শেহতীয়া খবৰ
দ্বিতীয় টি-২০ত টীম ইণ্ডিয়াৰ বিৰুদ্ধে ৭ উইকেটত পৰাস্ত দক্ষিণ আফ্ৰিকা...  •  পাকিস্তান জড়িত থকা কোনো অনুষ্ঠানত ভাগ নলবঃ আলকা য়াগনিক, কুমাৰ ছানু, উদিত নাৰায়নলৈ জাননী...  •  বৰপেটা চিকিৎসা মহাবিদ্যালয়ত ভাইৰেল ৰিচাৰ্ছ এণ্ড ডায়'গ্নষ্টিক লেব'ৰেটৰী মুকলি...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  আফগানিস্তানত ভয়ংকৰ বিস্ফোৰণ, ৪ জনৰ মৃত্যু  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ

অগপ-বিজেপি-বিপিএফৰ মিত্ৰতা অটুট থাকিবঃ হাগ্ৰামা

208

ডিজিটেল সংবাদ, কোকৰাঝাৰঃ ২০২০ চনত অনুষ্ঠিত হ’বলগীয়া বিটিচি পৰিষদীয় নিৰ্বাচনৰ পূৰ্বে ইউপিপিএল দল বিপিএফৰ সৈতে চামিল হৈ একগোট হৈ নিৰ্বাচন খেলাৰ প্ৰস্তাৱ আগবঢ়াইছে হাগ্ৰামা মহিলাৰীয়ে। ইউপিপিএলত থকা বিটিচি বিধান পৰিষদৰ ৭ জন নিৰ্বাচিত সদস্য বিপিএফ দলত চামিল হলে তথা একগোট হ’লে বিপিএফ দলে উৰ্খাও গৌৰা ব্ৰহ্মক ৰাজ্যসভালৈ সাংসদ হিচাপে নিৰ্বাচিত কৰি পঠাব। এই মন্তব্য প্ৰকাশ কৰিছে বিটিচি প্ৰধান হাগ্ৰামা মহিলাৰীয়ে।

আগন্তুক বিটিচি নিৰ্বাচনক লৈ বিভিন্ন ৰাজনৈতিক দলৰ কুচকাৱাজ অব্যাহত থকাৰ সময়তে বৃহস্পতিবাৰে বিটিচি প্ৰধান হাগ্ৰামা মহিলাৰীয়ে কোকৰাঝাৰ সদৰ চহৰৰ নাতিদূৰৈৰ হেকাইপাৰা-মুজাবাৰীত পকীদলঙৰ আধাৰশীলা স্থাপন কৰি উক্ত মন্তব্য কৰিছে। ৰাজহ বিভাগৰ দ্বাৰা সংগৃহীত পুঁজিৰে প্ৰায় ৮ কোটি ব্যায়ৰে নিৰ্মিত হবলগীয়া উক্ত পকী দলংৰ আধাৰশীলা স্থাপন কৰাৰ অন্তত এক সভাতো অংশগ্ৰহণ কৰে মহিলাৰীয়ে।

পিছত সংবাদমাধ্যৰ আগত মহিলাৰীয়ে বিটিচি নিৰ্বাচন উপলক্ষে একগোট সন্দৰ্ভত ইউপিপিএলৰ সৈতে আলোচনা অব্যাহত থকাৰ কথা সদৰি কৰি কয় যে, বৰ্তমানলৈকে ইউপিপিএল দল বিপিএফৰ সৈতে চামিল তথা একগোট হোৱাত মান্তি হোৱা নাই আৰু ইউপিপিএল দলে আসন ভাগ বটোৰোৱাত হে গুৰুত্ব আৰোপ কৰিছে।

হাগ্ৰামা মহিলাৰীয়ে লগতে কয় যে, একগোট হোৱাৰ অৰ্থ মানে দল এটাই হ’ব লাগে আৰু সকলোৱে বিপিএফত আহিব লাগে। ইউপিপিএল দল বিপিএফত চামিল হলে ৭ জন ইউপিপিএলৰ স্থান একেই থাকিব আৰু বাক্সা আৰু ওদালগুৰিত ইউপিপিএলৰ সৈতে দুই এখন আসন মিলাই লোৱা হ’ব। পাৰ্টী এটাই নহলে আগৰ বছৰ বোৰৰ দৰে পুণৰাই গণ্ডগোল হ’ব বুলিও মহিলাৰীয়ে তাপপৰ্যপূৰ্ণ মন্তব্য কৰিছে>

অৱশ্যে হাগ্ৰামা মহিলাৰীয়ে অগপ, বিজেপি আৰু বিপিএফৰ মিত্ৰতা অটুট থাকিব বুলি মন্তব্য কৰি অগপ আৰু বিজেপিকো নিৰ্বাচন খেলিবলৈ আসন দিয়া হ’ব বুলি মন্তব্য কৰে। তদুপৰি মহিলাৰীয়ে নৱ শৰণীয়া তেওঁৰ হিৰো নহয় বুলিও মন্তব্য কৰে।

বিটিচিৰ পৰিষদীয় নিৰ্বাচনৰ পূৰ্বে হাগ্ৰামা মহিলাৰীৰ প্ৰস্তাৱ সন্দৰ্ভত ইউপিপিএল দলে কি সিদ্ধান্ত লব সেয়া বৰ্তমান মুহুৰ্তলৈকে আলোচনাৰ পৰ্যায়তে আছে যদিও বিষয়টোৱে বিটিচিত ব্যাপক চৰ্চা লাভ কৰিছে।

আপুনি পঢ়ি ভাল পাব পৰা বাতৰি