ডিজিটেল সংবাদ, কলিয়াবৰঃ নগাঁও জিলাৰ কলিয়াবৰত ৩৭ নং ৰাষ্ট্ৰীয় ঘাইপথৰ মাজভাগতে সোমবাৰ পুৱাৰ ভাগত এখন ট্ৰাক বাগৰি পৰাত কেবাঘণ্টা ধৰি তীব্ৰ যান-জঁটৰ সৃষ্টি হয়।
কলিয়াবৰৰ মিছাত নিয়ন্ত্ৰণ হেৰুৱাই পথৰ ওপৰতে বাগৰি পৰে গুৰ কঢ়িয়াই অনা ট্ৰাকখন। নগাঁৱৰ পৰা কলিয়াবৰ অভিমুখে গৈ থকা দুৰ্ঘটনাগ্ৰস্ত ট্ৰাকখনৰ নম্বৰ হৈছে AS 03 F 1398।
দুৰ্ঘটনাটোত ট্ৰাকখনৰ চালক আৰু হেণ্ডিমেন দুয়োজন গুৰুতৰভাৱে আহত হয়। আহত দুয়োজনক চিকিৎসালয়লৈ প্ৰেৰণ কৰে ঘটনাস্থলীত উপস্থিত হোৱা আৰক্ষীয়ে।