ডিজিটেল সংবাদ, শিলচৰঃ অবৈধ চুলাই আৰু সুৰাৰ ঘাটিৰ বিৰুদ্ধে অভিযান চলাই কাছাৰ আবকাৰি বিভাগে বুধবাৰে বুজণ পৰিমাণৰ চুলাই আৰু সুৰা জব্দ কৰে৷ আবকাৰি বিভাগৰ অধীক্ষক সুনীল সিনহাৰ নেতৃত্বত কাছাৰ জিলাৰ বৰখলা, শিলচৰ, সোণাই সমষ্টিৰ বিভিন্ন স্হানত অভিযান চলাই আবকাৰি বিভাগে৷
অভিযান কালত বালাচৰা বৰবন, শ্ৰীকেণা, ঘুংগুৰ, আই এছ বি টি এলেকাৰ পৰা বুজণ পৰিমাণৰ চুলাই, দোশীয় সুৰা, সুৰা প্ৰস্তুত কৰা সা-সজুলি জব্দ কৰে৷
প্ৰায় এক হাজাৰ লিটাৰতকৈও অধিক চুলাই জব্দ কৰি থিতাতে নষ্ট কৰে আবকাৰি বিভাগে৷
কিছু দেশীয় সুৰাও জব্দ কৰা হয়৷ সুৰা প্ৰস্তুত কৰা কেবাটাও গুৰভৰ্তি টিন আৰু চুলাই প্ৰস্তুত কৰা সা-সজুলি জব্দ কৰা হয়৷
চুলাই আৰু সুৰা বিক্ৰীৰ সৈতে জৰিত দুগৰাকী মহিলা সহ মুঠ ৯ জন সুৰা ব্যৱসায়ীক আটক কৰা হয় বুলি সংবাদ মাধ্যমক জানিবলৈ দিয়ে আবকাৰী অধীক্ষক সুনীল সিনহা ৷
