শেহতীয়া খবৰ
গুৰুতৰভাৱে অসুস্থ অখিল গগৈক কাৰাগাৰৰ পৰা প্ৰেৰণ গুৱাহাটী চিকিৎসা মহাবিদ্যালয়লৈ...  •  উন্নাও বলাৎকাৰ কাণ্ডৰ নিৰ্যাতিতাৰ পিতৃৰ হত্যা গোচৰ, শনিবাৰে আদালতে প্ৰদান কৰিব ৰায়...  •  কেনে আছে জুবিন? নেমকেয়াৰলৈ গৈ খবৰ ল’লে মুখ্যমন্ত্ৰীয়ে...  •  অশান্ত দিল্লীৰ ভিডিঅ’ হোৱাটছএপত কাৰোবালৈ প্ৰেৰণ কৰিছিল নেকি? ব্যৱস্থা ল’ব আৰক্ষীয়ে...  •  কৰ্কট ৰোগত আক্ৰান্ত শিশুসকলক লৈ বি বৰুৱা কৰ্কট প্ৰতিষ্ঠানৰ ব্যতিক্ৰমী প্ৰচেষ্টা...  •  পাকিস্তানী সেনাক আন্তঃৰাষ্ট্ৰীয় সন্ত্ৰাসবাদৰ অভিকেন্দ্ৰ আখ্যা দি কোনে আঁৰিলে পোষ্টাৰ…  •  ‘জুবিন গাৰ্গ মৰিলেও ভাল’ বুলি কৈ ৰোষত পৰিল নীৰৱ হাজৰিকা, মাতৃয়ে বিচাৰিলে ক্ষমা  •  শনিবাৰে স্বাক্ষৰিত হ’ব আমেৰিকা-তালিবানৰ মাজৰ শান্তি চুক্তি, ভাৰত হ’ব সাক্ষী  •  পুৱাই ভূমিকম্পৰ জোকাৰণি...  •  জনসভাৰ মঞ্চত শাৰী পাতি মন্ত্ৰীয়ে চোবালে চিকেন লেগ পিছ, কিয়…

বাহুবলী ট্ৰেফিক পুলিচ! কোকৰাঝাৰত ঘোচা মাৰি ভাঙিলে মহিলাৰ মুখ, VIDEO

1,354

ডিজিটেল সংবাদ, কোকৰাঝাৰঃ কোকৰাঝাৰত ট্ৰেফিক আৰক্ষীৰ কনিষ্টবল এজনে ৰাজহুৱা স্থানতে মহিলাৰ মুখত ঘোচা মাৰি গুৰুতৰ ভাৱে আহত কৰা ঘটনাই জিলাখনত চাঞ্চল্যৰ সৃষ্টি কৰিছে। সঞ্জীব গয়াৰী নামৰ ট্ৰেফিক আৰক্ষীৰ কনিষ্টবল গৰাকীয়ে পাবলগীয়া ধন ঘূৰাই খোজাৰ অপৰাধতে চিৰাং জিলাৰ চেৰফাংগুৰী বেংতলৰ নিৰুপমা বসুমতাৰী(৩৮) নামৰ মহিলা গৰাকীৰ মুখত সৰ্বশক্তি প্ৰয়োগ কৰি ঘোচা মাৰি বগৰাই দিয়ে।

ট্ৰেফিক আৰক্ষীৰ ঘোচাত গুৰুতৰভাৱে আহত হোৱা মহিলাগৰাকীক তৎকালিনভাৱে কোকৰাঝাৰ আৰ এন বি চিকিৎসালয়ত ভৰ্তি কৰাবলগীয়া হয়। ট্ৰেফিক আৰক্ষীৰ ঘোচাত আহত হোৱা মহিলাগৰাকীয়ে প্ৰকাশ কৰা মতে ট্ৰেফিক আৰক্ষীৰ কনিষ্টবল সঞ্জীব গয়াৰীয়ে বহু দিনৰ পূৰ্বে ৭ হেজাৰ টকা ঋণ লৈছিল। উক্ত টকা বহু দিন ধৰি ওভতাই দিবলৈ কৈ অহা স্বত্বেও টকা ওভতাই দিয়া নাছিল আৰু বৃহস্পতিবাৰে তেওঁ ট্ৰেফিক আৰক্ষীগৰাকীক বিচাৰি কোকৰাঝাৰ সদৰ চহৰলৈ আহে।

কোকৰাঝাৰ সদৰ চহৰত ট্ৰেফিক আৰক্ষীগৰাকীক কৰ্মৰত অৱস্থাত প্ৰত্যক্ষ কৰি মহিলাগৰাকীয়ে নিজ প্ৰাপ্য টকা ঘূৰাই দিবলৈ কোৱাত তৰ্ক-বিতৰ্কৰ সৃষ্টি হয় আৰু পৰিণতিত ট্ৰেফিক আৰক্ষীগৰাকীয়ে মহিলা গৰাকীৰ মুখত প্ৰচণ্ড জোৰেৰে ঘোচা মাৰে।

ট্ৰেফিক আৰক্ষীৰ ঘোচাত মহিলাগৰাকী গুৰুতৰ ভাৱে আহত হয় আৰু চিকিৎসাধীন হবলগীয়া হয়। কোকৰাঝাৰ আৰক্ষীয়ে ইতিমধ্যে মহিলাক ঘোচা মাৰি আহত কৰা বলৱান ট্ৰেফিক আৰক্ষীৰ কনিষ্টবল সঞ্জীব গয়াৰীক আটক কৰিছে। আনহাতে প্ৰত্যক্ষদৰ্শী একাংশ মহিলাই ঘটনাৰ পিছত সদৰ থানাত উপস্থিত হৈ ট্ৰেফিক আৰক্ষী গৰাকীক আইনৰ আওঁতালৈ আনি আইন অনুসাৰে শাস্তিৰ দাবী উত্থাপন কৰিছে।

আপুনি পঢ়ি ভাল পাব পৰা বাতৰি