ডিজিটেল সংবাদ, শিলচৰঃ বর্তমান বান পৰিস্থিতিত কাছাৰ জিলাত বান সাহায্য আৰু উদ্ধাৰ অভিযানত যাতে ব্যাঘাত নজন্মে তাৰ বাবে জিলাখনত যান বাহন চলাচলত কিছু নিষেধাজ্ঞা আৰোপ কৰা হৈছে ৷ বুধবাৰে নিশা জিলা ম্যাজিস্ট্রেট কীৰ্তি জল্লীয়ে জাৰি কৰা এক নিৰ্দেশনাত সৰু যান বাহনৰ চলাচল নিষিদ্ধ ঘোষণা কৰা হৈছে ৷
২০০৫ চনৰ ডিজাষ্টাৰ ম্যানেজমেন্ট এক্টৰ ৩০(২) আৰু ৩৪(খ) ধাৰা অনুসাৰে বাইক, ই ৰিক্সা, অটো, চাৰি চকীয়া বাহন চলাচল নিষিদ্ধ কৰা হৈছে ৷ প্ৰয়োজন অবিহনে চলাচল কৰিব নোৱাৰিব এই যান বাহন সমুহ ৷ পৰবর্তী আদেশ নি পৰ্যন্ত অব্যাহত থাকিব এই নিৰ্দেশ ৷ ১৯ মে বৃহস্পতিবাৰ ৰাতিপুৱা ছবজাৰ পৰা সমগ্র জিলাতে কার্যকৰী হব এই নিৰ্দেশ ৷
কাছাৰ জিলাত দুদিনৰ বাবে সকলো শিক্ষানুষ্ঠান বন্ধ ঘোষনা ৷ কাইলৈ বৃহস্পতিবাৰে ৰাতিপুৱা ৬ বজাৰ পৰা দুদিন বন্ধ থাকিব চৰকাৰী আৰু বে- চৰকাৰী শিক্ষানুষ্ঠান সমূহ ৷ বানপানীৰ বাবে বন্ধ দিয়া হৈছে শিক্ষানুষ্ঠান সমূহ ৷ উপায়ুক্ত কীৰ্তী জল্লীয়ে এক বিজ্ঞপ্তি যোগে জাৰি কৰিছে এই নিৰ্দেশনা ৷
