ডিজিটেল সংবাদ,লামডিংঃ হোজাই জিলাৰ লামডিঙত শুকুৰবাৰে সন্ধিয়া এক বিধ্বংসী অগ্নিকাণ্ডৰ ঘটনা সংঘটিত হয় ৷ ইটাভাট্টা চাৰিআলিৰ আল্লাউদ্দিন নামৰ লোকজনৰ ঘৰত সংঘটিত হোৱা অগ্নিকাণ্ডত ৬ টা ভাৰা ঘৰৰ কোঠালি চকুৰ পলকতে জুইত সম্পূৰ্ণভাবে ভস্মীভূত হয়।
অগ্নিকাণ্ডৰ সময়ত ৰন্ধন গেছৰ চিলিণ্ডাৰ বিস্ফোৰিত হোৱাত আতংকময় পৰিস্থিতি সৃষ্টি হয়৷উক্ত অগ্নিকাণ্ডত ৬টাকৈ ভাৰাঘৰ জুইত জাহ যোৱাৰ লগতে ব্যৱসায়ী জনৰ এটি লোহাৰ ডেম্পো সম্পূৰ্ণৰূপে জ্বলি ভস্মিভূত হয় ৷
ইপিনে লংকা ,শংকৰদেৱ নগৰৰ পৰা যোৱা কেইবাখনো অগ্নিনিৰ্বাপক বাহিনীৰ গাড়ীৰ তৎপৰতাত জুই নিৰ্বাপিত হোৱাত সমীপৰে ঘৰ কেইখন ৰক্ষা পৰে ৷এই অগ্নিকাণ্ডত প্ৰায় ২০ লক্ষাধিক টকাৰ সা-সম্পত্তি নষ্ট হোৱাৰ আশংকা কৰা হৈছে ৷৷
