ডিজিটেল সংবাদ, মাজুলীঃ মাজুলী জিলা অনূসূচিত জাতি ৰাইজৰ উদ্যোগত অনূসূচিত জাতি সমাৰোহ আৰু মাজুলী জিলা অনূসূচিত জাতি ছাত্ৰ সন্থাৰ উদ্যোগত সতী শান্তি ৰাধিকা দিৱস দুদিনীয়া কাৰ্য্যসুচীৰে আজিৰ পৰা শুভাৰম্ভ হৈছে ৷ এই উপলক্ষে পুৱাৰ পৰা আজি মাজুলী মহাবিদ্যালয়ৰ খেল পথাৰ জনসমুদ্ৰত পৰিনত ৷
শনিবাৰে প্ৰথম দিনা কাৰ্যসূচী হিচাপে পুৱা ৭ বজাত পৰিৱেশ নিকাকৰন ,৮ বজাত অৱসৰ প্ৰাপ্ত শিক্ষক, পূৰ্নানন্দ হাজৰিকা ই বৃক্ষ ৰোপন ৯ বজাত ধৰ্মধবজ্বা উত্তোলন কৰে দেৱজিৎ হাজৰিকাই, ৯- ৩০ বজাত স্মৃতি তৰ্পন কৰে সৰ্ব্বশ্ৰী অনুসুচিত জাতি ছাত্ৰ সন্থাৰ সভাপতি প্ৰফূল্ল কুমাৰ দাস , আৰু মুকুল হাজৰিকা , ছাত্ৰ সন্থাৰ সাধাৰণ সম্পাদক বিকাশ দাসে , দিনটোৰ অন্যান্য কাৰ্যসূচিৰ লগতে , ৩ বজাৰ পৰা স্বাধীনতা ৭৩ টা বছৰ অতিক্ৰম কৰাৰ পিছতো অনূসূচিত জাতি লোকসকল সামাজিক , সাংস্কৃতিক , ৰাজনৈতিক আৰু শৈক্ষিক ক্ষেত্ৰত পিছপৰাৰ মূল কাৰণ আৰু ইয়াৰ কৰণীয় শীৰ্ষক এলানী তত্বগধোৰ আলোচনা চক্ৰ আৰম্ভ হয় ।
এই আলোচনা চক্ৰৰ উদ্ধোধন কৰে মাজুলী জিলা উপায়ুক্ত দেৱ প্ৰসাদ মিশ্ৰ ই ৷ আলোচক হিচাপে থাকে সাধু চৰন দাস , দেৱব্ৰত শৰ্মা , ড০ নৱ কুমাৰ গাম, পদ্ম পেগু, গণেশ হাজৰিকা সৌৰভ দেউৰী উপস্থিত থাকে। সন্ধ্যায়া ৬ বজাত বন্তি প্ৰজ্বলন আৰু ৭ বজাৰ পৰা বাৰেৰহনীয়া সাংস্কৃতিক কাৰ্য্যসুচীৰ আৰম্ভ হব বুলি উদযাপন সমিতিৰ সভাপতি দেৱজিৎ হাজৰিকা , সম্পাদক মুকুল হাজৰিকা , সতী ৰাধিকা উদযাপন সমিতিৰ সভাপতি প্ৰফুল্ল দাস আৰু সম্পাদক বিকাশ দাসে আমাক জানিবলৈ দিয়ে ।
দেওবাৰে অসমৰ মূখ্যমন্ত্ৰী সৰ্বানন্দ সোনোৱাল , শিক্ষা মন্ত্ৰী সিদ্ধাৰ্থ ভট্ৰাচাৰ্য, অসম চৰকাৰৰ মন্ত্ৰী ড০ হিমন্ত বিশ্ব শৰ্মা , মন্ত্ৰী পৰিমল শুক্লবৈদ্য, নৱ কুমাৰ দলে, পিয়ূজ হাজৰিকা, কৃপানাথ মাল্লা ,ডিব্ৰুগড় বিধায়ক প্ৰশান্ত ফুকন, ৰনোজ পেগু , টিংখাং সমষ্টিৰ বিধায়ক বিমল বৰা, ১৪ নং লক্ষিমপুৰ লোক সভাৰ সমষ্টিৰ সাংসদ প্ৰদান বৰুৱা, দেৰগাৱৰ বিধায়ক ভবেন ভৰালীকে ধৰি বহু জন অসমৰ বিশিষ্ট ব্যক্তি উপস্থিত থাকিব ।
