ডিজিটেল সংবাদ, মাৰ্ঘেৰিটাঃ গুৰু গোসাই নমনা একাংশ ডাম্পাৰ চালকৰ বাবে লিডুত এতিয়া সঘনাই সংঘটিত হবলৈ ধৰিছে ইটোৰ পিছত সিটো পথ দুৰ্ঘটনা৷ দ্ৰুতবেগী ডাম্পাৰৰ খুন্দাত নিহত হ'ব লগা হৈছে সাধাৰণ ৰাইজ৷ ইয়াৰ পাছতো নিৰৱ ভুমিকাত স্থানীয় আৰক্ষী-প্ৰশাসন৷ যাৰ বাবে মঙলবাৰে অসম জাতিয়তাবাদী যুৱ ছাত্ৰ পৰিষদে সাব্যস্ত কৰিলে এক প্ৰতিবাদী কাৰ্যসূচী।
লিডুৰ বিৰলাগেটস্থিত ৩৮ নং ৰাষ্টীয় ঘাইপথত টায়াৰ জ্বলাই সংগঠনটোৱে এক বিক্ষোপ কাৰ্যসূচী ৰূপায়ণ কৰে৷ সংগঠনটোৰ দাবী ডাম্পাৰ চালকৰ দৌৰাত্ম শীঘ্ৰেই বন্ধ কৰাৰ৷ নহলে সংগঠনটোৱে হাত সাৱটি বহি নাথাকে বুলিওঁ হুংকাৰ প্ৰদান কৰে৷ উল্লেখ্য যে, সোমবাৰে নিশা বৰগোলাইত ডাম্পাৰৰ খুন্দাত এজন যুৱক থিতাতে নিহত হ'ব লগা হোৱা ঘটনাই সমগ্ৰ এলেকাটোতে চাঞ্চল্যৰ সৃষ্টি কৰিছে৷
