ডিজিটেল সংবাদ, চামগুৰিঃ নাগৰিকত্ব সংশোধনী বিধেয়ক বাতিলৰ দাবীত সোমবাৰে সন্ধিয়া পুৰণিগুদামত সংগ্ৰামী যুৱ মঞ্চৰ উদ্যোগত এক বিশাল জোঁৰ সমদল বাহিৰ কৰা হয়। পুৰণিগুদাম মিকিৰহাট হাতী গাঁৱৰ শতাধিক পুৰুষ-মহিলাই জোঁৰ সমদলত অংশগ্ৰহণ কৰি মুখ্যমন্ত্ৰী সৰ্বানন্দ সোণোৱাৰক তীব্ৰ ভাষাৰে সমালোচলা কৰি কয়, সৰ্বানন্দ সোনোৱাল এতিয়া পুতলা মুখ্যমন্ত্ৰী৷
সৰ্বানন্দ সোণোৱালক জাতীয় নায়কৰ ভূমিকা পালন কৰিবলৈ প্ৰতিবাদকাৰীসকলে আহ্বান জনায়৷ জোঁৰ সমদলত প্ৰতিবাদকাৰীসকলে অসম চৰকাৰ হায়-হায়, সৰ্বানন্দ সোণোৱাল গ' বেক, নৰেন্দ্ৰ মোডী গ' বেক, বাংলাদেশী হুচিয়াৰ, নাগৰিকত্ব সংশোধনী বিধেয়ক বাতিল কৰক আদি বিভিন্ন শ্ল'গানেৰে পৰিৱেশ উত্তাল কৰি তোলে৷
প্ৰতিবাদকাৰীসকলে চৰকাৰক জাতিধ্বংসী নাগৰিৰ্কত্ব সংশোধনী বিধেয়ক বাতিল কৰিবলৈ দাবী জনায়। চৰকাৰে নিজ স্থিতি সলনি নকৰিলে সকলো লোক এক হৈ চৰকাৰৰ বিৰুদ্ধে ব্যাপকভাৱে ঐক্যবদ্ধ প্ৰতিবাদ সাব্যস্ত কৰাৰ হুংকাৰ দিয়ে৷