শেহতীয়া খবৰ
ট্ৰাম্প সংবাদ মেলত ব্যস্ত থকাৰ সময়তেই আমেৰিকাৰ হোৱাইট হাউচত গুলীবৰ্ষণ...  •  ধেমাজি টাউন ব্ল’ক কংগ্ৰেছৰ উদ্যোগত "পৰিবেশ প্ৰভাৱ নিৰূপন খচৰা ২০২০"ৰ বিৰুদ্ধে সজাগতামূলক সভা-মানৱ শৃংখল কাৰ্যসূচী...  •  ধেমাজি প্ৰেছ ক্লাৱত বিধায়ক ৰনোজ পেগুৰ সংবাদমেল...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  ৰাজ্যত পুনৰ ২৯০০ জনৰ দেহত ধৰা পৰে কোভিড পজিটিভ, আক্ৰান্তৰ সংখ্যা ৬১,৭৩৭জনলৈ বৃদ্ধি...  •  প্ৰাক্তন ৰাষ্ট্ৰপতি প্ৰণৱ মুখাৰ্জীৰ মগজুৰ অস্ত্ৰোপচাৰ সম্পন্ন, ৰখা হৈছে ভেন্টিলেটৰ ছাপৰ্টত...  •  দূৰদৰ্শনত ‘শ্ৰীমন্ত শংকৰদেৱ’ ধাৰাবাহিকখনৰ সম্প্ৰচাৰ বন্ধৰ দাবী শ্ৰীমন্ত শংকৰদেৱ আন্তৰ্জাতিক মিছনৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...

কোভিড চেন্টাৰৰ পৰা পলাই গৈছিল কয়দী সুক্লা…

240

ডিজিটেল সংবাদ, কোকৰাঝাৰঃ কোকৰাঝাৰ ৰূপনাথ ব্ৰহ্ম অসামৰিক চিকিৎসালয়ৰ কোভিড কেয়াৰ চেণ্টাৰৰ পৰা যোৱা ২৯ জুলাইত পলায়ন কৰা সুক্ত মুৰ্ম ওৰফে সুক্লা নামৰ কোভিড-১৯ পজিটিভ কয়দীজনক দেওবাৰে অসম আৰক্ষীয়ে ভাৰত-ভূটান সীমান্তৱৰ্তী লুংচুং বনাঞ্চলৰ পৰা গ্ৰেপ্তাৰ কৰিবলৈ সক্ষম হৈছে।

পলাতক কয়দীটো ধৰ্ষণৰ অপৰাধত কোকৰাঝাৰৰ জিলা কাৰাগাৰত বন্দী হৈ আছিল আৰু কোৰোনাত আক্ৰান্ত হোৱাত যোৱা ২৪ জুলাইত কোকৰাঝাৰ ৰূপনাথ ব্ৰহ্ম অসামৰিক চিকিৎসালয়ত স্থাপন কৰা কোভিড কেয়াৰ চেণ্টাৰত ভৰ্তি কৰোৱা হৈছিল। কিন্তু সুবিধা বুজি কয়দী সুক্লাই হাস্পতালৰ খিৰিকী ভাঙি পলায়ন কৰিছিল।

আৰু ইয়াৰ পাছতেই সুক্লাৰ সন্ধানত কোকৰাঝাৰ জিলাৰ আৰক্ষী অধীক্ষক ৰাকেশ ৰৌশানৰ নিৰ্দেশত কোকৰাঝাৰ আৰক্ষীয়ে অহৰ্নিশে অভিযান অব্যাহত ৰাখিছিল। অৱশেষত দেওবাৰে বিছমুৰী আৰক্ষী চকীৰ অন্তৰ্গত ভাৰত-ভূটান সীমান্তবৰ্তী লুংচুং বনাঞ্চলৰ পৰা পলাতক সুক্লা মুৰ্মুক আৰক্ষীয়ে গ্ৰেপ্তাৰ কৰিবলৈ সক্ষম হয়।

গ্ৰেপ্তাৰ কৰাৰ পিছতে পুনৰ সুক্লাক কোকৰাঝাৰ আৰএনবি চিকিৎসালয়ত লৈ যোৱা হয় আৰু কোভিড-১৯ পৰীক্ষা কৰা হয় যদিও সুক্লাৰ দেহত কোভিড নিগেটিভ ধৰা পৰে। ইতিমধ্যে দেওবাৰে গ্ৰেপ্তাৰ হোৱা পলাতক কয়দীটোৰ বিৰুদ্ধে কোকৰাঝাৰ থানাত ভাৰতীয় দণ্ডবিধি আইনৰ ধাৰা ২২৪/ ২৬৯/ ২৭০ মৰ্মে এক গোচৰ ৰজু কৰা হৈছে ।

আপুনি পঢ়ি ভাল পাব পৰা বাতৰি