় সহযোগ কৰিবলৈ সদা প্ৰস্তুত। কিন্তু বনভোজত প্লাষ্টিকৰ ব্যৱহাৰ নহব’- এই ভাষ্য ভৈৰৱকুণ্ড ইক টুৰিজিম এণ্ড কনজাৰ্ভেচন চোচাইটিৰ সভাপতি বিমল নাৰ্জাৰীৰ। শনিবাৰে মঙলদৈ টাউন ক্লাবৰ শতবৰ্ষৰ লগত সংগতি ৰাখি ভূটান, অৰুণাচল আৰু ওদালগুৰি জিলাৰ সংগমস্থলী, প্ৰকৃতিৰ ৰম্যভূমি ভৈৰৱকুণ্ডত অনুষ্ঠিত স্বচ্ছতাৰ সজাগতা সভাত তেওঁ এইদৰে কয়।

মঙলদৈ টাউন ক্লাবৰ উদ্যোগত আৰু ভৈৰৱকুণ্ড ইক টুৰিজিম এণ্ড কনজাৰ্ভেচন চোচাইটিৰ সহযোগত ধনশিৰি নদীৰ তীৰত হোৱা এই সভাত ওদালগুৰি জিলাৰ উপায়ুক্ত প্ৰকাশ ৰঞ্জন ঘৰফলীয়াই কয়, পৰ্যটনৰ প্ৰবল সম্ভাৱনা থকা ভৈৰৱকুণ্ডক পৰিস্কাৰ পৰিচন্ন কৰি ৰখাটো সকলোৰে দায়িত্ব আৰু কৰ্তব্য।

মঙলদৈ টাউন ক্লাবৰ শতবৰ্ষৰ লগত সংগতি ৰাখি ভৈৰৱকুণ্ডত স্বচ্ছতাৰ সজাগতা সভা আয়োজন কৰাত উদ্যোক্তা সকলৰ শলাগ লৈ তেওঁ কয়, গছ গছনি থাকিলেহে মানুহ জীয়াই থাকিব। সভাত ওদালগুৰি জিলাৰ আৰক্ষী অধীক্ষক লংনিট তেৰঙে শান্তিৰ পৰিবেশ বিৰাজ কৰা ভৈৰৱকুণ্ডলৈ দেশী – বিদেশী পৰ্যটকক আহিবলৈ আহ্বান জনায়।

মঙলদৈ টাউন ক্লাবৰ সম্পাদক হিৰেণ ডেকাই আঁত ধৰা এই সভাত ক্লাবৰ সভাপতি অনিল শৰ্মা, প্ৰাক্তন সভাপতি বিপুল ৰঞ্জন দে, উপদেষ্টা ডঃ আমানুল হক, সাংবাদিক গণেশ দত্ত, গৌতম জ্যোতি তালুকদাৰ, বয়োজে ডাঃ জয়কান্ত চহৰীয়া, মোহন চন্দ্ৰ ডেকা, সাধন দাস, উমেশ চহৰীয়াকে ধৰি শতাধিক লোক উপস্থিত থাকে।

আপুনি পঢ়ি ভাল পাব পৰা বাতৰি