Published on:
24 Mar 2019, 10:23 am
Updated on:
24 Mar 2019, 10:23 am
হাৰিয়ানাৰ ডান্সাৰ স্বপ্না চৌধুৰীৰ কংগ্ৰেছ যোগদানৰ চৰ্চাত পৰিল যতি। কংগ্ৰেছত যোগদানৰ খবৰ খাৰিজ কৰিলে নৃত্যশিল্পীগৰাকীয়ে। 'মই কংগ্ৰেছত যোগ দিয়াৰ কোনো পৰিকল্পনা কৰা নাই।' 'বহু দিন আগতে প্ৰিয়ংকা গান্ধীৰ সৈতে উঠা এখন ফটোৰ বাবেই চলিছে এই চৰ্চা।' 'কিন্তু বৰ্তমান মই কংগ্ৰেছত মই যোগ দিম বুলি কোৱা নাই।' 'এইবাৰ মই কোনো ৰাজনৈতিক দলৰ হৈও প্ৰচাৰ নচলাও। সংবাদ মাধ্যমৰ সন্মুখত এনেদৰে মন্তব্য কৰে স্বপ্না চৌধুৰীয়ে। উল্লেখ্য যে, শনিবাৰে এখন ফটো প্ৰকাশৰ পিছতে স্বপ্না চৌধুৰীৰ কংগ্ৰেছত যোগদান সন্দৰ্ভত চৰ্চা চলিছিল। আলোকচিত্ৰখনত উত্তৰ প্ৰদেশ কংগ্ৰেছৰ সদস্য নৰেন্দ্ৰ ৰাথীৰ ওচৰত স্বপ্নাই এখন কাগজত হস্তাক্ষৰ থকা দেখিবলৈ পোৱা গৈছিল। এই আলোকচিত্ৰখন প্ৰকাশৰ পিছতে উত্তৰ প্ৰদেশ কংগ্ৰেছৰ মহাসচিব প্ৰিয়ংকা গান্ধীয়ে তেওঁ সাক্ষাৎ কৰা বুলিও বাতৰি প্ৰকাশ পাইছিল। দেওবাৰে এই আলোকচিত্ৰখন বহু পুৰণি বুলি সংবাদ মাধ্যমৰ সন্মুখত দাবী কৰে ডান্সাৰগৰাকীয়ে।
Code:
Asomiya Pratidin
www.asomiyapratidin.in