শেহতীয়া খবৰ
হাৰিয়ানাত উদ্ধাৰ অসমৰ যুৱতী  •  মহাৰাষ্ট্ৰৰ ৰে’ল পথত উদ্ধাৰ ২টা বাঘৰ পোৱালীৰ মৃতদেহ  •  সোণাৰিত বিজেপিৰ বিৰুদ্ধে প্ৰতিবাদ ৰাইজৰ  •  হোজাইত গৰাকীবিহীন এল্ট’ উদ্ধাৰ  •  কাশ্মীৰ ভাৰতৰ অংশ আছিল, আছে আৰু থাকিবঃ শ্বাহিদ আফ্ৰিদীক প্ৰত্যুত্তৰ গৃহমন্ত্ৰীৰ, VIDEO  •  কাশ্মীৰ ভাৰতৰ অংশ আছিল, আছে আৰু থাকিবঃ শ্বাহিদ আফ্ৰিদীক প্ৰত্যুত্তৰ গৃহমন্ত্ৰীৰ, VIDEO  •  আজি আলফা নেতা জিতেন দত্ত আৰু মৃণাল হাজৰিকাক হাজিৰ কৰোৱা হ’ব আদালতত  •  ছয়গাঁৱত টিকট প্ৰদানৰ নামত বিধায়ক ৰেকিবুদ্দিনৰ বৃহৎ পৰিমাণৰ ধন সংগ্ৰহৰ অভিযোগ  •  আং ছান ছ্যু-চিৰ সন্মান ঘূৰাই ল'লে এমনেষ্টিয়ে  •  মুদ্ৰাস্ফীতিৰ ক্ষেত্ৰত দেশৰ ভিতৰতে শীৰ্ষত অসম

আজি ‘বিহু সম্ৰাট’ৰ ওপজা দিন

224

ডিজিটেল ডেস্কঃ অসমৰ সংগীত জগতৰ ভোটাতৰা তথা বিহু সম্ৰাট খগেন মহন্তৰ আজি জন্মদিন। বহুকেইটা কালজয়ী অসমীয়া গীতৰ স্ৰষ্টা খগেন মহন্ত ১৯৪২ চনৰ ১৭ আগষ্টৰ দিনা নগাঁও জিলাৰ বগৰিগুৰিত জন্মগ্ৰহন কৰিছিল। বিহু সম্ৰাটগৰাকীৰ পিতৃৰ নাম হৰেন্দ্ৰ নাথ মহন্ত আৰু মাতৃৰ নাম লক্ষ্মীপ্ৰিয়া দেৱী।

স্নাতক ডিগ্ৰী গ্ৰহণ কৰাৰ পাছতেই সংগীত সাধনাত ব্ৰতী হোৱা মহন্তই বিহুগীতক জনপ্ৰিয় কৰাত বিশেষ ভূমিকা লৈছিল। ১৯৬৫ চনৰ পৰা আকাশবাণী কেন্দ্ৰৰ নিয়মীয়া শিল্পী আছিল তেওঁ।

১৯৭৬চনত খগেন মহন্তই যোগদান কৰিছিল আকাশবাণীত। তেওঁ প্ৰথম কম্প’জাৰ হিচাপে চাকৰিত যোগদান কৰিছিল। আকাশবাণী কেন্দ্ৰৰ পৰা উপসঞ্চালক হিচাপে  ২০০১ চনৰ ৩১ ডিচেম্বৰত অৱসৰ গ্ৰহণ কৰিছিল মহন্তই।

১৯৬৫চনত শিল্পী অৰ্চনা মহন্তৰ সৈতে খগেন মহন্ত বিবাহপাশত আৱদ্ধ। তাৰ পিছত সুদীৰ্ঘ সময় ধৰি দুয়ো একেলগে গীত পৰিবেশন কৰি শ্ৰোতাৰ হৃদয় জিনিছিল। খগেন মহন্তৰ পুত্ৰ অংগৰাগ পাপন মহন্ত বৰ্তমান  অসম তথা বলিউডৰ এগৰাকী প্ৰতিষ্ঠিত কণ্ঠ শিল্পী।

খগেন মহন্তৰ গীতসমূহত লোকজীৱন প্ৰতিফলিত হোৱাৰ লগতে গ্ৰাম্যজীৱনবোধ পৰিস্ফূত হয়। তেওঁৰ বিখ্যাত গানবোৰৰ ভিতৰত কাউৰী পৰে, মা আমি শদিয়ালৈ যামেই, পাৰৰ পাখিত গুজি দিলো ফুলাম চিঠি খনি, পাহাৰৰ জুৰিটি পিৰিটি সাৱটি ইত্যাদি। এই কালজয়ী গীতবোৰ আজিও চিৰসেউজ।

বিষ্ণ ৰাভাই ৰচনা কৰা অন্তিমটো গীত  ‘এয়ে মোৰ শেষ গান’ সুৰ আৰু কণ্ঠৰে সজাই তুলিছিল খগেন মহন্তই।এইগৰাকী শিল্পীয়ে ২০১৪চনৰ ১২জুনত ইহঃলীলা সম্বৰণ কৰে। ১৯৯২চনত খগেন মহন্তই লাভ কৰিছিল সংগীত নাটক একাডেমী বঁটা।

 

আপুনি পঢ়ি ভাল পাব পৰা বাতৰি