শেহতীয়া খবৰ
কোৰোনাত আক্ৰান্ত হৈ কি ক'লে ভাস্কৰজ্যোতি মহন্তই...  •  ট্ৰাম্প সংবাদ মেলত ব্যস্ত থকাৰ সময়তেই আমেৰিকাৰ হোৱাইট হাউচত গুলীবৰ্ষণ...  •  ধেমাজি টাউন ব্ল’ক কংগ্ৰেছৰ উদ্যোগত "পৰিবেশ প্ৰভাৱ নিৰূপন খচৰা ২০২০"ৰ বিৰুদ্ধে সজাগতামূলক সভা-মানৱ শৃংখল কাৰ্যসূচী...  •  ধেমাজি প্ৰেছ ক্লাৱত বিধায়ক ৰনোজ পেগুৰ সংবাদমেল...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  ৰাজ্যত পুনৰ ২৯০০ জনৰ দেহত ধৰা পৰে কোভিড পজিটিভ, আক্ৰান্তৰ সংখ্যা ৬১,৭৩৭জনলৈ বৃদ্ধি...  •  প্ৰাক্তন ৰাষ্ট্ৰপতি প্ৰণৱ মুখাৰ্জীৰ মগজুৰ অস্ত্ৰোপচাৰ সম্পন্ন, ৰখা হৈছে ভেন্টিলেটৰ ছাপৰ্টত...  •  দূৰদৰ্শনত ‘শ্ৰীমন্ত শংকৰদেৱ’ ধাৰাবাহিকখনৰ সম্প্ৰচাৰ বন্ধৰ দাবী শ্ৰীমন্ত শংকৰদেৱ আন্তৰ্জাতিক মিছনৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...

মাধৱদেৱ মহাবিদ্যালয়ক বিশ্ববিদ্যালয়লৈ উন্নিতকৰণ, উৎফুল্লিত নাৰায়ণপুৰবাসী

843


ডিজিটেল সংবাদ, নাৰায়ণপুৰঃ অপেক্ষাৰ অন্ত পৰিল। অৱশেষত বহু আকাংক্ষিত ভাল খবৰটো আহিল লখিমপুৰ জিলাৰ নাৰায়ণপুৰবাসীৰ মাজলৈ। ১৯৬৪ চনতে প্ৰতিষ্ঠা লাভ কৰা উত্তৰ অসমৰ অগ্ৰণী উচ্চ শিক্ষানুষ্ঠান নাৰায়ণপুৰৰ মাধৱদেৱ মহাবিদ্যালয় উন্নীতকৰণ হৈছে মাধৱদেৱ বিশ্ববিদ্যালয়লৈ।

ইতিমধ্যে গুৱাহাটী বিশ্ববিদ্যালয়ৰ জ্যেষ্ঠ অধ্যাপক, বিশিষ্ট বিজ্ঞানী ডঃ দিবাকৰ চন্দ্ৰ ডেকাক বিশ্ববিদ্যালয়খনৰ উপাচাৰ্য হিচাপে নিযুক্তি প্ৰদান কৰা হৈছে। অতি সোনকালেই তেওঁ আহি বিশ্ববিদ্যালয় খনত যোগদান কৰিব বুলি আশা প্ৰকাশ কৰিছে মাধৱদেৱ মহাবিদ্যালয় কৰ্তৃপক্ষই।


সকলোৰে হেপাঁহৰ আপোন মহাবিদ্যালয়খনক বিশ্ববিদ্যালয়লৈ উন্নীতকৰণ কৰাক লৈ মহাবিদ্যালয়খনৰ শিক্ষক-ছাত্ৰ-ছাত্ৰীৰ লগতে অঞ্চলবাসী শিক্ষানুৰাগী ৰাইজ উৎফুল্লিত হৈ পৰিছে। আদৰণি জনাইছে বিভিন্ন দল-সংগঠনেও। কিয়নো উত্তৰ অসমত একমাত্ৰ এই খনেই হ’ব উচ্চ শিক্ষাৰ প্ৰথমখন অনুষ্ঠান।

উল্লেখ্য যে, সদ্যঘোষিত হাইস্কুল আৰু উচ্চতৰ মাধ্যমিক শিক্ষান্ত পৰীক্ষাত লখিমপুৰ জিলাখনে অসমৰ ভিতৰতে সুনাম কঢ়িয়াবলৈ সক্ষম হৈছে। আৰু এতিয়া এই বিশ্ববিদ্যালয়খনে শিক্ষাৰ ক্ষেত্ৰত লখিমপুৰ জিলাৰ লগতে বিশ্বনাথ, ঢকুৱাখনা আৰু মাজুলী জিলাৰ ছাত্ৰ-ছাত্ৰী সকল বিশেষভাবে উপকৃত হ’ব বুলি আশা প্ৰকাশ কৰিছে বৃহত্তৰ অঞ্চলটোৰ শিক্ষানুৰাগী সকলে।

আপুনি পঢ়ি ভাল পাব পৰা বাতৰি