শেহতীয়া খবৰ
শনিবাৰৰ দিনটোত দেশত কোৰোনাত আক্ৰান্ত হ'ল ৮হাজাৰো অধিক লোক... • শনিবাৰৰ দিনটোত দেশত কোৰোনাত আক্ৰান্ত হ'ল ৮হাজাৰো অধিক লোক... • এমাহ ধৰি সন্ধানহীন ভকচং হাতীগড়ৰ দুই সন্তানৰ পিতৃ... • আৰু ৩১জনৰ দেহত কোভিড-১৯, বহিঃৰাজ্যৰ পৰা বিমানেৰে অহা ২০জন আক্ৰান্ত কোৰোনাত... • কোৰোনাৰ পাছত বানৰ তাণ্ডৱ অসমত! ৬জনে হেৰুৱাইছে প্ৰাণ... • বৰক্ষেত্ৰীৰ লাৰকুছিত উপস্থিত হৈ গৰাখহনীয়া পৰিদৰ্শন মুখ্যমন্ত্ৰী সৰ্বানন্দ সোণোৱালৰ... VIDEO • ওদালগুৰিত বিগত ২৪ ঘণ্টাত ১২জনকৈ লোক কোৰোনাত আক্ৰান্ত... • PUBG খেলাৰ বাবেই ম’বাইল চুৰি কৰি আৰক্ষীৰ জালত ২ কিশোৰ... • লকডাউনৰ প্ৰভাৱঃ বিশ্ববিদ্যালয়-মহাবিদ্যালয়ে কি পদক্ষেপ ল’ব পৰামৰ্শৰ বাবে ৰাজ্যপালৰ উচ্চস্তৰীয় কমিটী গঠন... • ৰোহিত শৰ্মাক ‘ৰাজীৱ গান্ধী খেল ৰত্ন-২০২০’ৰ বাবে মনোনীত...

ভাৰতীয় জীৱন বীমা নিগমৰ গুৱাহাটী মণ্ডলৰ কাৰ্যালয়ত ‘সতৰ্কতা জাগৰণ সপ্তাহ’ সম্পন্ন

287

ডিজিটেল ডেস্কঃ কেন্দ্ৰীয় সতৰ্কতা আয়োগৰ নিৰ্দেশমৰ্মে ২৮ অক্টোবৰৰ পৰা ভাৰতীয় জীৱন বীমা নিগমৰ গুৱাহাটী মণ্ডলৰ কাৰ্যালয়ত আৰম্ভ হোৱা ‘সতৰ্কতা জাগৰণ সপ্তাহ’ বুধবাৰে সামৰণি পৰে। কৰ্মচাৰী সকলৰ সততাৰ শপতগ্ৰহণ, স্কুলীয়া ছাত্ৰ-ছাত্ৰীৰ মাজত ৰচনা প্ৰতিযোগিতাৰ লগতে মঙলদৈ আৰু হোজাইত সজাগতা সভা ইত্যাদিৰে সতৰ্কতা জাগৰণ সপ্তাহ পালন কৰা হয়।

তদুপৰি সামৰণি অনুষ্ঠানৰ অংশ হিচাপে একাদশ শ্ৰেণীৰ ছাত্ৰ-ছাত্ৰীৰ মাজত ‘দুৰ্নীতি নিৰ্মূলৰ হেতু সততাই হ’ল একমাত্ৰ আহিলা’ শীৰ্ষক এখনি তৰ্ক প্ৰতিযোগিতাৰ আয়োজন কৰা হয়। দিগন্ত বিশ্ব শৰ্মাৰ অধ্যক্ষতাত অনুষ্ঠিত হোৱা প্ৰতিযোগিতাখনত বিচাৰকৰ আসন গ্ৰহণ কৰে দীপক শৰ্মা, প্ৰানজিত দাস আৰু বিপ্লৱ টায়ে।

সামৰণি অনুষ্ঠানৰ মুকলি সভাত সন্মানীয় অতিথি হিচাপে উপস্থিত থাকে ক্ষেত্ৰীয় সতৰ্কতা বিষয়া দিলীপ নন্দী আৰু মুখ্য অতিথি হিচাপে উপস্থিত থাকে প্ৰণৱজ্যোতি গোস্বামী। সভাতে বিজয়ী প্ৰতিযোগীসকলক প্ৰদান কৰা হয় বঁটা। অনুষ্ঠানত শেষত ভাৰতীয় জীৱন বীমা গুৱাহাটী মণ্ডলৰ কাৰ্যালয়ৰ হৈ কৰ্মচাৰী তথা উদ্যোগিক সম্বন্ধ বিভাগৰ প্ৰবন্ধক ত্ৰিদীপ গাথিৰিয়ে সকলোৰে শলাগ লয়।

আপুনি পঢ়ি ভাল পাব পৰা বাতৰি