ডিজিটেল সংবাদ, কোকৰাঝাৰঃ কোকৰাঝাৰ চহৰৰ সমীপত থকা বিশাল জাংখ্ৰিথাই পথাৰত আজি উপস্থিত থাকিব দেশৰ প্ৰধানমন্ত্ৰী নৰেন্দ্ৰ মোডী। প্ৰধানমন্ত্ৰীক আদৰিবলৈ কোকৰাঝাৰৰ জাংখ্ৰিথাই পথাৰত ইতিমধ্যে পাঁচ লক্ষাধিক লোকক সুকীয়া সুকীয়া আসনৰ ব্যৱস্থাৰে বহুতৰপীয়া গেটৰ ব্যৱস্থা তৈয়াৰ কৰা হৈছে৷ লগতে সমগ্ৰ ৪৫ লাখ দৈৰ্ঘ্যৰ বৰ্গ কিলমিটাৰৰ বিশাল পথাৰখনত প্ৰধানমন্ত্ৰীৰ জনসভা শৃংখলাৱদ্ধতাৰে আগবঢ়াই নিবলৈ সষ্টম হৈ পৰিছে সাত সহস্ৰাধিক স্বেচ্ছাসেৱকৰ দল।
পুৱাৰে পৰা সভাস্থলীত ভিৰ কৰিছেহি বহুলোকে। প্ৰধানমন্ত্ৰীক আদৰাৰ বাবে প্ৰস্তুত হোৱা জাংখ্ৰিথাই পথাৰৰ চৌপাশত উথপথপ পৰিবেশ ৷ প্ৰধানমন্ত্ৰীৰ ভ্ৰমণৰ প্ৰতি লক্ষ্য ৰাখি এছপিজিৰ উপৰিও অসম আৰক্ষী, অৰ্ধসামৰিক বাহিনী, সেনা, চোৰাংচোৱা সংস্থাৰ বিষয়ববীয়া সকলৰ উপৰিও আৰক্ষী, নিৰাপত্তা বাহিনীৰ কেইবাগৰাকী উচ্চ পদস্থ শীৰ্ষ বিষয়াই উপস্থিত হৈ বিভিন্ন দিশ পৰ্যবেক্ষণ কৰি আছে৷
ঐতিহাসিক বড়ো শান্তি চুক্তি বিটিআৰ চুুক্তি উপলক্ষে আয়োজন কৰা জাংখ্ৰিথাই পথাৰত প্ৰধানমন্ত্ৰীৰ জনসভাকলৈ কোকৰাঝাৰ চহৰৰ মাজমজিয়াও ৰং তুলিকাৰে সজাই পৰাই তোলাৰ লগতে বহুকইটা ৰাস্তা মেৰামতি কৰি ঠায়ে ঠায়ে তোৰণ আৰু প্ৰধানমন্ত্ৰী নৰেন্দ্ৰ মোডী, গৃহমন্ত্ৰী অমিত শ্বাহ, মুখ্যমন্ত্ৰী সৰ্বানন্দ সোণোৱাল, বিত্তমন্ত্ৰী হিমন্ত বিশ্ব শৰ্মাৰ আদৰণি ফলকৰে সজাই তোলা হৈছে। দুপৰীয়া ১২ঃ১৫ বজাত কোকৰাঝাৰত উপস্থিত হ'বহি প্ৰধানমন্ত্ৰী মোডী।
