শেহতীয়া খবৰ
কোৰোনাৰ আতংক! ৫খন ৰাজ্যৰ পৰা কৰ্ণাটকলৈ ঘূৰি যাব নোৱাৰিব প্ৰবাসী শ্ৰমিক... • পুনৰ ২৫জনৰ দেহত ধৰা পৰিল কোভিড-১৯... • অৰুণাচল প্ৰদেশৰ মিয়াওত সেনাৰ ব্যাপক অভিযান... • অৰুণাচল প্ৰদেশৰ মিয়াওত সেনাৰ ব্যাপক অভিযান... • কোৰোনা ৰোগীক চিকিৎসালয়লৈ আনিবলৈ গৈ হঠাৎ পথৰ ওপৰতে ঢলি পৰিল এম্বুলেন্সৰ কৰ্মী... • দেহত কোভিডৰ লক্ষণ, চিকিৎসালয়ত ভৰ্তি বিজেপিৰ এজন ৰাষ্ট্ৰীয় মুখপাত্ৰ... • বন্তি শইকীয়াৰ সৈতে দিল্লীলৈ যোৱা কংকনজ্যোতি বৰাৰ কোৰোনা পৰীক্ষাৰ ফলাফল নিগেটিভ, কোৱাৰেন্টাইন কক্ষৰ পৰা উভতিল ঘৰলৈ • প্ৰৱজিত শ্ৰমিকৰ পৰা ৰে'লে ল'ব নোৱাৰিব ভাড়া, বিনামূলীয়াকৈ দিব লাগিব খাদ্য... • মৰ্মান্তিক ঘটনা! নুমলীগড়ত পুখুৰীত পৰি তিনি শিশুৰ সলিল সমাধি... • লকডাউনত বিপদত পৰা দৰিদ্ৰ লোকৰ কাষত সমাজকৰ্মী পৰীক্ষিত দত্ত, বানপানীয়ে ক্ষতি কৰা এলেকাত ৰাইজৰ বাবে পাৰিলে কঠিয়া

লকডাউন ক’ত, কেনেকৈ ব্যস্ত ৱৰ্ল্ড চেম্পিয়ন হৃদয় হাজৰিকা, চাওক VIDEO

614

ডিজিটেল সংবাদ, নাৰায়ণপুৰ: লকডাউনৰ ফলত স্তব্ধ জনজীৱন । চৰকাৰৰ নিৰ্দেশনা মানি নিজ গৃহতে থাকি অনুশীলন অব্যাহত ৰাখিছে আন্তঃৰাষ্ট্ৰীয় খ্যাতি সম্পন্ন যুৱ ছুটাৰ হৃদয় হাজৰিকাই ৷ লখিমপুৰ জিলাৰ নাৰায়ণপুৰৰ নিজ বাসগৃহত পিতৃয়ে নিৰ্মাণ কৰা ছুটিং ৰেঞ্জত অনুশীলন অব্যাহত ৰাখিছে হৃদয় হাজৰিকাই ৷

দৈনিক শ্বুটিংৰ সমান্তৰালকৈ শৰীৰ চৰ্চাৰ অনুশীলন অব্যাহত ৰখা হৃদয়ে কোৰোনা মহামাৰীৰ বাবে ইতিমধ্যে দিল্লী,জাৰ্মানীৰ লগতে আন বহুকেইটা স্থানত অনুষ্ঠিত হ’ব লগা ৰাষ্ট্ৰীয়- আন্তঃৰাষ্ট্ৰীয় প্ৰতিযোগিতা বাতিল হোৱাত লকডাউনৰ সময়খিনি প্ৰশিক্ষকৰ পৰা অনলাইনৰ জৰিয়তে দিহা-পৰামৰ্শ গ্ৰহণ কৰি অনুশীলন অব্যাহত ৰাখিছে হৃদয়ে।

উল্লেখ্য যে হৃদয়ৰ পিতৃয়ে নাৰায়ণপুৰ নগৰৰ নিজ বাসগৃহৰ চৌহদতে আৰম্ভ কৰিছে এটা প্ৰশিক্ষণ কেন্দ্ৰ ৷শ্বুটিং ৰেঞ্জ আৰু ফিটনেচ জিম সংলগ্ন থাকিব লগা কেন্দ্ৰটোৰ ইতিমধ্যে নব্বৈ শতাংশ কাম সম্পূৰ্ণ হৈছে ৷ আটকধুনীয়াকৈ নিৰ্মাণ কৰা প্ৰশিক্ষণ কেন্দ্ৰটো লকডাউনৰ বাবে আধাৰুৱা হৈ থকাৰ লগতে কেন্দ্ৰটোৰ প্ৰয়োজনীয় আহিলা পাতি সমুহ আনিবলৈ সক্ষম হোৱা নাই ৷

কেন্দ্ৰটোত শ্বুটিং ৰেঞ্জৰ প্ৰশিক্ষণ এপ্ৰিল মাহতে আৰম্ভ কৰাৰ কথা আছিল যদিও লকডাউনৰ বাবেই সম্ভৱ হৈ নুঠিল ৷ নাৰায়ণপুৰৰ পৰা আন এজন হৃদয় সৃষ্টিৰ লক্ষ্যৰে এই ছুটিং ৰেঞ্জটো নিৰ্মাণ কৰিছে বুলি উল্লেখ কৰে হৃদয়ৰ পিতৃ তথা মাধৱদেৱ বিশ্ববিদ্যালয়ৰ পঞ্জীয়ক ড° শৰৎ হাজৰিকাই ৷ আনহাতে লকডাউনৰ বাবে হৃদয়ক ঘৰতে পাই আনন্দিত পিতৃৰ আশা লকডাউনৰ অন্তত হৃদয়ৰ লগতে আন খেলুৱৈ সকল পুনৰ স্ব-মহিমাৰে উজ্বলি উঠিব ৷

আপুনি পঢ়ি ভাল পাব পৰা বাতৰি