ডিজিটেল ডেস্ক: ৭৫ বছৰীয়া স্বাধনীতা দিৱস উপলক্ষ্যে এইবাৰ ভাৰত চৰকাৰে বিভিন্ন পদক্ষেপ গ্ৰহণ কৰিছে। অসমৰ মুখ্যমন্ত্ৰী হিমন্ত বিশ্ব শৰ্মাই ঘোষণা কৰে যে ১৩ আগষ্টৰ পৰা হৰ ঘৰ ত্রিৰংগা কাৰ্যসূচী আৰম্ভ কৰা হব।
প্রতিঘৰে হয় উত্তোলন কৰিব লাগিব নহ'লে উৰুৱাই ৰাখিব লাগিব ৰাষ্ট্ৰীয় পতাকা। মন্দিৰ, মছজিদ সকলোতে উৰুৱাব লাগিব নহ'লে উত্তোলন কৰিব লাগিব।
উল্লেখ্য যে, ফ্লেগ ক'ড সংশোধনী কৰা হৈছে গতিকে যিকোনো কাপোৰৰে পতাকা নিৰ্মাণ কৰিব পাৰিব । আত্মসহায়ক গোটে ১০ লাখতকৈ অধিক পতাকা বিক্রী কৰিছে অন্যহাতে ৫৯ লাখ পতাকা ভাৰত চৰকাৰৰ পৰা ক্রয় কৰিছে ।চৰকাৰে এই পতাকা সুলভ মূল্যৰ দোকানত প্রদান কৰিব । প্রতিখন পতাকাৰ মূল্য ১৮ টকা নিৰ্ধাৰণ কৰা হৈছে।
সকলোকে ৰাষ্ট্রীয় পতাকা ইজনে সিজনক উপহাৰ দিবলৈ অনুৰোধ জনাই মুখ্যমন্ত্ৰী গৰাকীয়ে। লগতে পতাকা ক্রয় কৰিবৰ বাবে অৰুণোদয় আঁচনিৰ হিতাধিকাৰীক ১০১৮ টকা দিব ।
