শেহতীয়া খবৰ
গুৱাহাটীৰ গড়চুক আৰক্ষীৰ জালত দুৰ্ধৰ্ষ গাড়ীচোৰ  •  প্ৰথম, দ্বিতীয় শ্ৰেণীৰ শিক্ষাৰ্থীৰ বেগৰ ওজন হ’ব লাগিব ১.৫ কেজি, দ্বিতীয় শ্ৰেণীলৈ দিব নোৱাৰিব হোমৱৰ্ক  •  মুম্বাইত উজ্বলিল অসম সন্তান ভাৰ্গৱ...  •  উলুবাৰীত দ্ৰুতবেগী ট্ৰাকে মহটিয়ালে আই আই টিৰ দুজন ছাত্ৰক  •  চামগুৰিত পিঞ্জৰাবদ্ধ প্ৰকাণ্ড নাহৰফুটুকী বাঘ  •  আজি উত্তৰ প্ৰদেশলৈ প্ৰধানমন্ত্ৰী নৰেন্দ্ৰ মোদী  •  আজি ঘোষণা ছত্তীশগড়ৰ পৰৱৰ্তী মুখ্যমন্ত্ৰীৰ নাম  •  জৈৱিক পদ্ধতিৰে নাৰায়ণপুৰত কৃষি বিপ্লৱৰ সূচনা বে-চৰকাৰী সংস্থা সালোক্য সেৱা কাননৰ  •  জৈৱিক পদ্ধতিৰে নাৰায়ণপুৰত কৃষি বিপ্লৱৰ সূচনা বে-চৰকাৰী সংস্থা সালোক্য সেৱা কাননৰ  •  নগাঁৱত ৰহস্যজনক ঘটনা, চিকিৎসালয়ৰ পৰাই সন্ধানহীন হ’ল ৰোগী

হঠাৎ অনুষ্কাৰ প্ৰতি মৰম বাঢ়িছে কোহলিৰ… বিচিচিআইলৈ লিখিলে পত্ৰ

2,032

ডিজিটেল ডেস্কঃ ৱেষ্ট ইণ্ডিজৰ ভাৰত ভ্ৰমণৰ অন্ত পৰিলেই অষ্ট্ৰেলিয়ালৈ ৰাওনা হ’ব টীম ইণ্ডিয়া। কেংগেৰুৰ দেশখনত টেষ্ট, এদিনীয়াৰ লগতে টি-২০তো ভাগ ল’ব দলটোৱে। নৱেম্বৰত আৰম্ভ হ’বলগীয়া দুমাহৰ উক্ত ভ্ৰমণসূচীক লৈয়েই এতিয়া চিন্তাত পৰিছে বিৰাট কোহলি।

অধিনায়ক কোহলিৰ চিন্তাৰ কাৰণ পত্নী অনুষ্কা শৰ্মা। দীঘলীয়া ভ্ৰমণসূচীত পত্নীক অকলে এৰি থাকিবলৈ মুঠেই মন নাই কোহলিৰ। পিছে নিয়ম নিয়মেই। পত্নী অনুষ্কাক অষ্ট্ৰেলিয়ালৈ নিলেও একেলগে থাকিব পাৰি মাত্ৰ ১৫ দিনহে।

বিচিচিআইৰ এনে নিয়মক লৈ অসন্তুষ্ট হৈ পৰিছে টীম ইণ্ডিয়াৰ অধিনায়কজন। সমগ্ৰ ভ্ৰমণসূচীত প্ৰতিটো দিনতে যাতে বিবাহিত ক্ৰিকেটাৰসকলে পত্নীক লগত ৰাখিব পাৰে তাৰ ব্যৱস্থা কৰিবলৈ দেশৰ সৰ্বোচ্চ ক্ৰিকেট সংস্থাটোক কোহলিয়ে জনোৱা আবেদনক লৈ এতিয়া সৰ্বত্ৰে চলিছে ব্যাপক চৰ্চা।

ছ’চিয়েল মিডিয়াতো ভিন্নজনে কৰিছে ভিন্ন মন্তব্য। কোনো কোনোৱে সীমা চেৰাই হঠাৎ অনুষ্কাৰ প্ৰতি কোহলিৰ মৰম কিয় ইমান বাঢ়িছে বুলিও প্ৰশ্ন কৰিছে।

বিচিচিআইৰ নাম প্ৰকাশত অনিচ্ছুক এজন বিষয়াই সংবাদ মাধ্যমৰ আগত কোহলিয়ে পত্নীক সকলো সময়তে লগত ৰখাৰ অনুমতি বিচাৰি পত্ৰ প্ৰেৰণ কৰাৰ কথা স্বীকাৰ কৰিছে। ‘আমি আবেদনখন পাইছো। কিন্তু এই মুহূৰ্তত নিয়মৰ কোনো সালসলনি সম্ভৱ নহয়। নতুন কমিটিয়ে কি সিদ্ধান্ত লয় সেই বিষয়ে আমি অজ্ঞাত। পিছে এতিয়া পূৰ্বৰ নিয়মেই বাহাল থাকিব।’-কোহলিৰ আশাত চেঁচাপানী ঢালি এইদৰে কয় বিচিচিআইৰ বিষয়াজনে।

আবেদনখনৰ বিষয়টোক এনেদৰে অগ্ৰাহ্য কৰাত স্বাভাৱিকতেই ভিতৰি ভাগি পৰিছে কোহলি। সেয়া হ’লেও পত্নী অনুষ্কাক লগত লৈয়েই কোহলি অষ্ট্ৰেলিয়া ভ্ৰমণলৈ ৰাওনা হ’ব বুলি এটি সূত্ৰই সদৰী কৰিছে।

উল্লেখ্য যে বিবাহৰ পিছতে কেবাখনো মেছত কোহলিৰ ধাৰাবাহিক ব্যৰ্থতাৰ বাবে পত্নী অনুষ্কাকে জগৰীয়া কৰি ছ’চিয়েল মিডিয়া উত্তাল কৰি তুলিছিল একাধিক অনুৰাগীয়ে। ইমানৰ পিছতো দেশৰ হৈ বিদেশলৈ খেলিবলৈ যোৱাৰ সময়ত মৰমৰ পত্নীক প্ৰতিটো মুহূৰ্ততে লগত ৰাখিবলৈ কোহলি উত্ৰাৱল হৈ পৰাৰ আঁৰত কি কাৰণ থাকিব পাৰে সেয়া ভাবি উলিওৱাত ব্যস্ত হৈ পৰিছে বহুসংখ্যক নেটিজেন।

আপুনি পঢ়ি ভাল পাব পৰা বাতৰি