শেহতীয়া খবৰ
মুখ খুলি নক’লেও টিকট নাপায় বহু অসন্তুষ্টিত আছে কামাখ্যা প্ৰসাদ তাছা...  •  অন্তঃত এদিনৰ বাবে সকাহ…  •  গোৱালপাৰাত ৩দিনীয়া কাৰ্যসূচীৰে ৰাভা ছাত্ৰ সন্থাৰ দ্বাদশ দ্বি-বাৰ্ষিক অধিবেশন, VIDEO  •  যমদুৱাৰ বনভোজস্থলীত অঘটন, নদীত পৰি সন্ধানহীন অৰুণাচলৰ ছাত্ৰ...  •  চৰাইদেউত বিকল খোৱাপানী যোগান আঁচনি, ক্ষুব্ধ স্থানীয় ৰাইজ... VIDEO  •  নাজিৰাত দুৰ্বৃত্তই হত্যা কৰি মৃতদেহ পেলাই দিলে পুখুৰীত...  •  দিল্লীৰ বিবাহস্থলীত দুৰ্বৃত্তৰ গুলীবৰ্ষণ, গুৰুতৰভাৱে আহত এজন  •  মঙলবাৰে নিৰ্বাচনী আয়োগৰে ছ’চিয়েল মিডিয়াৰ প্ৰতিনিধিৰ গুৰুত্বপূৰ্ণ বৈঠক...  •  হাৰিয়ানাত চিআৰপিএফৰ ৮০ সংখ্যক বাৰ্ষিক অধিবেশন...  •  আগন্তুক লোকসভা, বিধানসভা নিৰ্বাচনৰ বাবে সাজু অন্ধপ্ৰদেশৰ তেলেগু দেশম পাৰ্টি

আই আই টি গুৱাহাটীত ৫৩ সংখ্যক স্পৰ্টছ মিট, দেশৰ ভিন্ন আই আই টিৰ ছাত্ৰ-ছাত্ৰীৰ অংশগ্ৰহণ

245

ডিজিটেল সংবাদ, গুৱাহাটীঃ গুৱাহাটীত অনুষ্ঠিত হৈ আছে ৫৩ সংখ্যক ‘আই আই টি স্পৰ্টছ মিট’। এই প্ৰতিযোগিতাখনত ৰোমাঞ্চকৰ প্ৰতিদ্বন্দ্বিতা আগবঢ়াইছে আই আইটিৰ ছাত্ৰ-ছাত্ৰীসকলে। চতুৰ্থ দিনৰ অন্তত হকীত ছেমি ফাইনেলত প্ৰৱেশ কৰিছে আই আই টি ৰ’কি, আই আই টি মাদ্ৰাছ, বি এইছ ইউ আৰু দিল্লীয়ে। ১৯ ডিচেম্বৰত এই প্ৰতিযোগিতাখনৰ ছেমি ফাইনেল অনুষ্ঠিত হ’ব।

ইফালে ফুটবলত আই আই টি গুৱাহাটীয়ে আই আই টি ভিলাইক ৬-০ ব্যৱধানত পৰাস্ত কৰে। স্কোৱাটছত ঘৰুৱা দল গুৱাহাটীয়ে ইতিমধ্যে সকলো কেইখন খেল হাৰি প্ৰতিযোগিতাৰ পৰা বাহিৰ হৈছে। ভলীবলত চতুৰ্থ দিনা আই আই টি পাটনা আৰু কানপুৰে আই আই টি ৰ’পা আৰু আই আইটি মাদ্ৰাছক পৰাস্ত কৰে। ক্ৰিকেটত আই আই টি মাদ্ৰাছ, মান্দী, বোম্বাই, বি এইছ ইউ, ৰ’কী, কানপুৰ আৰু গুৱাহাটী বিজয়ী হৈ পৰৱৰ্তী ৰাউণ্ডলৈ উত্তীৰ্ণ হৈছে। টেবুল টেনিছৰ তীব্ৰ প্ৰতিযোগিতামূলক খেলত খড়গপুৰে দিল্লীক আৰু কানপুৰে গান্ধী নগৰ আই আই টিক ক্ৰমে ৩-২ আৰু ৩-০ৰ ব্যৱধানত পৰাস্ত কৰে।

ইফালে মহিলা শাখাতো অনুষ্ঠিত হয় কেইবাখনো গুৰুত্বপূৰ্ণ খেল। মহিলা বেডমিন্টনত আই আই টি কানপুৰ, বোম্বাই, খড়গপুৰ. পাল্লাকাড আৰু যোধপুৰে আই আই টি গান্ধীনগৰ, বি এইছ ইউ, দিল্লী, ইন্দোৰ আৰু ধাৰৱাডক ২-০ ব্যৱধানত পৰাস্ত কৰে। ইফালে অন্য এখন খেলত আই আই টি ৰূপাৰে আই আই টি ধনবাদক ২-১ৰ ব্যৱধানত পৰাস্ত কৰে। বাস্কেট বলত আই আই টি ৰ’কী আৰু বি এইছ ইউৱে ক্ৰমে আই আই টি গুৱাহাটী আৰু খড়গপুৰক ৩৪-৭ আৰু ৪৩-৪২ৰ ব্যৱধানত পৰাস্ত কৰে।

ল’ন টেনিছৰ ৪খন কোৱাৰ্টাৰ ফাইনেলৰ দুখন দেওবাৰে অনুষ্ঠিত হয়। য’ত আই আই টি বোম্বাই আৰু আই আই টি ৰ’কীয়ে দিল্লী আৰু যোধপুৰক পৰাস্ত কৰি ছেমি ফাইনেলত প্ৰৱেশ কৰে। দেওবাৰে অনুষ্ঠিত ভাৰাত্তোলনৰ ৬৯ কেজি শাখাত আয়োজন দলৰ সদস্য দীপক মৌৰ্যই দ্বিতীয়টো স্বৰ্ণপদক অৰ্জন কৰিবলৈ সক্ষম হয়।

আপুনি পঢ়ি ভাল পাব পৰা বাতৰি