ডিজিটেল সংবাদ, কলিয়াবৰ: কলিয়াবৰত মঙলবাৰে দিনদুপৰতে সংঘটিত হৈছে দিন ডকাইটিৰ ঘটনা৷ দিনদুপৰতে আৰক্ষীৰ অস্তিত্বক অস্বীকাৰ কৰি উলুৱনি থানাৰ পৰা প্ৰায় এশ মিটাৰ নিলগৰ পথৰ পৰাই লুট কৰি নিলে ডেৰ লাখকৈ টকা৷ ডকাইতৰ আক্ৰমণত আহত হ'ল এগৰাকী ব্যক্তি৷ ঘটনাৰ বিৱৰণী মতে, কলিয়াবৰৰ হাতীবন্ধাস্থিত ভাৰতীয় ষ্টেট বেংকৰ ছি-এছ-পি শাখাত কৰ্মৰত হেমন্ত তিমচিনা নামৰ এগৰাকী ব্যক্তিয়ে ডেৰ লাখ টকা বেংকটোৰ পৰা উলিয়াই আনোতে দুখন বাইকত অহা চাৰি দুৰ্বৃত্তই বন্দুক দেখুৱাই বেগ কাঢ়ি উধাও হয়।
পঢ়িবলৈ ক্লিক কৰকঃ মুখ্যমন্ত্ৰী হিমন্ত বিশ্ব শৰ্মাৰ ৩০টা দিন…
দুৰ্বৃত্তৰ টনা-আজোৰাত আঘাতপ্ৰাপ্ত হয় হেমন্ত তিমচিনা নামৰ লোকজন। ঘটনাৰ পিছতে জখলাবন্ধা হাস্পতাললৈ প্ৰেৰণ কৰে আহত ব্যক্তিগৰাকীক। কলিয়াবৰৰ উলুৱনী আৰক্ষী-চুলুং আৰক্ষী ঘটনাস্থলীত উপস্থিত হৈ তদম্ত আৰম্ভ কৰাৰ লগতে চাৰি দুৰ্বৃত্তক কৰায়ত্ত কৰিবলৈ অভিযান আৰম্ভ কৰিছে যদিও সফল হ'ব পৰা নাই আৰক্ষী৷ উল্লেখ্য যে¸ চুলুং আৰক্ষী চকীৰ পৰা মাত্ৰ ১০০ মিটাৰ দূৰত্বত ৩৭ নং ৰাষ্ট্ৰীয় ঘাইপথত সংঘটিত হৈছে এই ঘটনা। ইতিমধ্যে চুলুং টহলদাৰী আৰক্ষী আৰু উলুৱনী থানাৰ আৰক্ষীয়ে অভিযান চলাই সোধা পোচাৰ বাবে ৩ নং বৰঘূলিৰ ৰছিদুল হকক আটক কৰিছে যদিও ঘটনা সংক্ৰান্তত বিশেষ তথ্য লাভ কৰা নাই আৰক্ষীয়ে৷