ডিজিটেল সংবাদ, মাৰ্ঘেৰিটাঃ তিনিচুকীয়া জিলাৰ মাৰ্ঘেৰিটা মহকুমাৰ লিডুত নগা উগ্ৰপন্থীৰ বিৰুদ্ধে অভিযান চলাই সোমবাৰে এন এছ চি এন (আৰ)ৰ এজন কেডাৰ আটক হয়। ভাৰতীয় সেনাৰ ৩ নং গাৰুৱাল ৰাইফালছে উগ্ৰপন্থী বিৰুদ্ধে অভিযান চলাই থকা অৱস্থাত লিডুৰ টিৰাপ কলিয়ৰীৰ পৰা আটক কৰে কেডাৰজনক। ধৃত কেডাৰজনৰ নাম ছিংমাই হাচেং বুলি জানিব পৰা গৈছে ।
ইফালে, এন এছ চি এন ( আৰ) কেডাৰজনৰ পৰা সেনাই এটা ৭.৬৫ এম এম পিষ্টল, এটা মেগজিন আৰু ৩ ৰাউণ্ড সজীঁৱ গুলি উদ্ধাৰ কৰে। সেনাই কেডাৰজনক লিডুৰ আৰক্ষী চকীত চমজাই দিয়ে। লিডু আৰক্ষীয়ে আটকাধীন কেডাৰজনক সোধাপোছা অব্যাহত ৰাখিছে।