শেহতীয়া খবৰ
ৰাজ্যত আকৌ ২১৫জন কোভিড পজিটিভ, সুস্থ হৈছে ২৮৩২জন...  •  কোভিড-১৯ঃ ৰাজ্যত আকৌ দুজনৰ মৃত্যু...  •  বিহাৰ বিধানসভা নিৰ্বাচন...  •  ৩১ অক্টোবৰত চাব আকাশলৈ, দেখা পাব ‘ব্লু মুন’...  •  উত্তৰ প্ৰদেশৰ গো হত্যা আইনৰ অপব্যৱহাৰকলৈ উদ্বেগ প্ৰকাশ এলাহাবাদ উচ্চ ন্যায়ালয়ৰ...  •  হাথৰছ ধৰ্ষণ-হত্যাকাণ্ডঃ মঙলবাৰে উচ্চতম ন্যায়ালয়ে প্ৰদান কৰিব কিছু গুৰুত্বপূৰ্ণ ৰায়দান...  •  হাতে হাতে দা-তৰোৱাল, তিনিচুকীয়াত বজৰং দলৰ সশস্ত্ৰ বাইক ৰেলী...  •  নৱমী পূজাৰ নিশা বৰপেটাৰোডত সাংবাদিক আক্ৰমণৰ ঘটনা...  •  আইপিএলৰ পৰা বাহিৰ হ’ল চেন্নাই...  •  জম্মু-কাশ্মীৰৰ পিপলছ ডেম’ক্ৰেটিক পাৰ্টীৰ মুৰব্বী মেহবুবা মুফতীৰ মন্তব্যক লৈ সৰৱ তিনি নেতাৰ পদত্যাগ...

চৰকাৰলৈ বাট চাই বিমুখ, লালুকত ৰাইজে মেৰামতি কৰিলে পথ…

89

ডিজিটেল সংবাদ,লালুকঃ ৰজাঘৰীয়াই যাতায়তৰ সুচল ব্যৱস্থা নকৰাৰ বাবেই উপায়ন্তৰহৈ গাঁঠিৰ ধন ভাঙি অৱশেষত নিজেই চলাচলৰ একমাত্ৰ পথটো মেৰামতি কৰাত লাগি গ’ল স্থানীয় যুৱকসকল৷ অতি পৰিতাপৰ কথা যে লালুক ডুবিৰ ১৫ নং ৰাষ্ট্ৰীয় ঘাইপথৰ পৰা পিলখানা সংযোগী পথটো বিগত পঞ্চাশ বছৰে কেৱল মেৰামতি কৰাৰ নামত লাখ লাখ টকা অপচয় কৰিলে যদিও উন্নয়নৰ নামত কিন্ত শূন্য হে হ’ল৷

স্থানীয় ৰাইজে বহুবাৰ লখিমপুৰ জিলা উপায়ুক্ত, বিভাগীয় কৰ্তৃপক্ষক আবেদন নিবেদন কৰিও কোনো সঁহাৰি নাপায় অৱশেষত ৰাইজে নিজাকৈ চলাচলৰ সুচল কৰাত হাত উজান দিয়ে৷ উল্লেখ্য যে ডুবি পিলখানা সংযোগী পথটো বগলী বনাঞ্চল সংযোগৰ অন্যতম পথ৷ সেই সূত্ৰে পথটোৰ মেৰামতি কৰাৰ দায়িত্ব বগলী খণ্ড বীট কাৰ্যালয় তথা লখিমপুৰ জিলা বন সংৰক্ষণ বিভাগৰ৷

তেনেস্থলত ৰাইজে বহুত আবেদন নিবেদন কৰি অহাৰ পাছতো মাজে সময়ে কেৱল সামান্য পৰিমাণে শিল বালি পেলাইয়ে বহু ধন শৰাধ কৰি আহিছে বুলি ৰাইজে অভিযোগ কৰিছে৷ এজাক বৰষুণ দিলেই যাতায়াতত ব্যাপক সমস্যাৰ উদ্ভৱ হোৱা পথটোৰ উন্নয়নৰ বাবে স্থানীয় বিধায়ক, সাংসদক পথটোৰ উন্নয়নৰ বাবে আৰু বন বিভাগৰ আওতাৰ পৰা মুক্ত কৰিবলৈ দাৱী জনাই আহিছিল যদিও আজিও সেয়া হৈ নুঠাত আক্ষেপ প্ৰকাশ কৰিছে ৰাইজে৷ দেওবাৰে বগলী নৈৰ শিল বালি আনি স্থানীয় ৰাইজ তথা যুৱকসকলে পথতোৰ বিভিন্ন স্থানত হোৱা দ’গাত সমুহ পুতি দি যাতায়তৰ সুচল কৰে৷

আপুনি পঢ়ি ভাল পাব পৰা বাতৰি