গোৱালপাৰাৰ কৃষ্ণাইত এখন ব্যতিক্ৰমী বিবাহঃ ঘোঁড়াত উঠি আহিল দৰা, কইনাক আনিলে দোলাত

গোৱালপাৰাৰ কৃষ্ণাইত এখন ব্যতিক্ৰমী বিবাহঃ ঘোঁড়াত উঠি আহিল দৰা, কইনাক আনিলে দোলাত

ডিজিটেল সংবাদ, কৃষ্ণাইঃ এখন ব্যতিক্ৰমী বিয়া সম্প্ৰতি গোৱালপাৰা জিলাৰ কৃষ্ণাই অঞ্চলত সৰ্বত্ৰে চৰ্চাৰ কেন্দ্ৰ হৈ পৰিছে৷ নামি দামী গাড়ীৰ সলনি দৰা আহিল ঘোঁড়াত, কইনাক লৈ আনিলে দোলাত। সচৰাচৰ নোহোৱা এই বিবাহ অনুষ্ঠান চাবলৈও ওলাই আহিল বহুজন৷ দৰা লগতে বৰযাত্ৰী নাচিবাগি আহিলে কইনাৰ ঘৰলৈ৷

বৰযাত্ৰীৰ কথা বাদেই বাটৰুৱাও এপাক নাচিলে বৰযাত্ৰীৰ লগত৷ মুঠতে এক ব্যতিক্ৰম পৰিবেশৰ মাজতে শনিবাৰে সম্পন্ন হ'ল আতিকুল আৰু সোণপাহিৰ বিয়া৷ দৰা কৃষ্ণাই মোলানডুবীৰ আতিকুল ইছলাম৷ কইনা নয়াপাৰাৰ সোণপাহি৷ সম্প্ৰতি চলি থকা ব্যৱস্থাৰ বিপৰীতে একপ্ৰকাৰ ৰজা দিনীয়া প্ৰথাৰে সম্পন্ন হ'ল আতিকুল-সোণপাহিৰ বিবাহ৷

ব্যতিক্ৰম এই বিবাহ খনক লৈ এতিয়া কৃষ্ণাই অঞ্চলত সৰ্বত্ৰে চৰ্চা চলিছে৷ দৰাৰ লগত কেইবাশতাধিক আত্মীয় স্বজনেৰে আনন্দ ফুটিৰ মাজৰে উদ্‌যাপন কৰিল এতি স্মৰণীয় দিন৷ পুৰণিৰ সোঁৱৰণিক জীৱন্ত কৰা আতিকুল-সোণপাহি বিবাহে কৃষ্ণাইবাসীক দি গ'ল এক নতুনত্ব সোৱাদ ৷

Related Stories

No stories found.
Code:
logo
Asomiya Pratidin
www.asomiyapratidin.in