ডিজিটেল ডেস্কঃ দেশৰ সৰ্ববৃহৎ বিমান কোম্পানী ইণ্ডিগোৰ যাত্ৰীসকলে এতিয়া বিমানবন্দৰত কাউণ্টাৰ চেকিঙৰ বাবে পৰিশোধ কৰিব লাগিব মাচুল । বিমান কোম্পানীটোৱে এক বিবৃতিত কৈছে, বিমানবন্দৰত পৰীক্ষা কৰাৰ বাবে যাত্ৰীসকলে ১০০ টকাৰ মাচুল পৰিশোধ কৰিব লাগিব। দেওবাৰৰ পৰা এই নিয়ম কাৰ্যকৰী হৈছে।
কোভিড-১৯ৰ বাবে বায়ু সেৱাৰ ওপৰত প্ৰযোজ্য হোৱা নিষেধাজ্ঞাৰ বাবে, নগদ ধনৰ হ্ৰাসৰ বাবে গ্ৰহন কৰিব লগা প্ৰত্যাহ্বান সমূহ আগত ৰাখি ৰাজহ বৃদ্ধিৰ নতুন নতুন পদক্ষেপ গ্ৰহণ কৰা হৈছে। অৱশ্যে, ইণ্ডিগোৱে কৈছে যে, ৱেব-চেকিং ব্যৱস্থাৰ বাবে যাত্ৰীক উৎসাহিত কৰিবৰ কাউন্টাৰ চেকিঙত এই মাচুল আৰোপ কৰিছে। যাত্ৰীসকলে তেওঁলোকৰ ৱেবছাইটৰ পৰা বা ম'বাইল এপৰ যোগেৰে আগৰ দৰে শুল্ক বিহীন পৰীক্ষা কৰিব পাৰিব।
বিমান যাত্ৰীৰ সংখ্যাৰ ক্ষেত্ৰত, দেশৰ সৰ্ববৃহৎ এয়াৰলেঞ্চ কোম্পানী ইণ্ডিগোৱে দিৱালী পৰ্যন্ত কোভিড-১৯ৰ পূৰ্বৰ তুলনাত এতিয়া ৬০% বিমান পৰিবহন হোৱাৰ আশা প্ৰকাশ কৰিছে। মাৰ্চত বন্ধ ৰখা বিমান সেৱা সমূহৰ দুমাহৰ ব্যৱধানত ২৫ মে'ৰ পৰা আন্তঃদেশীয় বিমান পুনৰ আৰম্ভ হৈছে।
