শেহতীয়া খবৰ
কংগ্ৰেছ সাংসদে কৃষি আইনৰ বিৰুদ্ধে উচ্চতম ন্যায়ালয়ত লেখ আবেদন..  •  এছ আই কেলংকাৰীৰ কিবা খবৰ আছে নেকি ? যোগাযোগ কৰক আৰক্ষীক...  •  পি কে দত্তৰ ড্ৰাইভাৰ আনোৱাৰক দৰমহা দিয়ে অসম আৰক্ষীয়ে!  •  মৃত্যুদুতলৈ পৰিণত মৰিয়নি-মোককচাং পথঃ তিনি হেজাৰ ফুট তলত পৰিল ট্ৰাক...  •  ধেমাজিৰ ঐতিহাসিক ঘুগুহা দ'লৰ বাকৰিত অসম জাতীয় পৰিষদৰ যোগদান কাৰ্য্যসূচী...  •  সৰভোগত ২০১৮-১৯ বৰ্ষৰ আছুতীয়া পুঁজিৰ অনুদান বিতৰণ বিধায়ক ৰঞ্জিত দাসৰ...  •  ভয়ংকৰ পথ দুৰ্ঘটনাঃ ৰৈ থকা ট্ৰাকত বাহনে মাৰিলে খুন্দা, নিহত প্ৰসূতীসহ ৭জন...  •  একালৰ মুখ্যমন্ত্ৰীৰ সতীৰ্থ, আছুৰ প্ৰাক্তন সাংগঠনিক সম্পাদক গৌতম ৰায়ৰ মৃত্যু...  •  বৰপেটাৰ ভেল্লাত হস্তনিৰ্মিত ৰিভ'লভাৰ সহ তিনিজনক গ্ৰেপ্তাৰ..  •  দ্ৰুতবেগী মালবাহী ৰে'লৰ খুন্দাত দুটাকৈ বন্যহস্তীৰ মৃত্যু...

দক্ষিন শালমাৰাৰ ফেৰছাঁটাৰীত ভূমি কেন্দ্ৰিক সংঘাতঃ জ্বলাই দিলে ঘৰ, পাঁচ লক্ষাধিক টকাৰ ক্ষতি

145

ডিজিটেল সংবাদ, দক্ষিণ শালমাৰাঃ দক্ষিণ শালমাৰা মানকাচৰ জিলাৰ দক্ষিণ শালমাৰা থানা এলেকাৰ ফেৰছাটাৰীত দুই গোটৰ ভূমি কেন্দ্ৰিক সংঘাতৰ মাজতে এটা ফৈদৰ ঘৰত দুৰ্বৃত্তই অগ্নি সংযোগ কৰি ঘৰ জ্বলাই দিয়া ঘটনাক লৈ তীব্ৰ চাঞ্চল্যৰ সৃষ্টি হৈছে। ঘটনাৰ পিছত ইতিমধ্যে আৰক্ষী থানাত দাখিল কৰা হৈছে এজাহাৰ।

উল্লেখযোগ্য যে যোৱা বুধবাৰে পুৱতি নিশা প্ৰায় ৩ বজাত গাঁওখনৰ জহিৰুল ইছলামৰ ঘৰত হঠাৎ অগ্নিকাণ্ডৰ ঘটনা সংঘটিত হয়। এই অগ্নিকাণ্ডৰ ফলত চাৰিটা ছাগলী মৃত্যু মুখত পৰাৰ লগতে ঘৰত জমা থকা নগদ ৪০ হেজাৰ টকা, সৰিয়হকে ধৰি বহু সামগ্ৰী সহ দুটা ঘৰ সম্পূৰ্ণৰূপে ভস্মীভূত হয়। প্ৰায় ৫ লক্ষাধিক টকাৰ বিস্তৰ ক্ষতি সাধন হয় অগ্নিকাণ্ডত।

ঘটনাক লৈ ভুক্তভুগি জহিৰুল ইছলামে অভিযোগ কৰা মতে বিগত কিছুদিন ধৰি গাঁওখনৰ পাৰ্শ্ববৰ্তী গাঁৱৰ মজিবৰ ৰহমানে তেওঁৰ পত্নী আৰু আন এজন সহযোগীৰ লগত একত্ৰিত হৈ নিশা ঘৰত শুই থকা অৱস্থাত তেওঁৰ পৰিয়ালটোক হত্যা কৰাৰ উদ্দেশ্যে এইদৰে অগ্নি সংযোগ কৰি দিয়ে। কিন্তু জহিৰুল ইছলাম সহ তেওঁৰ পৰিয়ালৰ আন সদস্য সকলৰ কোনোমতে প্ৰাণ ৰক্ষা পৰে। ঘটনাক লৈ জহিৰুল ইছলাম দক্ষিণ শালমাৰা আৰক্ষী থানাত এজাহাৰ দাখিল কৰিছে। আৰক্ষীয়ে ঘটনাৰ তদন্ত আৰম্ভ কৰিছে যদিও বৰ্তমানলৈকে ঘটনা সন্দৰ্ভত কাকো আটক কৰিব পৰা নাই।

আপুনি পঢ়ি ভাল পাব পৰা বাতৰি