শেহতীয়া খবৰ
ধুবুৰীৰ কোৰোনাত আক্ৰান্ত লোকজনৰ পৰিচয়, কৰ পৰা কেতিয়া ক'লৈ গৈছিল...  •  দৰিদ্ৰ পৰিয়ালক সহায়ৰ হাত বক্সাৰ লাভলিনা বৰগোঁহাইৰ...  •  পুৰণিগুদামত দৰিদ্ৰজনৰ কাষত আৰক্ষী বিষয়া,সামাজিক সংগঠন...  •  COVID-19ত আক্ৰান্ত হৈ ৭৩ সহস্ৰাধিক লোকৰ মৃত্যু, পঢ়ক সবিশেষ তথ্য...  •  COVID-19ত আক্ৰান্ত হৈ ৭৩ সহস্ৰাধিক লোকৰ মৃত্যু, পঢ়ক সবিশেষ তথ্য...  •  হাতত পাকিস্তানৰ চিপছ লৈ ভাৰতত সোমাইছিল পাক সন্ত্ৰাসবাদী...  •  যিকোনো মুহূৰ্ততে গ্ৰেপ্তাৰ হ’ব পাৰে বিধায়ক আমিনুল ইছলাম!  •  বাৰে বাৰে কাৰাগাৰলৈ কিয় অখিল গগৈক...  •  লকডাউনৰ সময়ত মানসিক অস্থিৰতা, অৱসাদত ভোগা লোকক সহায় কৰিবলৈ আগবাঢ়ি আহিছে অসম আৰক্ষী...  •  যোৱা ২৪ ঘণ্টাত দিল্লীত COVID-19ত ২০জন লোক আক্ৰান্ত, ১জনৰ মৃত্যুঃ মুখ্যমন্ত্ৰী অৰবিন্দ কেজৰিৱাল...

বুধবাৰৰ পৰা উচ্চতৰ মাধ্যমিকৰ চূড়ান্ত পৰীক্ষা, চাইবাৰ অপৰাধ প্ৰতিৰোধ কৰিবলৈ তদাৰকী দল নিয়োগ, স্পৰ্শকাতৰ পৰীক্ষাকেন্দ্ৰত থাকিব জামাৰ

390

ডিজিটেল সংবাদ, গুৱাহাটীঃ বুধবাৰৰ পৰা অনুষ্ঠিত হ’ব উচ্চতৰ মাধ্যমিকৰ চূড়ান্ত পৰীক্ষা। কলা, বিজ্ঞান আৰু বাণিজ্য শাখাত মুঠ ২,৩৪,২৩৯ পৰীক্ষাৰ্থী অৱতীৰ্ণ হ’ব পৰীক্ষাত। প্ৰথমবাৰৰ বাবে উচ্চতৰ মাধ্যমিকৰ চূড়ান্ত পৰীক্ষাত চাইবাৰ অপৰাধ নিয়ন্ত্ৰণৰ বাবে অসম উচ্চতৰ মাধ্যমিক শিক্ষা সংসদে নিয়োগ কৰিছে এগৰাকী চাইবাৰ অধ্যক্ষ।

অৱসৰপ্ৰাপ্ত এজন আৰক্ষী অধীক্ষক পৰ্যায়ৰ বিষয়াক ইতিমধ্যে এই পদত নিয়োগ কৰিছে সংসদে। এইগৰাকী বিষয়াই হোৱাটচআপ, ফেচবুক আদি ছ’চিয়েল মিডিয়াৰ ওপৰত কাৰা নজৰ ৰাখিব। চাইবাৰ অধ্যক্ষগৰাকীৰ নেতৃত্বত থাকিব ছ’চিয়েল মিডিয়াৰ ওপৰত নজৰ ৰাখিবলৈ এটা তদাৰকী দল।

ৰাজ্যৰ মুঠ ৭৭২ টা কেন্দ্ৰত উচ্চতৰ মাধ্যমিকৰ চূড়ান্ত পৰীক্ষা অনুষ্ঠিত হ’ব। হাইস্কুল শিক্ষান্ত পৰীক্ষাৰ দৰে পৰীক্ষা কেন্দ্ৰসমূহৰ ভিতৰত পৰীক্ষাৰ্থী আৰু নিৰীক্ষকৰ বাবে নিষিদ্ধ কৰা হৈছে মোবাইল ফোন আৰু আন ইলেক্ট্ৰনিক ডিভাইচ। পৰীক্ষাকেন্দ্ৰত মোবাইল ফোন ব্যৱহাৰ কৰিলে নিৰীক্ষকৰ ওপৰতো সংসদে ল’ব ব্যৱস্থা।

পৰীক্ষা কেন্দ্ৰসমূহৰ ভিতৰত ২১ টা কেন্দ্ৰ অতি স্পৰ্শকাতৰ কেন্দ্ৰৰূপে চিহ্নিত কৰা হৈছে। সংসদৰ সূত্ৰই জানিবলৈ দিয়া অনুসৰি তেনে কিছু কেন্দ্ৰত জামাৰৰো ব্যৱস্থা থাকিব। ইফালে পৰীক্ষাকেন্দ্ৰৰ পৰা ৫০ মিটাৰ ব্যাসাৰ্ধৰ ভিতৰত জাৰি কৰা হ’ব ১৪৪ ধাৰা। পৰীক্ষা সুন্দৰকৈ চলাবলৈ ৩৩ খন জিলাত পৰ্যবেক্ষক আৰু কেন্দ্ৰসমূহ তদাৰকৰ বাবে ৮ শতাধিক চুপাৰভাইজিং অফিচাৰ নিযুক্তি কৰা হৈছে।

আপুনি পঢ়ি ভাল পাব পৰা বাতৰি