শেহতীয়া খবৰ
শ্ৰমিকৰ পি এফক লৈ বঞ্চনা, গ্ৰেপ্তাৰ কাছাৰৰ চাহ বাগিচাৰ সহকাৰী প্ৰবন্ধক  •  'পাকিস্তান মূৰ্দাবাদ' শ্ল'গান দিয়ক আৰু ৰেহাই মূল্যত খাওক মাংসৰ পকোৰা...  •  গোলাঘাটত ব্ৰাউন ছুগাৰসহ এজনক আটক  •  'বিজেপি চৰকাৰৰ সুশাসন দেখি বিৰোধী দলবোৰ ঈৰ্ষাত জ্বলি-পুৰি মৰিছে'  •  জামুগুৰিহাটত পত্নীক হত্যা কৰি ঘৰৰ চৌহদত পুতি থোৱা স্বামীক মৰিয়াই মৰিয়াই হত্যা...  •  আইৰ মুখৰ ভাষা  •  ‘প্ৰথম প্ৰধানমন্ত্ৰী চৰ্দাৰ পেটেল হোৱা হ’লে দেশত কাশ্মীৰকলৈ সমস্যা নাথাকিল হেঁতেন’  •  ভাল খবৰ! ৰে’লৱে বিভাগত ওলাইছে চাকৰি, সবিশেষ...  •  কোকৰাঝাৰত বিপিএফৰ সভা, আগন্তুক লোকসভা নিৰ্বাচনৰ ৰণকৌশলৰ সন্দৰ্ভত আলোচনা...  •  লোকসভা নিৰ্বাচন-২০১৯, অতুল বৰাৰ নেতৃত্বত ৰণকৌশল প্ৰস্তুত সমিতি গঠন অসম গণ পৰিষদৰ

হহুৱাবলৈ আহি আছে আকৌ কপিল শৰ্মা

252

ডিজিটেল ডেস্কঃ দীৰ্ঘদিন বিৰতিৰ পিছত জনপ্ৰিয় কমেডিয়ান কপিল শৰ্মাই পুনৰ এবাৰ টেলিভিছনৰ পৰ্দাত খলকনি লগাবলৈ প্ৰস্তুতি চলাইছে৷ ‘দ্য কপিল শৰ্মা শ্ব’ৰ জৰিয়তে দৰ্শকক হাঁহিৰে মনোৰঞ্জন দিয়া কপিল শৰ্মাই স্বাস্থ্যজনিত কাৰণত দৰ্শকৰ সন্মুখলৈ অহাৰ পৰা বিৰত আছিল৷

‘‘মই পুনৰ উভতি আহিম৷ ছ’নি টিভিৰ মজিয়াত পুনৰ এবাৰ আপোনালোকে ‘দ্য কপিল শৰ্মা শ্ব’ত মোক দেখবলৈ পাব৷’-ছ’চিয়েল মিডিয়াত এক পোষ্টৰ জৰিয়তে এনেদৰে অনুৰাগীসকলক প্ৰত্যাৱৰ্তনৰ বতৰা দিয়ে কমেডিয়ানগৰাকীয়ে৷

কপিল শৰ্মাৰ এই পোষ্টৰ পিছতে বলিউডৰ কেইবাগৰাকীও তাৰকাই কমেডিয়ানগৰাকীক শুভকামনা জনায়৷ অভিনেত্ৰী একতা কপুৰ, কবি ৰাহত ইন্দোৰী, কপিল শৰ্মাৰ একালৰ সহযোগী কমেডিয়ান ভাৰতী সিঙকে আদি কৰি কেইবাগৰাকী তাৰকাই জনপ্ৰিয় কমেডিয়ানগৰাকীৰ পুনৰ আগমনত আনন্দ প্ৰকাশ কৰি ছ’চিয়েল মাধ্যমযোগে শুভচ্ছা জ্ঞাপন কৰে৷

উল্লেখ্য যে, স্বাস্থ্যজনিত কাৰণত টিভিৰ পৰ্দাৰ পৰা আতৰত থকা কপিল শৰ্মাই শেহতীয়াকৈ নিজৰ স্বাস্থ্যৰ ওপৰত যথেষ্ট গুৰুত্ব প্ৰদান কৰিছে৷ তেওঁ ছ’চিয়েল মিডিয়াত প্ৰকাশ কৰা ফটোসমূহে এই কথা প্ৰমাণ কৰিছে৷ তেওঁ বিগত কিছুদিনত শাৰিৰীক কচৰতৰ দ্বাৰা ৫ কেজি পৰ্যন্ত ওজন হ্ৰাস কৰিবলৈও সক্ষম হৈছে বুলি জনাইছে৷

ইফালে এই সময়ত জনপ্ৰিয় কমেডিয়ানগৰাকীয়ে তেওঁৰ আহিবলগীয়া পঞ্জাৱী ছবি ‘চন অৱ মনজিৎ সিঙ’ৰ প্ৰমোশ্যনৰ কামত ব্যস্ত হৈ থকা বুলি জানিব পৰা গৈছে৷ এই ছবিখনত কপিল শৰ্মাই পঞ্জাৱী তাৰকা গুৰপ্ৰীত ঘুম্মীৰ সৈতে একেলগে অভিনয় কৰিছে বুলি জানিব পৰা গৈছে৷

আপুনি পঢ়ি ভাল পাব পৰা বাতৰি