শেহতীয়া খবৰ
কোৰোনাত আক্ৰান্ত হৈ কি ক'লে ভাস্কৰজ্যোতি মহন্তই...  •  ট্ৰাম্প সংবাদ মেলত ব্যস্ত থকাৰ সময়তেই আমেৰিকাৰ হোৱাইট হাউচত গুলীবৰ্ষণ...  •  ধেমাজি টাউন ব্ল’ক কংগ্ৰেছৰ উদ্যোগত "পৰিবেশ প্ৰভাৱ নিৰূপন খচৰা ২০২০"ৰ বিৰুদ্ধে সজাগতামূলক সভা-মানৱ শৃংখল কাৰ্যসূচী...  •  ধেমাজি প্ৰেছ ক্লাৱত বিধায়ক ৰনোজ পেগুৰ সংবাদমেল...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  ৰাজ্যত পুনৰ ২৯০০ জনৰ দেহত ধৰা পৰে কোভিড পজিটিভ, আক্ৰান্তৰ সংখ্যা ৬১,৭৩৭জনলৈ বৃদ্ধি...  •  প্ৰাক্তন ৰাষ্ট্ৰপতি প্ৰণৱ মুখাৰ্জীৰ মগজুৰ অস্ত্ৰোপচাৰ সম্পন্ন, ৰখা হৈছে ভেন্টিলেটৰ ছাপৰ্টত...  •  দূৰদৰ্শনত ‘শ্ৰীমন্ত শংকৰদেৱ’ ধাৰাবাহিকখনৰ সম্প্ৰচাৰ বন্ধৰ দাবী শ্ৰীমন্ত শংকৰদেৱ আন্তৰ্জাতিক মিছনৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...

মাজুলীত মাজনিশালৈকে নৈৰ পাৰত বহি থাকিল কোভিড ৰোগী…

255

ডিজিটেল সংবাদ, নাৰায়ণপুৰঃ মুখ্যমন্ত্ৰী সৰ্বানন্দ সোনোৱালৰ সমষ্টি মাজুলীৰ আহতগুৰিত সংঘটিত হৈছে ভয়ংকৰ কাণ্ড । মাজ নিশা পৰ্যন্ত নদীৰ পাৰত বহি থাকিব লগীয়া হ’ল কোভিড আক্ৰান্ত ৰোগী । সমষ্টিটোৰ দুৰ্গম আহতগুৰি পঞ্চায়ত এলেকাৰ শিকলিচাপৰি অঞ্চলত সংঘটিত হৈছে এই কাণ্ড ।

উল্লেখ্য যে অঞ্চলটোত শনিবাৰৰ দিনটোত নিৰুপভা দলে,কেৰিণা দলে,ময়ুৰী দলে,অতুল বৰা আৰু মুন বৰা নামৰ ৫ গৰাকী লোকৰ দেহত কোভিড পজিটিভ ধৰা পৰে । জিলা সদৰ কমলাবাৰীলৈ নিয়াৰ কথা আছিল আটাইকেইগৰাকী ৰোগীক ।কিন্তু নিশা পৰ্যন্ত ভোকে-লঘোনে নৈৰ পাৰত বহি থাকিব লগা হয় ৰোগী কেইগৰাকী ।

পৰৱৰ্তী সময়ত আহতগুৰি সচেতন যুৱ মঞ্চৰ সদস্য সকলৰ তৎপৰতাত স্থানীয় বিলতীয়া প্ৰাথমিক বিদ্যালয়ত থকাৰ ব্যৱস্থা কৰা হয় কেউজন ৰোগীকে । জানিব পৰা মতে শনিবাৰৰ দিনটোত মাজুলীৰ পৰা যোৱা ৫ জনীয়া স্বাস্থ্য বিভাগৰ দলে অঞ্চলটোৰ ৫০ গৰাকীৰো অধিক লোকৰ স্বাৱ টেষ্ট কৰিছিল ।

উল্লেখ্য যে যোৱা ৩০ জুলাইত পঞ্চায়ত সচিব নৱ দলে এখন সভাত অংশ লৈছিল। পৰৱৰ্তী পৰ্যায়ত নৱ দলেৰ স্বাৱ টেষ্ট কৰোৱাত তেওঁৰ কোভিড পজিটিভ চিনাক্ত হৈছিল । স্থানীয় লোকৰ অভিযোগ নৱ দলেৰ পৰাই অঞ্চলটোত গণসংক্ৰমণ ঘটিছে । আনহাতে দুৰ্গম অঞ্চলটোক মাজুলী প্ৰশাসনে চুড়ান্ত অৱহেলা কৰাৰ অভিযোগ স্থানীয় ৰাইজৰ ।

আপুনি পঢ়ি ভাল পাব পৰা বাতৰি