শেহতীয়া খবৰ
বিষাক্ত সুৰাৰ হত্যালীলাঃ ১১ খুচুৰা দোকানী গ্ৰেপ্তাৰ, নিষিদ্ধ লালী গুড়, মুক্ত হৈ আছে পাইকাৰী বেপাৰী  •  অসম চুক্তিৰ বিশেষ দফাৰ প্ৰতিলিপি দাহ কাৰ্যসূচী ৰূপায়ণ হিন্দু যুৱ ছাত্ৰ পৰিষদৰ  •  মাজবাটত অবৈধ শিল-বালি ভৰ্তি তিনিখন ডাম্পাৰ সহ ১২ খনকৈ কাঠৰ চাইকেল জব্দ  •  যোৰহাটত বিষাক্ত সুৰা পান কৰি অসুস্থ হোৱাসকলৰ স্বাস্থ্যৰ বুজ ল’লে মুখ্যমন্ত্ৰী সোণোৱালে  •  অগ্নিগৰ্ভা অৰুণাচল, প্ৰতিবাদকাৰীয়ে জ্বলালে শিল্পীৰ সা-সামগ্ৰীৰ লগতে বৃহৎ সংখ্যক বাহন  •  ঝাৰখণ্ডত নক্সালবাদীৰ বিৰুদ্ধে আৰক্ষী-এছএছবিৰ অভিযান  •  ৰাজ্যজুৰি বিষাক্ত সুৰা সেৱন কৰি মৃত্যু হোৱা লোকৰ সংখ্যা ১০০ লৈ বৃদ্ধি...  •  বিজেপি-আৰ এছ এছে চাহ শ্ৰমিকে সুৰা সেৱন কৰাটো বিচাৰেঃ অখিল গগৈ  •  গোলাঘাটত বিষাক্ত সুৰাই প্ৰাণ ল'লে ৪৬ জনৰ, মৃত্যু হোৱা লোকৰ নাম...  •  বিধ্বংসী অগ্নিকাণ্ডত একেলগে জ্বলিল ১০০খন গাড়ী, চাওঁক VIDEO...

কৃষ্ণগুৰু সেৱাশ্ৰমত মহা পালনাম আৰম্ভ….

পুণ্য তীৰ্থত পৰিণত কৃষ্ণগুৰু সেৱাশ্ৰম

208

ডিজিটেল সংবাদ চেঙাঃ আৰম্ভ হ’ল বিশ্ব শান্তিৰ লক্ষ্যৰে কৃষ্ণগুৰু এক নাম অখণ্ড কীৰ্তন । বৰপেটা জিলাৰ নসত্ৰৰ কৃষ্ণগুৰু সেৱাশ্ৰমত মংগলবাৰৰ পৰা আৰম্ভ হৈছে মহাপালনাম। কৃষ্ণগুৰু সেৱাশ্ৰমত মঙলবাৰে পুৱা ৬ বজাৰ পৰা আৰম্ভ হৈছে কৃষ্ণগুৰু একনাম অখণ্ড কীৰ্তন।

সাতদিনীয়াকৈ আয়োজিত এই অখণ্ড পালনাম সেৱাশ্ৰমৰ মূল কীৰ্তন ঘৰত বন্তি প্ৰজ্বলন আৰু শ্ৰীমদ্ভাগৱত প্ৰতিষ্ঠা কৰি শুভাৰম্ভ কৰে কৃষ্ণগুৰু সেৱাশ্ৰমৰ ‘কৃষ্ণগুৰু প্ৰেমানন্দ’ প্ৰভুৱে। সোমবাৰে দেশৰ বিভিন্ন প্ৰান্তৰ পৰা অহা ১০২ টা ভকত-আইৰ দলে কৃষ্ণগুৰু একনাম কীৰ্তন কৰি শ্ৰীমদ্ভাগৱত সাৰ আনি মূল কীৰ্তনঘৰত থাপনা কৰিছিল। এই মহাপালনামত দেশৰ বিভিন্ন প্ৰান্তৰ পচিশ সহস্ৰাধিক ভকত উপস্থিত হৈছে বুলি জানিব পৰা গৈছে ।

অহা ১৯ ফেব্ৰুৱাৰীৰ পুৱা ৬ বজাত এই মহাপালনামৰ সামৰণি পৰিব বুলি জানিবলৈ দি ‘কৃষ্ণগুৰু নাম’ৰ জৰিয়তে এখন আধ্যাত্মিক, সুস্থ- সবল সমাজ গঢ়াটো সম্ভৱ বুলি উল্লেখ কৰে কৃষ্ণগুৰু সেৱাশ্ৰমৰ ভক্তিমাতৃ আই কুন্তলা গোস্বামীয়ে।আধ্যাত্মিক চিন্তা-চেতনাৰে সমাজক নতুনকৈ গঢ় দিয়াৰ লক্ষ্যৰে অনুষ্ঠিত কৰা মহাপালনামত ভকত-সজ্জনেৰে লোকাৰণ্য হৈ পৰাত পুণ্য তীৰ্থত পৰিণত হৈছে নসত্ৰৰ কৃষ্ণগুৰু সেৱাশ্ৰম ।

আপুনি পঢ়ি ভাল পাব পৰা বাতৰি